વડોદરામાં જમવા નીકળેલા યુવકની માથાભારે શખ્સે કરી નાખી નિર્મમ હત્યા!

 

વડોદરાઃ ખોડિયારનગર સફેદ વુડાના આવાસમાં કોઈ માથાભારે શખ્સે પાણીપુરી વેચીને પરિવારનું ગુજરાન ચલાવતા યુવકની તિક્ષ્ણ હથિયારના ઘા ઝીંકીની નિર્મમ હત્યા કરી નાખી હતી. આ યુવક સોમવારે રાત્રે ઘરેથી બહાર જમવા જવા માટેનું કહીને નીકળ્યો હતો. આ યુવકની મંગળવારે બ્રહ્માનગર નજીકથી હત્યા (Vadodara murder) કરાયેલી લાશ મળી આવી હતી. જો કે, પોલીસે હત્યા કરાનારા યુવકની ગણતરીના કલાકોમાં જ ધરપકડ કરી હતી. મૃતકે અગાઉ પાણીપુરીની લૂંટની ફરિયાદ પણ નોંધાવી હતી. આ અદાવતમાં યુવકની હત્યા થઈ હતી. ત્યારે પોલીસે (Vadodara news) આ મામલે હત્યાનો ગુનો નોંધીને આરોપીને ઝડપી પાડીને વધુ તપાસ હાથ ધરી છે.

પોલીસના જણાવ્યા મુજબ, વડોદરાના ખોડિયારનગર ક્રિષ્ણાનગર-1 ખાતે કમલેશ રાધેશ્યામ રાજપૂત નામનો યુવક રહતો હતો. તે મૂળ ઉત્તર પ્રદેશના ફરૂખાબાદ જિલ્લાના કામયગંજ તાલુકાના દુદેમેઈ સેલમપોરાનો વતની હતો. તે પાણીપુરીનો વ્યવસાય કરીને પરિવારનું ગુજરાન ચલાવતો હતો. તેને ચાર સંતાન છે. જે પૈકી સુધીર ઉર્ફે ટુમટુમ કમલેશ રાજપૂતને પાણીપુરીની ફેરીમાં મદદ કરતો હતો. મંગળવારે સવારે બ્રહ્માનગર પાસેથી સુધીર ઉર્ફે ટુમટુમની લાશ મળી આવી હતી. લાશ જોઈને આસપાસના લોકો ઉમટી પડ્યા હતા. કમલેશ રાજપૂતને તેના સ્નેહીએ આ વાતની માહિતી આપી હતી.

હત્યાની વાત સાંભળીને પરિવારના લોકો ઘટના સ્થળે દોડી આવ્યા હતા. જ્યાં લોહીલુહાણ હાલતમાં સુધીરની લાશ પડી હતી. તેની છાતીના ભાગે તિક્ષ્ણ હથિયારના ઘા મારવામાં આવ્યા હતા. સફેદ વુડા મકાનના કમ્પાઉન્ડમાંથી આ લાશ મળી આવી હતી. પોલીસે પણ ઘટના સ્થળે જઈને ગુનો નોંધીને તપાસ હાથ ધરી હતી. તો કમલેશ રાજપૂતે આ મામલે પોલીસ ફરિયાદ કીર નોંધાવી હતી. ફરિયાદમાં કમલેશ રાજપૂતે જણાવાયુ હતુ કે, મોડી રાત્રે પાણીપુરીનો ધંધો કરીને સુધીર ઘરે પરત ફર્યો હતો. બાદમાં તે બહાર જમવા જવા માગતો હોઈ ઘરેથી 100 રુપિયા લઈને નીકળ્યો હતો. વહેલી સવાર થઈ ગઈ હોવા છતા તે ઘરે પરત ફર્યો નહોતો. જો કે, આ દરમિયાન તેની લાશ મળી આવી હતી. ઘટનાની જાણ થતા હરણી પોલીસ અને બાપોદ પોલીસના અધિકારીઓ ઘટના સ્થળે દોડી આવ્યા હતા. ઘટના સ્થળે હરણી પોલીસ સ્ટેશન હેઠળ આવતા પોલીસે આગળની કાર્યવાહી હાથ ધરી હતી.

ઘટનાના પગલે ક્રાઈમ બ્રાંચે પણ તપાસ હાથ ધરી હતી. જો કે, ક્રાઈમ બ્રાંચે ગણતરીના જ કલાકોમાં હત્યારા રોશન શંકર લોહાણાને ઝડપી પાડ્યો હતો. પોલીસ તપાસમાં સામે આવ્યું કે વડોદરા રેલવે સ્ટેશન પાસે દામાજીરાવ ધર્મશાળા ખાતે રહેતો હતો. એ પછી રોશન છેલ્લાં કેટલાંક સમયથી સફેદ વુડાના મકાનમાં રહેવા આવ્યો હતો. ગઈ કાલે બ્રહ્માનગર રો પર લારી ચલાવતા ખેમચંદ તેજમલ ખેમચંદાણી સાથે રોશનનો ઝઘડો થયો હતો. જેને લઈને હરણી પોલીસ બંનેને પોલીસ સ્ટેશન લઈ ગયા હતા. જ્યાં બંને વચ્ચે સમાધાન થયુ હતુ.

એ પછી બંને બ્રહ્માનગર પાછા પહોંચ્યા હતા. એ સમયે રોશનની દાદાગીરીના કારણે ગોવિંદ ભરવાડ નામના શખ્સે રોશનને માર માર્યો હતો. આ વાતથી ગુસ્સે ભરાયેલો રોશન ચાકૂ લઈને આવ્યો હતો. જ્યાં તેણે સુધીર પર ચાકૂથી જીવલેણ હુમલો કરીને તને મોતને ઘાટ ઉતારી દીધો હતો. જો કે, પોલીસે તેને ઝડપી પાડ્યો હતો. પોલીસ તપાસમાં એવું પણ સામે આવ્યું કે, આરોપી રોશન એક વર્ષ પહેલાં ગુનાહિત પ્રવૃત્તિ સાથે સંકળાયેલો હતો. જને હરણી પોલીસે અગાઉ પણ ઝડપી પાડ્યો હતો.

Source link