વહેલી સવારે હૂંફાળું લીંબુનું પાણી અને ચાલવું’, યુવકે ઘટાડ્યું 63 કિલો વજન!

 

​જીવનમાં આવ્યો વળાંક

મલયે જણાવ્યું હતું કે, “હું એક બિન્ધાસ્ત વ્યક્તિ હતો. આખો દિવસ કંઈને કંઈ આરોગવું અને ફિલ્મો જોવી તેમજ ગેમ્સ રમવી એ જ મારો ધ્યેય હતો. આખા દિવસમાં હું કેટલુંય જંકફૂડ આરોગી જતો હતો. કોરોના વાયરસની મહામારી આવી તે પહેલા પણ હું મેદસ્વીતાથી પીડાઈ રહ્યો હતો. કોરોના મહામારી પહેલા પણ મારુ વજન 125 કિલો જેટલું તો હતું જ. કોરોના મહામારીનો કાળ આવ્યો એ પછી તો મારુ વજન ફરી 12 કિલો જેટલું વધી ગયું. આ વધેલું વજન મારી ખાવાની આદતને, મારી સોફા પર આખો દિવસ સુવાની તેમજ ગેમ રમવાની ટેવને આભારી છે.

મારી લાઈફસ્ટાઈલે જ મને એકદમ અદોદળો અને આળસુ બનાવી નાખ્યો હતો. હું બસ આખો દિવસ મારા સોફા પર પડ્યો પાથર્યો રહેતો હતો અને ગેમ્સ જ રમ્યા કરતો હતો. આ ઉપરાંત ચિપ્સ અને વેફર તેમજ ચિકન, બર્ગર, પિઝા અને ખબર નહીં કેટલું જંકફૂડ જ આરોગ્યા કરતો હતો. જોકે, એક સમય એવો આવ્યો કે મને મારા જ કપડા થતા નહોતા. આ કારણે મારે દરજીની મદદથી તેને સરખા કરાવવા પડતા હતા અથવા તો ઈન્ટરનેટની મદદથી “plus-size”ના કપડા ખરીદવા પડતા હતાં. બસ ત્યારથી જ મારા મનમાં વિચાર આવ્યો કે બસ હવે તો બહું થયું. આ જ સમય છે વજન ઉતારવાનો. વધેલા વજનના કારણે મારા સ્કૂલ અને કોલેજના દોસ્તો મારી ખૂબ જ મશ્કરી કરતા હતાં. આ જ મારા માટે લાલબત્તી સમાન હતું અને મે દ્રઢપણે વજન ઉતારવાનું નક્કી કરી નાખ્યું હતું.”

આવું રહેતું હતું ડાયેટ

નાસ્તો: ઓટ્સ અને કેળું, વહેલી સવારે હૂંફાળું લિંબૂનું પાણી તેમજ દાડમ અને 2 સફરજન

બપોરનું ભોજનઃ એક રોટલી+ દાળ+ લો કેલેરી શાક+ દહિં અને ગોળ

રાતનું ભોજનઃ હું લો કર્બ ડાયેટ લેવાનું પસંદ કરતો જેમાં કઠોળ, સલાડ અને નાના કદના 5 ઈંડા રહેતા.

કસરત પહેલાઃ ગ્રીન ટી અને કેટલોક સમય નારંગી

કસરત પછીઃ પ્રોટિન શેક તેમજ કેટલીક વાર નાનું સફરજન

જ્યાં સુધી મેં મારુ વજન 95 કિલો ન કરી લીધું ત્યાં સુધી મારા માટે ચીટ મીલ્સ જેવું કંઈ જ રાખ્યું નહોતું. પરંતુ પછી એક મહિનામાં ત્રણ વાર હું મને મનગમતું ભોજન આરોગી લેતો હતો. જેમાં બર્ગર, પિઝા, બિરિયાની, બ્રાઉની, કેક જેવી વાનગીઓનો સમાવેશ થતો હતો.

લો કેલોરી રેસિપીઃ ગોળ તેમજ દહીં લેવું, શાકભાજી સાથે બે રોટલી+ દાળ

​વર્કઆઉટનો સમાવેશ

મારો કસરત કરવાનો સમય 45 મિનિટ કાર્ડિયો અને રોજ 5 કિલોમીટર ચાલવાનું રહેતું હતું. હું સવારે સાડા પાંચ વાગ્યે ઉઠીને ચાલવા જતો હતો. આ ઉપરાંત હું રોજ 45 મિનિટ સવારે જિમમાં પણ વિવિધ કસરત કરતો હતો.

​ફિટનેસ સિક્રેટ

મારુ માનવું છે કે, જ્યાં સુધી તમે શારીરિક રીતે એક્ટિવ રહેશો ત્યાં સુધી બીમાર પડવાની શક્યતાઓ પણ ઓછી છે. જોકે, એ હદ સુધી પણ તમારે કસરત ન કરવી જોઈએ કે ડાયેટ પ્લાનને ફોલો ન કરવું જોઈએ જેથી તમારા શરીરને ખૂબ જ તકલીફ થાય. આ ઉપરાંત તમારે દૈનિક રુટિન કરતા શનિવારે તેમજ રવિવારે તમારા શરીરને આરામ આપવો જોઈએ. જેથી ફરી તમે એક નવી ઉર્જા સાથે રુટિન કાર્ય શરુ કરી શકો. તમારી કસરતને સ્માર્ટ વોચ તેમજ એપ્લિકેશન ટ્રેકરથી જાણતા રહો. ઉપરાંત રોજ ભરપૂર પાણી પણ પીતા રહો.

જેવું મેં 135+ કિલોથી નીચે તરત જ વજન ઉતાર્યું કે, લોકો હવે મને હું ડાયેટમાં શું લેતો? કેવી રીતે કસરત કરતો? મારી લાઈફસ્ટાઈલમાં કઈ રીતે ફેરફાર આવ્યો આ દરેક બાબતો મને પૂછતા હતાં. જે મને ખૂબ જ પ્રેરણાદાયક લાગતું હતું.

હું મારી જૂની તસવીરો જોતો હતો અને રોજ વધુ ને વધુ મહેનત કરવા માટે પ્રેરાતો હતો. મારી સખત મહેનતથી મેં રુટિન કસરતમાં સાતત્ય જાળવી રાખ્યું હતું. જેનાથી મને ચોક્કસ પરિણામ મળ્યું હતું.

​વધેલા વજનથી શું સમસ્યા નડે?

લોકો મારી ટીકા કરતા હતા અને વધેલા વજન પર ગમેતેમ કમેન્ટ કરતા હતાં. હું જ્યાં પણ જતો હતો ત્યાં મને લોકો મજાકનું સાધન બનાવતા હતાં. ઉપરાંત હેલ્થને લઈને પણ અનેક સમસ્યાઓ થતી હતી. ખાસ કરીને હું થોડા પગથિયા ચડતો ત્યાં જ હાંફી રહેતો હતો.

​તમને નિરાશા ક્યારે થઈ હતી?

હું નિરાશાથી ત્યારે ઘેરાઈ ગયો હતો જ્યારે મને લાગ્યું કે હવે હું મારુ વજન ક્યારેય પણ ઘટાડી શકીશ નહીં કારણકે મને મારા કોઈ જ આઉટફીટ ફીટ થતાં નહોતાં. મને હંમેશા એવું લાગતું હતું કે મારુ વજન 130..150…200 કિલો સુધી વધતુ જ જશે. જોકે, મેં લોકોને ખોટા પાડ્યા અને 13 મહિના પછી હવે હું એક નિશ્ચિત તબક્કે પહોંચી ગયો છું.

​લાઈફસ્ટાઈલમાં શું ફરક પડ્યો?

પહેલા તો હું આખો દિવસ સોફામાં પડ્યો રહેતો હતો. જે મારી ભૂલ હતી. હવે હું વહેલી સવારે ઉઠી જઉં છું અને કસરત કરવી એ તો મારી જીવનશૈલીમાં જ વણાઈ ગયું છે. આ ઉપરાંત જોગિંગ કરવી, સ્વિમિંગ કરવું જેવી બાબતોનો પણ સમાવેશ થાય છે. મારી ભૂતકાળની લાઈફસ્ટાઈલ કરતા હવે હું ખૂબ જ સારુ અનુભવી રહ્યો છું. હવે હું વહેલો સૂઈ જઉં છું અને વહેલો ઉઠું છું.

વેઈટલોસ જર્નીથી મળેલો બોધપાઠઃ

જ્યારે તમે આત્મવિશ્વાસ પૂર્વક કોઈ બાબત કરવા માટે મનમાં ધારી લો છો અને અડગ નિશ્ચય કરી લો છો પછી માર્ગમાં ગમે તેવી મુશ્કેલી આવે તમે એ કરીને જ રહો છો. આત્મપ્રેરણા તમારી અંદર જ રહેલી છે. એ સિવાય કોઈ જ બાબત તમને પ્રેરણા આપી શકતી નથી.

Source link