વાતચીત નહીં આ ઇશારાઓ જણાવશે વ્યક્તિને તમારાં માટે ફિલિંગ્સ છે કે નહીં!

 

કોઇ વ્યક્તિની પસંદગી બાદ આપણે સતત સાબિતી શોધતા થઇ જઇએ છીએ કે આ વ્યક્તિ પણ મારાં માટે એક સરખી જ લાગણીઓ અનુભવે છે. ઘણીવાર આ વાતચીતને આધારે કે સ્પષ્ટ શબ્દોમાં પૂછપરછ કરવી પણ અઘરી બાબત હોય છે. કારણ કે, આપણને એ ભય પણ હોય છે કે, કદાચ આ વ્યક્તિ મારી લાગણીઓનો અસ્વીકાર કરી દેશે તો! કેટલાંક લોકો માટે લાગણીઓને સીધા શબ્દોમાં વ્યક્ત કરવી અઘરી હોય છે. તેથી જ આ કામને સરળ બનાવવા માટે અહીં જાણો એવી ટિપ્સ વિશે જે તમારી અંદરના ભયને દૂર કરવામાં અને તમને એક ક્લિયર પિક્ચર આપવામાં મદદરૂપ સાબિત થશે.

​તમારાં તરફનું વલણ

જો વ્યક્તિને તમારી તરફ ઝૂકાવ હશે તો તે તમારી નાની બાબતોમાં રસ લેશે, તમે શું કહેવા માંગો છો, તમારી દિનચર્યા વિશે માહિતી મેળવવી. આ ઉપરાંત તમારી હાજરીથી જ તે મોહિત થઇ જશે. આ સિવાય તે તમારી અને તેની વચ્ચેના કોઇ પણ અવરોધોને દૂર કરવાના પ્રયત્નો કરે તો સમજી જાવ કે વ્યક્તિને તમારાં માટે ભારોભાર લાગણી છે.

​આઈ કોન્ટેક્ટ

આંખોમાં આંખ પરોવીને વાત કરવી એ લાગણી હોવાની સીધી સ્પષ્ટતા છે. જો વ્યક્તિ તમારી સાથે આઇ કોન્ટેક્ટ જાળવી રાખે, તમારી સાથે સીધી કે આડકતરી રીતે જોઇને અથવા આંખોમાં આંખ નાખીને તમારું ધ્યાન ખેંચવાનો પ્રયત્ન કરે તો સમજી લો કે આ હકારાત્મ નિશાની છે. આઇ કોન્ટેક્ટ કોઇની લાગણીઓ વિશે જાણવાની સૌથી મોટી ચાવી છે.

​આઇબ્રો ઉંચી કરવી

જો તમારે વધુ સ્પષ્ટતા જોઇતી હોય તો વ્યક્તિની આઇબ્રો પર ધ્યાન આપો. આંખના ભવાં ઉંચા કરવાની હિલચાલને ફ્લેશ તરીકે ઓળખવામાં આવે છે. આ એક અનૈચ્છિક ચળવળ છે તે ત્યારે જ થાય છે જ્યારે ડોપામાઇન લોહીના પ્રવાહમાં મુક્ત થાય છે અને તમે કોઇની તરફ આકર્ષિત હોવ ત્યારે હોર્મોનને સક્રિય કરે છે. જો વ્યક્તિ આશ્ચર્યજનક રીતે તમારી સાથે વાતચીત દરમિયાન થોડી સેકન્ડ માટેપણ આઇબ્રો ઉંચી કરે તો તેનો સંકેત એ છે કે તેને તમારાંમાં રસ છે.

​વર્તનને કરશે કોપી

જો કોઇ વ્યક્તિ તમને પસંદ કરતું હશે તો તે સાહજિક રીતે જ તમારાં વર્તનને પ્રતિબિંબ કરશે. તમારાં જેવા હાવભાવ, વર્તન અને બિહેવિયરની નકલ કરવાનું શરૂ કરી દેશે. તો હવે જ્યારે તમારાં મનગમતા પાત્રને મળો ત્યારે આ બાબતને નોટિસ કરવાનું ચૂકશો નહીં.

​પગના ડાયરેક્શન

જો વ્યક્તિના પગ તમારી તરફ છે તો તે તમારાંમાં રસ ધરાવે છે અને તમારું ધ્યાન આકર્ષિત કરવા માગે છે. આ એક સાહજિક અને સબકોન્શિયસ એક્ટ છે જેના પર સામાન્ય વ્યક્તિનું નિયંત્રણ હોતું નથી.

Source link