રાજકારણમાં ભૂકંપ! હાર્દિકની એક્ઝિટની અટકળો વચ્ચે નરેશ પટેલ કોંગ્રેસમાં જોડાવાની તૈયારીમાં?

 

ગુજરાતમાં વિધાનસભાની ચૂંટણી પૂર્વે રાજકીય પક્ષોએ તૈયારીઓ શરૂ કરી દીધી છે. ખોડલધામના ચેરમેન નરેશ પટેલ ટુંક સમયમાં જ કોંગ્રેસમાં જોડઈ શકે છે. મળતા અહેવાલ મુજબ ગઈકાલે નરેશ પટેલ દિલ્હી પહોંચ્યા હતાં અને કોંગ્રેસ હાઈકમાન્ડ સાથે મહત્વની બેઠક કરી હતી. આ બેઠકમાં પ્રશાંત કિશોર સહિત અન્ય કોંગ્રેસના નેતાઓ પણ હાજર રહ્યાં હતાં. તેવામાં હવે ગમે તે ઘડીએ નરેશ પટેલ કોંગ્રેસમાં જોડાવાની જાહેરાત થઇ શકે છે. ઉલ્લેખની છે કે, નરેશ પટેલે કોંગ્રેસ હાઈ કમાન્ડ સામે માગણી કરી હતી કે ગુજરાતની ચૂંટણીમાં પ્રશાંત કિશોરની મદદ લેવામાં આવે. તો બીજી તરફ સોનિયા ગાંધી દ્વારા બનાવવામાં આવેલ કોંગ્રેસની હાઈપ્રોફાઇ કમિટીએ પણ પીકે નામથી પ્રચલિત પ્રશાંત કિશોરની મદદ લેવા માટે લીલી ઝંડી આપી દીધી છે.

અહીં ઉલ્લેખનીય છે કે નરેશ પટેલે આ પહેલા જ જાહેરાત કરી હતી કે તેઓ રાજકરણમાં જોડાશે. જોકે ક્યા પક્ષમાં જોડાશે તે અંગે તેમણે કંઈ કહ્યું નહોતું. જેની વચ્ચે અહેવાલ મળી રહ્યા છે કે નરેશ પટેલ કોંગ્રેસ હાઇકમાન્ડ સાથે બેઠક બાદ દિલ્લીથી આજે રાજકોટ પરત આવવા રવાના થયા છે. અહીં એ નોંધવું રહ્યું કે આ પહેલા પણ નરેશ પટેલ પણ કોંગ્રેસ, ભાજપ અને આપના નેતાઓ સાથે બેઠક કરી ચુક્યા છે.

હવે તેવામાં એવી પણ ચર્ચા ચાલી રહી છે કે નરેશ પટેલના કોંગ્રેસમાં પ્રવેશથી હાર્દિક પટેલનું કદ નાનું થઈ જશે અને તેને સાઈડ લાઈન પણ કરવામાં આવી શકે છે. આ શક્યતાને ધ્યાને રાખીને જ હાર્દિકે પ્લાન બી પર કામ કરવાનું ચાલું કરી દીધું હોય તેમ હાલમાં જ તેણે પીએમ મોદી અને ભાજપના વખાણ કર્યા હતા અને કોંગ્રેસની ટોચની નેતાગીરી વિરુદ્ધ રોષ વ્યક્ત કર્યો હતો. છેલ્લા એક સપ્તાહથી હાર્દિકને ભણકારા વાગી ગયા હોઈ શકે છે કે પ્રશાંત કિશોર અને નરેશ પટેલની જોડી કોંગ્રેસમાં જોડાઈ રહી છે અને તેના કારણે પોતાનું ભવિષ્ય ધૂંધળું લાગતા તેઓ હતાશ થઈને કોંગ્રેસ પર જ પ્રહાર કરી રહ્યા છે. અહીં એ નોંધવું રહ્યું કે એક સમયે હાર્દિકે જ નરેશ પટેલને કોંગ્રેસમાં જોડાવવા માટે આમંત્રણ આપ્યું હતું, અને ખૂલ્લો પત્ર પણ લખ્યો હતો. જોકે હવે નરેશ પટેલના આગામન સાથે હાર્દિકની એક્ઝિટની શક્યતાઓ જોવાઈ રહી છે.

Source link