રિવ્યૂઃ Rudra: The Edge of Darkness, કેવી છે Ajay Devgnની આ વેબ સીરિઝ?

 

એક્ટરઃ અજય દેવગણ, રાશિ ખન્ના, અતુલ કુલકર્ણી, ઈશા દેઓલ, આશીષ વિદ્યાર્થી
ડિરેક્ટરઃ રાજેશ માપુસ્કર
શ્રેણીઃ હિંદી, ક્રાઈમ, મિસ્ટ્રી, ડ્રામા
રેટિંગઃ 3.5/5

કહાણી

ઓટીટી પર અજય દેવગણની (Ajay Devgn)ડેબ્યૂ સીરિઝ ‘રુદ્રઃ ધ એજ ઓફ ડાર્કનેસ’ (Rudra: The Edge of Darkness) રિલીઝ થઈ ગઈ છે. કહાણી મુંબઈ પોલીસના સ્પેશિયલ ક્રાઈમના યુનિટની છે. કહાણીના કેન્દ્રમાં ડીસીપી રુદ્રવીર સિંહ છે, જેનું પાત્ર અજય દેવગણે નિભાવ્યું છે. રુદ્રવીરનું મગજ અને કામ બંને જબરદસ્ત છે. તે આરોપી સુધી પહોંચવા માટે નિયમોને તોડવામાં પણ કચાશ રાખતો નથી. આ જ કારણ છે કે, ડિપાર્ટમેન્ટમાં કેટલાક લોકો તેને પસંદ નથી કરતા અને આ જ કારણે તેને પરેશાનીઓનો સામનો કરવો પડે છે. આ સાઈકોલોજિકલ ક્રાઈમ થ્રિલર છે, જે તમને એક અલગ જ મિસ્ટ્રી ટ્રિપ પર લઈ જાય છે.

રિવ્યૂ
‘રુદ્રઃ ધ એજ ઓફ ડાર્કનેસ’ બીબીસી સીરિઝ ‘લુથર’ની હિંદી રિમેક છે. શોમાં છ એપિસોડ્સ છે. એક લૂટ અને પછી મર્ડર મિસ્ટ્રી, ‘રુદ્ર’ આ જ દિશામાં આગળ વધે છે. આમ તો કોઈ થ્રિલર કહાણી સાથે દર્શકોને બાંધી રાખવા માટે કોઈ સટીક ફોર્મ્યૂલાની જરૂર હોતી નથી. ખાસ કરીને ત્યારે, જ્યારે તમે કોઈ બીજા દેશના, બીજી ભાષાના શોને પોતાના દર્શકો પ્રમાણે બનાવી રહ્યા હો. ‘રુદ્રઃ ધ એજ ઓફ ડાર્કનેસ’ના મેકર્સ અહીંયા એક નિયમ જરૂરથી ફોલો કર્યો છે અને તે એ છે કે શક્ય એટલું સરળ અને સીધુ રાખો

બીસીસીની ઓરિજનલ સીરિઝની કહાણી નીલ ક્રોસે લખી છે. આ શોમાં ઈદરિસ અલ્બા હીરો હતો. અહીં હિંદી રિમેકમાં કહાણી ઈશાન ત્રિવેદી, અબ્બાસ અને હુસૈન દલાલે લખી છે. મેકર્સે અસલી કહાણીને દેશી અંદાજમાં ઢાળવાની ખૂબ મહેનત કરી છે. સમયનો વેડફાટ કર્યા વગર ડિરેક્ટર રાજેશ માસુસ્કર દર્શકોને લીધા કહાણીમાં ડૂબકી મરાવે છે. પહેલીથી જ ફ્રેમથી તમે ડીસીપી રુદ્રવીર સિંહની સાથે સફર પર નીકળી પડો છો.

મૂવી રિવ્યૂ: Jhund

રુદ્રવીર સાત મહિનાથી સસ્પેન્ડ છે. તેનું સસ્પેન્શન હટાવી દેવામાં આવે છે. તે સ્પેશિયલ ક્રાઈમ યુનિટનો અધિકારી છે, જેની કમાન દીપાલી હાંજા (અશ્વિની કાલસેકર) પાસે છે. પૂરા શોમાં દર્શક તરીકે તમને ઘણીવાર દેખાડવામાં આવે છે કે, રુદ્ર ડિપાર્ટમેન્ટનો સૌથી હોનહાર અધિકારી છે. આમ તો દરેક એપિસોડની કહાણી અલગ છે, પરંતુ ક્યાંકને ક્યાંક જોડાયેલી છે. તે જોડાયેલી છે ક્રિમિનલ સાઈકોલોજી સાથે. એપિસોડની સાથે-સાથે રુદ્રની પર્સનલ લાઈફના પાના પણ ખુલે છે. તેનું અંગત જીવન પણ આ કહાણીનો ભાગ છે.

શોમાં જ્યાં એક તરફ વધુ એક આરોપીનો પીછો થઈ રહ્યો છે, તપાસ ચાલી રહી છે તો સાથે રુદ્રના અંગત જીવનના તાર પણ ગૂંચવાયેલા છે. શૈલા (ઈશા દેઓલ) સાથેના લગ્નજીવનથી તે ખુશ નથી. પોતાના સીનિયર અને જુનિયર સાથેનું રુદ્રનું સમીકરણ અલગ છે. તે જુસ્સા સાથે આગળ વધે છે, પરંતુ તેની પર્સનલ લાઈફમાં તેની કિંમત ચૂકવવી પડે છે. ઘણીવાર તેનો જીવ પર જોખમમાં રહે છે.

શોના પહેલા જ એપિસોડમાં આલિયા ચોક્સીની (રાશિ ખન્ના) રુદ્રના જીવનમાં એન્ટ્રી થાય છે. તેને સ્પેસ રિચર્સની જીનિયન ગણવામાં આવે છે. પરંતુ તે એક ડબર મર્ડરની શંકાસ્પદ આરોપી છે. જો કે, રુદ્ર આ કેસમાં આલિયાનો હાથ હોવાનું સાબિત કરવામાં નિષ્ફળ રહે છે. ત્યારબાદના એપિસોડમાં બંને વચ્ચે મિત્રતા પણ દેખાડવામાં આવે છે.

મેકર્સે અનન્યા બિરલાના ડાર્ક વિઝ્યુઅલ ટોન અને થીમ સોન્ગ ‘તેરા ઈનામ’થી શરૂઆત કરતા શોને ઈન્ટેન્સ બનાવ્યો છે. એપિસોડ લાંબા છે, પરંતુ બાંધેલા રાખે છે. દરેક એપિસોડના અંતમાં તમારી અંદર આગળનો એપિસોડ જોવાની ઈચ્છા જગાવે છે.

અજય દેવગણે પોતાના ડિજિટલ ડેબ્યૂમાં છાપ છોડી છે. પરંતુ, આવા રોલ તે કરિયરમાં અગાઉ પણ નીભાવી ચૂક્યો છે. રુદ્ર ‘લાર્જર ધેન લાઈફ’ વાળી ઈમેજ સાથે છે. શોમાં બાકી એક્ટર્સ પણ પોતાના કેરેક્ટરમાં બરાબર છે.

મેકર્સે ઓરિજનલ શોને ભારતીય દર્શકો પ્રમાણે બનાવવામાં મહેનત કરી છે, તે સારી વાત છે. જો એપિસોડની લંબાઈ ટૂંકી હોત તો વધારે સારુ રહેત, તો તેમા કેટલાક નવા કેસ પણ જોડી શકાયા હોત, જે અસલ સીરિઝનો ભાગ નથી. તેવામાં સીરિઝની કહાણી અને અંતને લઈને દર્શકો પાસે કંઈને કંઈક બિલકુલ નવુ પણ હોત.

Source link