રિવ્યૂઃ Radhe Shyam, કેવી છે Prabhas અને Pooja Hegdeની ફિલ્મ?

 

એક્ટરઃ પ્રભાસ, પૂજા હેગડે, ભાગ્યશ્રી, સચિન ખેડકર, જગપતિ બાબૂ, મુરલી શર્મા, કુણાલ રોય કપૂર
ડિરેક્ટરઃ રાધા કૃષ્ણ કુમાર
શ્રેણીઃ તેલુગુ, ડ્રામા, રોમાન્સ
સમયઃ 2 કલાક 18 મિનિટ
રેટિંગઃ 2.5/5

કહાણી

વિક્રમાદિત્ય (Prabhas) એક ફેમસ જ્યોતિષ છે. હાથની રેખાઓ જોઈને વ્યક્તિનો ભૂતકાળ અને ભવિષ્ય કહી દે છે. તેને ડો. પ્રેરણા (Pooja Hegde)સાથે પ્રેમ થઈ જાય છે. તે ભવિષ્યવાણી કરે છે કે, પ્રેરણાનું જીવન અદ્દભુત બનવાનું છે. પરંતુ નસીબમાં કંઈક અલગ જ લખાયેલું હોય છે. શું ભવિષ્યએ જે નક્કી કર્યું છે, તે જ થવાનું છે અથવા લખેલું છે તેને બદલી શકાશે…તે જ ફિલ્મની કહાણી છે.

મૂવી રિવ્યૂ: ધ કાશ્મીર ફાઈલ્સ

 

રિવ્યૂ

ગુરુ પરમહંસ (સત્ય રાજ) એક વૈદિક સ્કૂલ ચલાવે છે. કેટલાક વૈજ્ઞાનિકો તેમની પાસે આવે છે. ગુરુ પરમહંસ અને વૈજ્ઞાનિક વચ્ચે વિવાદ વધે છે. વૈજ્ઞાનિક તેમના જ્ઞાન, અભ્યાસ, જ્યોતિષ અને હસ્તરેખા પર સવાલ ઉઠાવે છે. આ જ ક્રમમાં દર્શકો સામે એન્ટ્રી થાય છે વિક્રમાદિત્યની (પ્રભાસ). કહેવામાં આવે છે કે, વિક્રમાદિત્યની ભવિષ્યવાણી ક્યારેય ખોટી નથી હોતી.

આખી ફિલ્મમાં વિક્રમાદિત્ય તેવો દાવો કરે છે કે, તેના હાથમાં લવ લાઈફ નથી તે ફ્લર્ટ તો કરે છે, પરંતુ રિલેશનશિપ ઈચ્છતો નથી. બાદમાં તે ડો. પ્રેરણાને (પૂજા હેગડે) પ્રેમ કરવા લાગે છે. ડો. પ્રેરણા તેના અંગત જીવનમાં મુશ્કેલ સ્થિતિનો સામનો કરી રહી છે. કહાણીમાં ટ્વિસ્ટ છે કે વિક્રમાદિત્ય તેના હાથની રેખા જોઈને ઉજ્જવળ ભવિષ્યની વાત કરે છે, જ્યારે તેના જીવનમાં જે કંઈ થઈ રહ્યું છે, તે તેને કોઈ અલગ દિશામાં લઈ જઈ રહ્યું છે.

ફિલ્મની કહાણી દર્શાવે છે કે, કોઈ પણ વિજ્ઞાન 100 ટકા સચોટ નથી. તે સમજાવવાનો પ્રયાસ કરે છે કે, વ્યક્તિ પોતાના કર્મથી ભાગ્ય બદલી શકે છે. આ વાત દુનિયાના સૌથી વિદ્વાન હસ્તરેખા જ્યોતિષ પર પણ લાગુ થાય છે. 140 મિનિટની આ લાંબી ફિલ્મ એક સમય બાદ કંટાળાજનક લાગે છે, જેમ જેમ તે આગળ વધે છે, અંત સુધી ત્યાં નથી પહોંચતી જ્યાં ડિરેક્ટર પહોંચાડવા ઈચ્છતા હતી. ફિલ્મમાં મોટા સ્ટાર્સ છે, ટેકનોલોજીના આશરે પણ સુંદર કામ કરવાનો પ્રયાસ કરવામાં આવ્યો છે, પરંતુ તે કામ કરતું નથી.

‘પ્રભાસ વન મેન શૉ છે’

‘પ્રભાસ વન મેન શૉ છે’, કેવી છે ‘બાહુબલી’ પ્રભાસની ફિલ્મ ‘રાધે શ્યામ’?
પૂજા હેગડે અને પ્રભાસની કેમેસ્ટ્રી આ લવ સ્ટોરીની સૌથી મોટી પરેશાની છે. દુઃખની વાત એ છે કે, બંનેના પાત્રમાં ઊંડાઈની કમી છે. તેને વધારે સારી રીતે ઘડી શકાય તેમ હતું. તેની કમીની અસર બંને એક્ટર્સના પર્ફોર્મન્સ પર પણ પડે છે. જો કે, પ્રભાસ અને પૂજા હેગડેએ તેમના ભાગનું કામ પૂરી લગન સાથે પૂરુ કરવાનો પ્રયાસ કર્યો છે. સ્ક્રીનપ્લેમાં ઘણા એવા સીન છે, જેની જરૂર નહોતી. ઘણા એવા પાત્રો છે, જેનું ફિલ્મમાં કોઈ કામ નહોતું. સાથે જ કેટલીક એવી ઘટના છે જેના વિશે સારી રીતે સમજાવવામાં આવ્યું નથી. તેવામાં તમે તે જ વિચારતા રહી જાઓ કે, આ કેમ થયું અથવા કેવી રીતે થયું.

‘રાધે શ્યામ’નો મોટા કેનવાસ પર શૂટ કરવામાં આવી છે. ફિલ્મમાં સુંદર યુરોપ છે અને તે તમને પરીઓની કહાણી સમાન લાગે છે. ફિલ્મી પડદા પર જોવા માટે સુંદર અને ગ્રાન્ડ છે. મિથુન, અમાલ મલિક અને મનન ભારદ્વાજનું મ્યૂઝિક ફિલ્મની કહાણી સાથે વણાઈ ગયું છે અને તે તમને સારુ લાગે છે. કેટલાક સોન્ગનું પિક્ચરાઈઝેશન સારું છે.

ફિલ્મમાં ઉપયોગ કરવામાં આવેલા વીએફએક્સની પ્રશંસા કરવા પાત્ર છે. આ ‘રાધે શ્યામ’ની ક્વોલિટી છે. પરંતુ આ બધું બેકાર સાબિત થાય છે, કારણ કે આ પ્રેમ કહાણીમાં કનેક્ટ નથી. ફિલ્મનું ભાગ્ય કંઈક થઈ શકે તેમ હતું, પરંતુ તેમ થયું નથી.

Source link