વિજય રૂપાણી, નીતિન પટેલ અને પ્રદિપસિંહ જાડેજાને નહીં મળે Z પ્લસ અને Y કેટેગરીની સુરક્ષા

 

Vijay Rupani Security Withdrawn: પૂર્વ મુખ્યમંત્રી વિજય રૂપાણી (Vijay Rupani), પૂર્વ નાયબ મુખ્યમંત્રી નીતિન પટેલ (Nitin Patel) અને પૂર્વ ગૃહ રાજ્યમંત્રી પ્રદિપસિંહ જાડેજા (Pradipsinh Jadeja)ની ખુરશી છીનવાઈ ગયા બાદ હવે તેમની સુરક્ષામાં પણ ઘટાડો કરી દેવામાં આવશે. હાલમાં તેઓએ ઝેડ પ્લસ અને વાય કેટેગરીની સુરક્ષા પૂરી પાડવામાં આવી રહી છે. પણ થ્રેટ એસેસમેન્ટ કમિટીની રિવ્યૂ બેઠક બાદ સરકાર દ્વારા આ ત્રણેય નેતાઓની VVIP સુરક્ષા ઘટાડવાનો નિર્ણય કર્યો છે. હોદ્દા પરથી ઉતર્યા બાદ વિજય રૂપાણીને ઝેડ પ્લસ, પ્રદિપસિંહ જાડેજાને ઝેડ પ્લસ અને નીતિન પટેલેને વાય કેટેગરીની સુરક્ષા મળતી હતી. હવે આ ત્રણેય નેતાઓને માત્ર પોલીસ સિક્યોરિટી ઓફિસર અને ઘરની બહાર નીકળતી વખતે એસ્કોર્ટિંગની જ સુરક્ષા મળશે.

ઉલ્લેખનીય છે કે, ગત વર્ષે સપ્ટેમ્બર મહિનામાં વિજય રૂપાણી, નીતિન પટેલ સહિત સમગ્ર સરકારના મંત્રીઓને હટાવીને તેમના સ્થાને નવા જ ચહેરાઓને મંત્રીમંડળમાં સામેલ કરાયા હતા. અને હોદ્દા પરથી ઉતર્યાના અનેક મહિનાઓ બાદ તેઓની સુરક્ષા વ્યવસ્થા હવે ઘટાડવામાં આવી છે. થ્રેટ એસેસમેન્ટ કમિટીમાં ગૃહ વિભાના અધિક મુખ્ય સચિવ રાજકુમાર, સ્ટેટ ઈન્ટેલિજન્સ બ્યૂરો ચીફ અનુપમસિંહ ગેહલોત અને સેન્ટ્રેલ આઈબીના ગુજરાત સ્થિત જોઈન્ટ ડાયરેક્ટરનો સમાવેશ થાય છે. તેઓએ વિજય રૂપાણી, નીતિન પટેલ અને પ્રદિપસિંહ વાઘેલાને મળતી સુરક્ષા ઘટાડી દેવાનો નિર્ણય કર્યો હતો. આ ત્રણ નેતાઓ ઉપરાંત જજોની પણ સુરક્ષા ઘટાડી હોવાનું મીડિયા રિપોર્ટ્સમાં દાવો કરવામાં આવ્યો છે.

ભારત સરકારના સુરક્ષાના નિયમો અનુસાર પ્રોટોકોલ અને જોખમના આધારે હોદ્દા પરથી ઉતર્યા બાદ સામાન્ય રીતે એક મહિના સુધી હોદ્દા પર રહેતાં સમયે જે સુરક્ષા આપવામાં આવે છે, તે સુરક્ષા વ્યવસ્થા પૂરી પાડવામાં આવે છે. પણ એક મહિના બાદ તેઓની સુરક્ષા ઘટાડી દેવામાં આવે છે. જો કે, સપ્ટેમ્બર 2021 બાદ અત્યાર સુધી વિજય રૂપાણી, નીતિન પટેલ અને પ્રદિપસિંહ જાડેજાની સુરક્ષા વ્યવસ્થામાં ફેરફાર કરવામાં આવ્યો ન હતો.

જો કે, થ્રેટ એસેસમેન્ટ કમિટી દ્વારા આ ત્રણેય નેતાઓની સુરક્ષા પરત ખેંચી લેવાનો નિર્ણય કરાયો છે. જો કે, મીડિયા રિપોર્ટ્સમાં દાવો કરાયો છે કે, હાલમાં વિધાનસભાનું બજેટ સત્ર ચાલતું હોવાને કારણે સુરક્ષા ઘટાડાનો આ નિર્ણયનો અમલ 31 માર્ચ બાદ કરવામાં આવશે.

Source link