રાજ્યમાં હવામાન વિભાગની હિટવેવની આગાહી, 4 દિવસ માટે યલો એલર્ટ જાહેર

 

અમદાવાદઃ ગુજરાતમાં ઉનાળો આકરો બની રહ્યો છે. દિવસે ને દિવસે કાળઝાળ ગરમીનો અનુભવ થઈ રહ્યો છે. ત્યારે હવામાન વિભાગે પણ ગુજરાતમાં હિટવેવ (Gujarat heatwave)ની આગાહી કરી છે. સાથે જ હવામાન વિભાગે આગામી ચાર દિવસ માટે રાજ્યમાં યલો એલર્ટ (yellow alert) પણ જાહેર કર્યુ છે. હવામાન વિભાગના મતે ગુજરાતમાં આગામી ચાર દિવસ દરમિયાન મહત્તમ તાપમાનમાં 3 ડિગ્રીનો વધારો થઈ શકે છે. જેથી આગામી બે દિવસ દરમિયાન રાજ્યમાં ઓરેન્જ એલર્ટ જાહેર કરવામાં આવ્યુ છે. જ્યારે ચાર દિવસ માટે યલો એલર્ટ જાહેર કરવામાં આવ્યું છે.

ગુજરાતમાં હોળી પહેલાં જ હિટવેવની આગાહી હવામાન વિભાગે કરી છે. હવામાન વિભાગે રવિવાર અને સોમવાર માટે રાજ્યમાં ઓરેન્જ એલર્ટ જાહેર કર્યુ છે. જ્યારે મંગળવાર અને બુધવાર માટે હવામાન વિભાગે યલો એલર્ટ જાહેર કર્યુ છે. હવામાન વિભાગનું માનીએ તો રાજ્યમાં આગામી ચાર દિવસ દરમિયાન મહત્તમ તાપમાનમાં 3 ડિગ્રીનો વધારો થઈ શકે છે. જેથી લોકોને ગરમીથી સેકાવાનો વારો આવી શકે છે. એટલું જ નહીં આગામી બે દિવસમાં અમદાવાદમાં ગરમીનો પારો 40 ડિગ્રીને પાર થઈ જાય એવી પણ શક્યતાઓ રહેલી છે.

બીજી તરફ, રાજ્યમાં કાળઝાળ ગરમીની શરૂઆત થતા જ રાજકોટ અને ભૂજમાં 38.9 ડિગ્રી તાપમાન નોંધાયુ છે. હવામાન વિભાગે યલો એલર્ટ આપ્યુ છે તેમાં ગીર સોમનાથ, પોરબંદર અને રાજકોટનો સમાવેશ થાય છે. સાથે જ અમદાવાદમાં આજે મહત્તમ તાપમાન 39 ડિગ્રી નોંધાયુ છે. જેથી આગામી સમયમાં આ તાપમાનમાં પણ બે ડિગ્રીનો વધારો થવાનું અનુમાન છે. આગામી બે દિવસમાં અમદાવાદમાં ગરમીનો પારો 40 ડિગ્રીને પાર થઈ જાય એવી શક્યતાઓ રહેલી છે. સાથે જ આજે દિવસ દરમિયાન મોટાભાગના શહેરોમાં મહત્તમ તાપમાનનો પારો 37 ડિગ્રીથી વધુ નોંધાયો હતો. ત્યારે આગામી સમયમાં ગરમીનો પારો વધતા લોકોને કાળઝાળ ગરમીનો અનુભવ થઈ શકે છે. જો કે, રાજ્યમાં ગરમીના અનુભવ બાદ લોકો પણ ઘરની બહાર નીકળવાનું ટાળી રહ્યા છે. ત્યારે ઉનાળો વધુ આકરો બનવાની શક્યતા છે.

Source link