વધુ એક ભરતી કૌભાંડ! પેપર લીક બાદ હવે ફેક સર્ટિ. પર યુવરાજસિંહનો મોટો ઘટસ્ફોટ

 

ગાંધીનગર: પેપર લીક કૌભાંડ બાદ હવે વિદ્યાર્થી નેતા યુવરાજસિંહે હવે ફેક સર્ટિફિકેટને લઈને મોટો ધડાકો કર્યો છે. પ્રાપ્ત માહિતી અનુસાર સ્પર્ધાત્મક પરીક્ષાના મુદ્દાને લઈને ગાંધીનગર ખાતે યુવરાજસિંહ જાડેજાએ પ્રેસ કોન્ફરન્સ કરી હતી. જેમાં તેમણે સ્પર્ધાત્મક પરીક્ષામાં થતી ગેરરીતિ અને ફરજીવાડા અંગે અનેક ચોંકાવનારા આક્ષેપો કર્યા છે, તેમજ તમામ આધાર પુરાવાઓ પણ મીડિયાને જણાવ્યા હતા.

પરીક્ષા પહેલા એક્ટિવ થાય છે એજન્ટો: યુવરાજસિંહ
યુવરાજસિંહ જાડેજાએ જણાવ્યું કે, સ્પર્ધાત્મક પરીક્ષાની જે શૈક્ષણિક લાયકાત હોય છે જેમાં જે સ્પેસિફિક ડિગ્રીનો ઉલ્લેખ કરવામાં આવતો હોય છે તે સર્ટિફિકેટ્સ હાલ ફર્જી અને આર્થિક વગના જોરે મળી રહ્યા છે. આ ઉપરાંત સેનેટરી ઈન્સ્પેક્ટર, મલ્ટી પર્પઝ હેલ્થ વર્કર્સ, પશુધન નિરીક્ષકમાં ફ્રોડ સર્ટીના આધારે ભરતી કૌભાંડનો યુવરાજસિંહ દ્વારા આક્ષેપ કરવામાં આવ્યો છે.

‘વિવિધ સ્પર્ધાત્મક પરીક્ષા માટે ખોટા સર્ટિફિકેટ’
પરીક્ષા પહેલા એક્ટિવ થાય છે એજન્ટો, ગુજરાત બહારની યુનિવર્સિટીના સર્ટિફિકેટ લવાઈ રહ્યા છે
– અત્યાર સુધીમાં આરોગ્ય વિભાગ, પંચાયત અને કોર્પોરેશન સહિતની 8000 જેટલી ભરતીઓ થઈ. જેમાં રાજ્ય બહારની જે ફ્રોડ સર્ટિફિકેટ ઈશ્યું લેનાર વ્યક્તિ આમાં અત્યારે મોટાભાગના નોકરી કરી રહ્યા છે.
– નકલી સર્ટિફિકેટના આધારે કરવામાં આવી રહી છે ભરતી.
– આવનારી જે પરીક્ષાઓ છે જેમાં પંચાયત વિભાગની પશુધન નિરીક્ષક, લેબટેક, ફાર્મસિસ્ટ, FSW જેવી પરીક્ષાઓમાં પણ આવા એજન્ટો એક્ટિવ થયા છે અને ઉઘરાણુ કરીને સર્ટિફિકેટ પણ આપી રહ્યા છે. જેમાં 70000ની ઉઘરાણી પણ કરવામાં આવી રહી છે. આ સર્ટિફિકેટ રાજ્ય બહાર આપવામાં આવી રહ્યા છે.
– સર્ટિફિકેટ કૌભાંડના વિડીયો અને ઓડિયો રેકોર્ડિંગ મીડિયાને આપી રહ્યા છે. આ સિવાયના જરૂરિયાતના આધાર પુરાવા છે તે ચોક્કસ સમયે આપીશું.
– 8000 ઉમેદવારોમાંથી કેટલાય ઉમેદવારોએ નકલી સર્ટિફિકેટ આપ્યા છે
– ઉમેદવારો 70 રૂપિયા આપીને ફકત 40 દિવસની અદર સર્ટિફિકેટ મેળવી લે છે
– આવા લોકો આરોગ્ય તેમજ શિક્ષણની સાથે પણ ચેડા કરે છે
– ગુજરાત બહારની યુનિવર્સિટીની સર્ટિફિકેટ લાવી આ રીતે ગોરખ ધંધાઓ ચાલી રહ્યા છે.

Source link