વાળ ઝડપથી લાંબા અને ભરાવદાર બનાવવા હોય તો ડાયટમાં સામેલ કરો 5 વસ્તુ, ન્યૂટ્રિશનિસ્ટની ટિપ્સ

Expert’s Tips for Hair Diet: વાળ આપણાં શરીરના અંદરના સ્વાસ્થ્યની નિશાની છે. જ્યારે ભોજનમાં યોગ્ય પોષકતત્વો અને ન્યૂટ્રિશન્સ ભળેલા હોય તો તેની અસર વાળ અને સ્કિન પર સ્પષ્ટ દેખાઇ આવે છે.

આ જ બાબત પર ભાર મુકતા સેલિબ્રિટી ન્યૂટ્રિશનિસ્ટ અંજલિ મુખરજી (Nutritionist Anjali Mukerjee)એ પોતાના ઇન્સ્ટાગ્રામ પેજ પર વાળના સ્વાસ્થ્યને કેવી રીતે જાળવી શકાય છે તે અંગે માહિતી આપી છે. ન્યૂટ્રિશનિસ્ટ અનુસાર, આપણી ત્વચાની માફક જ વાળ શરીરના આંતરિક સ્વાસ્થ્યનું દર્પણ ગણાય છે. દરેક વાળ અને તેના મૂળને પુરતા પ્રમાણમાં પોષણની જરૂર હોય છે. તેથી જ ડાયટમાં પુરતા પ્રમાણમાં પ્રોટીન, વિટામિન્સ અને મિનરલ્સનો સમાવેશ કરવો જરૂરી હોય છે.

વાળ હંમેશા માટે ચમકદાર, ભરાવદાર અને મજબૂત રહે તે માટે માત્ર મોંઘાદાટ પ્રોડક્ટ્સ કે ટ્રીટમેન્ટ્સનો સહારો લેવાની જરૂર નથી. અહીં, ન્યૂટ્રિશનિસ્ટે જણાવેલી 5 ડાયટ ટિપ્સ ફૉલો કરવાથી તમારાં વાળનું સ્વાસ્થ્ય લાંબા સમય સુધી જળવાઇ રહેશે.

(તસવીરોઃ પિક્સાબે.કોમ, ફ્રિપિક.કોમ)

​હેલ્ધી જ્યૂસ

કેલ્શિયમ અને એન્ટીઓક્સિડન્ટ્થી ભરપૂર જ્યૂસને વધારે પીવાનો આગ્રહ રાખો. આ માટે વ્હીટ ગ્રાસ (wheat grass juice) એટલે કે જવારાનું જ્યૂસ પી શકો છો. આ સિવાય ટામેટાં અને પાલકનું જ્યૂસ પીવાથી પણ તમારાં વાળનું સ્વાસ્થ્ય જળવાઇ રહેશે.

​રાગી કે ઘઉંથી બનેલી વસ્તુઓ

રાગી, જુવાર અને આખા ઘઉંની બનેલી વસ્તુઓનો ભરપૂર માત્રામાં ઉપયોગ કરો. આનાથી વાળને પોષણ મળી રહેશે અને તે લાંબા અને ભરાવદાર બનશે. આ સિવાય રિફાઇન્ડ ફૂડ આઇટ્મ અને ટેબલ શુગરનો ઉપયોગ ટાળો.

Healthy Hair માટે એક્સપર્ટની ટિપ્સ

​ખરતા વાળ અટકાવવા માટે

બ્રાહ્મી અને ભૃંગરાજ જેવા હર્બલ ઓઇલ વાળને મુલાયમ બનાવી રાખશે અને ખરતાં વાળ અટકાવશે. વાળમાં બ્રાહ્મી કે ભૃંગરાજ તેલથી માલિશ કરવાથી મૂળ મજબૂત બનશે.

​પ્રોટીન અને આયર્ન

પ્રોટીન અને આયર્નથી ભરપૂર ફૂડ આઇટમ્સ વાળને પોષણ આપે છે અને તેને સ્વસ્થ્ય બનાવે છે. આ માટે તમારાં ડાયટમાં ઇંડા, ગ્રીન શાકભાજી કે ફીશનો સમાવેશ કરો.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો



Source link