લોકો લાંબા+ઘટ્ટ વાળનું રહસ્ય પૂછતા નહીં થાકે, જો અજમાવશો રસોડાંની આ 1 વસ્તુ

Methi Dana for Hair: મેથીની તાકાત તો આયુર્વેદ પણ માને છે. આ નાના-પીળા રંગના બીજ એટલા શક્તિશાળી હોય છે કે, દર્દીને અનેક રોગોથી રાહત અપાવી શકે છે. જો કે, તેના ફાયદા માત્ર અહીં સુધી જ પુરતા નથી, મેથી વાળમાં પણ ચમત્કારિક રિઝલ્ટ આપી શકે છે. બસ તેનો ઉપયોગ કેવી રીતે કરવો જોઇએ તે અંગે જાણકારી તમારી પાસે હોવી જોઇએ.

ભારતીય યોગ ગુરૂ, રિસર્ચ અને ટીવી પર્સનાલિટી ઉપરાંત ધ યોગા ઇન્સ્ટિટ્યૂટના ડાયરેક્ટર ડોક્ટર હંસા યોગેન્દ્ર (Dr. Hansaji Yogendra, Director, The Yoga Institute) મેથીના દાણાના ઉપયોગને લગતી કેટલીક એવી રીત વિશે જણાવી રહ્યા છે જે હેર ફૉલથી છૂટકારો અપાવીને વાળને લાંબા, કાળા અને મજબૂત બનાવવામાં મદદરૂપ થઇ શકે છે.

મેથી દાણાના આ પ્રયોગને નિશ્ચિત સમય સુધી અપ્લાય કરવાથી વાળમાં એવી ચમક-દમક આવશે કે દરેક વ્યક્તિ તમારાં લાંબા વાળનું રહસ્ય પૂછવા લાગશે. ચાલો એક્સપર્ટ પાસેથી જાણીએ મેથી દાણાના ઉપયોગની રીત.

(તસવીરોઃ પિક્સાબે.કોમ, ફ્રિપિક.કોમ)

​મેથી દાણાથી વાળને ફાયદો

ડોક્ટર હંસા યોગેન્દ્ર ((Dr. Hansaji Yogendra VIDEO)એ પોતાના એક વીડિયોમાં જણાવ્યું કે, મેથી દાણામાં આયર્ન અને પ્રોટીન ભરપૂર માત્રામાં હોય છે અને વાળના સ્વાસ્થ્ય માટે આ બંને કમ્પાઉન્ડની સૌથી વધારે જરૂર હોય છે. આ જ કારણોસર મેથી દાણા વાળ સાથે જોડાયેલી સમસ્યાઓ જેમ કે, હેર ફૉલ, ડેન્ડ્રફ, શુષ્ક અને બેજાન વાળ વગેરેથી છૂટકારો અપાવી શકે છે.

​મેથી દાણાના પાણીનો ઉપયોગ

  • એક મુઠ્ઠી મેથી દાણાને રાત્રે પાણીમાં પલાળો અને સવારે આ પાણીને ખાલી પેટ પી જાવ
  • વાળમાં આ પાણીનો ઉપયોગ કરવા માટે રાત્રે પલાળેલી મેથીના પાણીને એક સ્પ્રે બોટલમાં ભરી લો
  • સવારે આ પાણીને વાળ પર હેર સ્પ્રેની માફક અપ્લાય કરો અને સાંજે વાળ ધૂઓ

શું ડુંગળીના રસ કે તેલથી વાળનો ગ્રોથ ખરેખર વધે છે? ડર્મેટોલોજીસ્ટ પાસેથી જાણો જવાબ

​મેથી દાણાનો ભોજનમાં ઉપયોગ

  • મેથી દાણાને ભોજનમાં અલગ અલગ પ્રકારે ઉપયોગ કરીને તેના પોષક તત્વોનો લાભ મેળવી શકાય છે.
  • રાત્રે પલાળેલા મેથી દાણાને સવારે સલાડ અથવા સલાડ સૉસમાં મિક્સ કરીને ખાઇ શકાય છે
  • દાળ અથવા શાકમાં મેથી દાણાનો સિઝનિંગ તરીકે ઉપયોગ કરો
  • આ માટે પલાળેલા દાણાને હળવા શેકી લો, તે ઠંડા થયા બાદ તેનો ઉપયોગ કરો
  • સૂકાયેલા મેથી પાઉડરને સ્પાઇસ મિક્સરમાં નાખીને ઉપયોગ કરી શકો છો
  • મેથી દાણાના પાઉડરને રોટલીના લોટમાં પણ ઉપયોગ કરી શકાય છે

વાળને ઝડપથી લાંબા, ઘટ્ટ અને કુદરતી કાળા બનાવવા હોય તો અઠવાડિયામાં માત્ર 3 વખત પીવો આ જ્યૂસ

​ખરતા વાળ અટકાવવા માટે

  • મુઠ્ઠી ભર મેથી દાણાને એક કપ પાણીમાં રાત્રે પલાળો, સવારે ગેસ પર દાણા અને પાણીને ઉકાળો
  • પાણી થોડું ઠંડુ થાય ત્યારબાદ બંનેને મિક્સરમાં પીસીને પેસ્ટ બનાવી લો
  • દાણાના વધેલા પાણીમાં 3-4 જાસૂદના ફૂલ અને પાન નાખો
  • પેસ્ટ અને પાણીને ફરીથી મિક્સ કરીને સ્કાલ્પ પર 30 મિનિટ સુધી લગાવીને રાખો
  • હળવા ગરમ પાણી અને માઇલ્ડ શેમ્પૂથી વાળ ધૂઓ
  • હેર માસ્કને અઠવાડિયામાં બે વખત અજમાવો

​લાંબા અને ઘટ્ટ વાળ માટે

  • બે ચમચી મેથી દાણાને રાત્રે પલાળો
  • સવારે તેની પેસ્ટ બનાવીને તેમાં ઘટ્ટ કોકોનટ મિલ્ક એડ કરો
  • આ મિશ્રણને સ્કાલ્પ પર 30 મિનિટ સુધી લગાવીને છોડો બાદમાં વાળ ધૂઓ
  • હેર માસ્કને અઠવાડિયામાં બે વખત અપ્લાય કરો

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

પાંખા-પાતળા વાળનો અકસીર ઇલાજ; આ 5માંથી 1 વસ્તુ કરો ટ્રાય, વાળ બનશે મૂળથી મજબૂત અને ઘટ્ટ

વાળ માટે ગુણકારી મેથી દાણાના ફાયદા

Source link