વાળને કુદરતી કાળા, મજબૂત અને ઘટ્ટ બનાવવા 3 આયુર્વેદિક ટિપ્સ, ડોક્ટરના રામબાણ નુસખા

Indian Home Remedies for Hair Growth: વાળને લાંબા, ઘટ્ટ અને મજબૂત બનાવવા માટે તમે ચોક્કસથી અનેક દેશી અને ઘરેલૂ નુસખાઓ અજમાવ્યા જ હશે. આ નુસખા ઘણીવાર મનપસંદ રિઝલ્ટ આપતા હોય છે, જ્યારે કેટલાંક નુસખાઓ ગમે તેટલી વખત અજમાવવા છતાં ધાર્યુ પરિણામ નથી મળતું.

વાળને હેલ્ધી રાખવા માટે માત્ર બહારથી જ નહીં પણ અંદરથી પણ તેને પોષણ આપવાની જરૂર પડે છે. અનહેલ્ધી લાઇફસ્ટાઇલ અને અયોગ્ય ખાન-પાનની આદતો વાળ અને સ્કિન પર સ્પષ્ટ દેખાય છે. વાળથી જ વ્યક્તિનું સૌંદર્ય નિખરે છે અને કોન્ફિડન્સમાં પણ વધારો થતો રહે છે. અનહેલ્ધી ડાયટ, વારસાગત કે પ્રદૂષણની અસર ઉપરાંત વાળનું પુરતું ધ્યાન ના રાખવું, વાળને માફક આવે તેવા શેમ્પૂ, કન્ડિશનર કે હેર માસ્કનો ઉપયોગ નહીં કરવાથી પણ વાળ ખરાબ દેખાય છે અને હેર ફૉલની સમસ્યા શરૂ થઇ જાય છે.

અહીં, આયુર્વેદિક નિષ્ણાત ડોક્ટર મિહિર ખત્રી (Vaidya Mihir Khatri, Ayurvedic Expert) વાળને લાંબા, ઘટ્ટ અને મજબૂત બનાવવા માટે કેટલીક સરળ ટિપ્સ વિશે માહિતી આપી રહ્યા છે.

(તસવીરોઃ પિક્સાબે.કોમ, ફ્રિપિક.કોમ)

અકાળે સફેદ, પાંખા-પાતળા વાળ અને ડેન્ડ્રફની સમસ્યાનો એક ઇલાજ છે ડોક્ટરે જણાવેલી ટિપ્સ

​અજમાવો આ આયુર્વેદિક ટિપ્સ

  • દરરોજ આમળા પાઉડર, કાળા તળ અને અખરોટનું દિવસમાં બે વખત સેવન કરો.
  • નાકમાં બે ટીંપા ગાયના ઘીના નાખવાથી બ્લડ સર્ક્યુલેશનમાં સુધારો થશે અને વાળના મૂળ મજબૂત બનશે
  • વાળના તમામ પ્રકારને માફક આવે તેવું આયુર્વેદિક કોમ્બિનેશન છે ગરમ દૂધમાં બે ચમચી દેશી ઘી નાખીને સૂતા પહેલાં સેવન.

​હેલ્ધી ડાયટ કરશે કમાલ

હેર ઓઇલ અપ્લાય કરવાથી સ્કાલ્પમાં ખંજવાળ, અકાળે સફેદ વાળ જેવી સમસ્યાઓ દૂર થાય છે. આયુર્વેદિક નિષ્ણાત અનુસાર, કેટલીક આયુર્વેદિક મેડિસિન ડાયટ સાથે હેર ઓઇલ પણ બેસ્ટ રિઝલ્ટ આપતા જ હોય છે. આ સાથે આયુર્વેદિક મેડિસિન અને વાળ માટે કમ્પલિટ ડાયટથી બેસ્ટ રિઝલ્ટ મળે છે. આ સિવાય ડાયટમાંથી ટામેટાં, તીખા-તળેલા અને ફ્રોઝન ફૂડને દૂર કરો. પુરતી ઉંઘ લો અને સવારે વહેલાં ઉઠવાની આદત રાખો.

આયુર્વેદિક એક્સપર્ટ પાસેથી જાણો ખરતા વાળની સમસ્યા દૂર કરવાના ઉપાય

​હેર ઓઇલ સાથે ન્યાસા અને શિરોધરા

આયુર્વેદિક ચરક પદ્ધતિમાં ટાલ, ઉંદરી, ખરતા વાળ, પ્રિમેચ્યોર ગ્રે હેરથી છૂટકારા માટે હેર ઓઇલથી સ્કાલ્પમાં મસાજની સલાહ આપવામાં આવે છે. તેલથી મસાજ કરવાથી વાળના મૂળ મજબૂત બને છે અને વાળને ખરતા અટકાવે છે. સ્કાલ્પને હેલ્ધી રાખવાથી વાળ મજબૂત અને લાંબા બનશે. આ સિવાય તમે ન્યાસા અથવા શિરોધારા ટેક્નિક પણ અજમાવી શકો છો.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં, વધુ માહિતી માટે તમારાં ડોક્ટરનો સંપર્ક કરો.

વાળની આ સમસ્યાને ઇગ્નોર કરી તો થશે મોટું નુકસાન, હેર એક્સપર્ટ પાસેથી જાણો લાંબા અને ઘટાદાર વાળ માટેની ટિપ્સ



Source link