વાળ ધોવા માટે કેવા પાણીનો ઉપયોગ કરશો? ઠંડુ કે ગરમ? ડર્મેટોલોજીસ્ટ પાસેથી જાણો જવાબ

 

Hair Wash In Winter: ડિસેમ્બરની શરૂઆતથી ઠંડીનો ચમકારો વધવા લાગે છે, આ દિવસોમાં નાહ્વાનું તો મેનેજ થઇ જાય છે, પરંતુ ખરી મુશ્કેલી વાળ ધોતી વખતે થાય છે. કારણ કે, ઠંડા પાણીતી શેમ્પુ કરવાથી શરદી-તાવનો ડર રહે છે, જ્યારે ગરમ પાણીથી વાળ ધોવાથી વાળ કમજોર થાય છે, ડેન્ડ્રફની સમસ્યા વધે છે અને વાળની શાઇન પણ ખરાબ થઇ જાય છે.

આ સમસ્યાનું સમાધાન કેવી રીતે કરવું જોઇએ? ધૂળ-પ્રદૂષણ, કેમિકલયુક્ત પ્રોડક્ટ્સ અને અનહેલ્ધી લાઇફસ્ટાઇલની સ્પષ્ટ અસર જ્યાં વાળ પર જોવા મળે છે. એવામાં સિઝન અનુસાર, ગરમ પાણીથી વાળ ધોવાથી તે મૂળથી કમજોર થઇ જાય છે. આ અંગે સેલિબ્રિટી ડર્મેટોલોજીસ્ટ ડોક્ટર જયશ્રી શરદ (Dr.Jaishree Sharad, Cosmetic Dermatology) પોતાના સોશિયલ મીડિયા પર ખાસ માહિતી આપી રહ્યા છે.

(તસવીરોઃ પિક્સાબે.કોમ, ફ્રિપિક.કોમ)

​ગરમ પાણીથી વાળ ધોવાનું રિઝલ્ટ

ડર્મેટોલોજીસ્ટ અનુસાર, વાળને ગરમ પાણીથી ધોવાથી તે ડ્રાય થઇ જાય છે. વાળ કેરાટિન પ્રોટીનથી બનતા હોય છે, જ્યારે તમે વાળના મૂળ એટલે કે બહારના પડ પર કોઇ પણ પ્રકારની હીટ આપો છો તો આ પ્રોટીનને નુકસાન થાય છે. તેથી ડ્રાય બનીને તૂટી જાય છે.

​વાળને થશે આવી સમસ્યા

કેરાટિન પ્રોટીનને નુકસાન થવાથી વાળમાં ફ્રિઝી, ડ્રાય અને શુષ્ક બને છે અને ઝડપથી તૂટી જાય છે. તેથી જ વાળ ધોવા માટે પાણીનું ટેમ્પરેચર સેટ કરવાની સરળ રીત છે કે, પાણી ભરતી વખતે તેનો 3/4 એટલે કે, ત્રણ ચતુર્થાંશ ભાગ ઠંડા પાણીનો રાખો. આનાથી પાણી રૂમ ટેમ્પરેચર અનુસાર થઇ જશે જે શેમ્પુ કરવા માટે બેસ્ટ છે.

​આ ભૂલોથી બચો

શેમ્પુ કરતી વખતે વધારે સમય સુધી તેને સ્કાલ્પમાં ના રહેવા દો. વધારે સમય સુધી શેમ્પુથી સ્કાલ્પમાં મસાજ કરવાની જરૂર માત્ર ગરમી અને ચોમાસા રહે છે. જ્યારે શિયાળામાં સીબમની સમસ્યા નથી થતી. આ સિવાય વાળનું ક્લિનિંગ કરવા માટે વધારે સમય ના લો, નહીં તો વાળના મૂળ અને સ્કાલ્પમાંથી પ્રાકૃતિક તેલ પણ ધોવાઇ જશે. આનાથી વાળ પાતળા અને બેજાન દેખાશે.

એક્સપર્ટ પાસેથી જાણો હેશ વૉશની સાચી રીત

 

​કન્ડિશનરનો ઉપયોગ

શિયાળામાં ડ્રાય હેરથી બચવા માટે કન્ડિશનર અપ્લાય કરવું ખૂબ જ જરૂરી છે. જો કે, વધારે માત્રામાં તેનો ઉપયોગ પણ ટાળો નહીં તો વાળ પાતળા બની જશે. તમારાં વાળ અને સ્કાલ્પને અનુરૂપ પ્રોડક્ટ પસંદ કરો.

​શેમ્પુ બાદ શાઇન માટે ઘરેલૂ ઉપચાર

વીકેન્ડ પર અથવા લાંબી મુસાફરી પર જતી વખતે વાળને શેમ્પુ કરવા બાદ એલોવેરા જેલ અપ્લાય કરી લો. આ જેલ વાળના મૂળમાં શોષાઇ જશે અને વાળની લંબાઇ પર પ્રાકૃતિક કોટિંગ થઇ જશે. જેનાથી ઠંડી હવાની અસર વાળને નુકસાન નહીં પહોંચાડે. આ માટે તાજા એલોવેરાને પીસીને ગાળી લો અને તેના રસને વાળમાં ઓઇલની માફક લગાવો.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

Source link