વરાછામાં PIના નામે રુ. 1.45 લાખનો તોડ કર્યો, વધુ 20 હજાર લેવાના ચક્કરમાં ACBની ટ્રેપમાં ફસાયો!

 

સુરતઃ વરાછામાં દારૂ સાથે ઝડપાયેલા બે શખ્સો પાસેથી ડી સ્ટાફના હેડ કોન્સ્ટેબલે (Police head constable) પીઆઈના નામે રૂપિયા 1.45 લાખનો તોડ કર્યો હતો. એ પછી બાકીના પાંચ હજાર અને અન્ય આરોપીનું નામ ન લેવાના મામલે આ હેડ કોન્સ્ટેબલે વધુ 15 હજાર રુપિયા માગ્યા હતા. આખરે પોલીસની હેરાનગતિથી કંટાળીને શખ્સે ACBને લેખિતમાં ફરિયાદ કરી હતી. એ પછી જ્યારે હેડ કોન્સ્ટેબલ (varachha police) આ લાંચની રકમ લેવા આવ્યો ત્યારે ACBએ છટકુ ગોઠવીને તેને રંગેહાથ ઝડપી પાડ્યો હતો. ACBની ટીમે મંગળવારે માતાવાડી ચાર રસ્તા પાસે આ છટકુ ગોઠવ્યુ હતુ. ગઈ 13 માર્ચના રોજ દારૂની બોટલો સાથે ઝડપાયેલા બે શખ્સો પૈકી એકે ACBને લેખિતમાં ફરિયાદ કરી હતી. જે બાદ હેડ કોન્સ્ટેબલ સાથે મોટો દાવ થઈ ગયો હતો.

પ્રાપ્ત રિપોર્ટ મુજબ, ગઈ 13 ફેબ્રુઆરીના રોજ દારૂની બોટલો સાથે બે શખ્સ ઝડપાયા હતા. જેમની પાસેથી ડી સ્ટાફના હેડ કોન્સ્ટેબલ રામદેવસિંહ વાળાએ રૂપિયા 1.45 લાખનો તોડ કર્યો હતો. બાકીના 5 હજાર અને અન્ય આરોપનીના નામ ખોલવાને મામલે હેડ કોન્સ્ટેબલે વધુ 15 હજાર રુપિયા માગ્યા હતા. હેડ કોન્સ્ટેબલ રામદેવસિંહ વાળાની હેરાનગતિથી કંટાળીને બે શખ્સ પૈકી એક યુવકે ACBને લેખિતમાં ફરિયાદ કરી હતી. આ યુવકે એવી ફરિયાદ કરી હતી કે, દારૂ સાથે ઝડપાયા બાદ અહીંના પીઆઈએ બે લાખ રૂપિયાની લાંચ માંગી હતી. જેમાંથી એક લાખ રુપિયા વરાછા પોલીસ સ્ટેશનના ડી સ્ટાફના હેડ કોન્સ્ટેબલ રામદેવસિંહ વાળાને આપ્યા હતા. જ્યારે 45 હજાર રૂપિયા એક રિક્ષાવાળા મારફતે આ હેડ કોન્સ્ટેબલને આપી દેવામાં આવ્યા હતા.

જ્યારે બાકીના પાંચ હજાર અને અન્ય આરોપીનું નામ ન ખોલવાને લઈને વધુ પંદર હજાર એટલે કે 20 હજાર રુપિયાની માગણી કરવામાં આવી હતી. ફરિયાદીના ફરિયાદ બાદ ACBએ વરાછા પોલીસ સ્ટેશન નજીક માતાવાડી ચાર રસ્તા પાસે છટકુ ગોઠવવામાં આવ્યું હતું. એ પછી જ્યારે હેડ કોન્સ્ટેબલ રામદેવસિંહ વાળા આ લાંચની રકમ લેવા માટે આવ્યો ત્યારે ACBની ટીમે તેને રંગે હાથ ઝડપી પાડ્યો હતો. આ મામલે પોલીસે વધુ તપાસ હાથ ધરી છે. જો કે, પોલીસ ઈન્સપેક્ટરના નામે તોડ કર્યો હોવાથી ACBએ એ દિશામાં પણ તપાસ હાથ ધરી છે.

દારૂની 3 પેટી ઝડપાઈ, બતાવી 2
જે બુટલેગરે ACBને ફરિયાદ કરી હતી તેણે વરાછા પોલીસની કામગીરીને લઈને ગંભીર આક્ષેપ કર્યા હતા. ગઈ 13 માર્ચના રોજ વરાછા રેલવે કોલોની પાસે વરેલીના શખ્સ સાથે 27 વર્ષીય યુવકને હેડ કોન્સ્ટેબલ રામદેવસિંહ વાળાએ દારૂની ત્રણ પેટી સાથે ઝડપી પાડ્યો હતો. બુટલેગરનો આક્ષેપ છે કે, પોલીસે ત્રણ પેટીના બદલે માત્ર બે પેટી બતાવી હતી. પોલીસે એવી ધાક બતાવી હતી કે, જે દો લાખ રૂપિયા માંગવામાં આવ્યા છે તે કોઈને બચાવવા માટે કે મુદ્દામાલ છોડાવવા માટે નથી. દારૂ સાથે ઝડપાયો હોવાથી આ રુપિયા માંગવામાં આવ્યા છે.

Source link