મોંઘવારી મુક્ત ભારતઃ થાળી-તાળી સ્ટાઈલમાં કોંગ્રેસનું વિરોધ પ્રદર્શનનું આયોજન

 

નવી દિલ્હીઃ કોરોના વાયરસની સામે લડવા માટે વડાપ્રધાન મોદીએ લોકોને એક થવા માટે થાળી વગાડવા માટે કહ્યું હતું. હવે કોંગ્રેસે પણ આ પ્લાન પ્રમાણે ઘંટડી અને ઢોલ વગાડવાનો પ્લાન બનાવ્યો છે. પેટ્રોલ-ડીઝલની વધતી કિંમત સામે કોંગ્રેસે ‘મોંઘવારી મુક્ત અભિયાન’ ચલાવવાનો પ્લાન બનાવ્યો છે. તમને યાદ હશે કે પાછલા વર્ષે ભાજપે ચૂંટણી દરમિયાન કોંગ્રેસ મુક્ત ભારતની વાત કરી હતી. હવે કોંગ્રેસ મોંઘવારી મુદ્દે સરકારને ઘેરવા માટે ચક્રવ્યુહ બનાવ્યું છે. જે હેઠળ 31 તારીખે સવારે 11 વાગ્યે કોંગ્રેસના કાર્યકર્તા અને સમર્થકો ઘરની બહાર નીકળીને સાર્વજનિક સ્થળો પર ગેસ સિલિન્ડર પર માળા ચઢાવીને ઢોલ વગાડશે. કોંગ્રેસના નેતા કહી રહ્યા છે કે આવું તેઓ એટલા માટે કરી રહ્યા છે કે બહેરી સરકારના ખાન ખુલી જાય અને ઊંઘ ઉડાડી શકાય.

તે દિવસે આખા દેશમાં વગાડાઈ હતી થાળી-ઘંટડી

યાદ કરો, કોરોના ભારતમાં ફેલાયો હતો, દર્દીઓ ઝડપથી વધી રહ્યા હતા. દેશમાં લોકોમાં ડર હતો, કોઈને સમજાતું નહોતું કે હવે શું કરવું.. લોકો ઘરોમાં કેદ થઈ ગયા હતા. સૌથી વધુ ખતરો એ લોકો સામે હતો કે જે લોકો પોતાના પરિવારને છોડીને કોરોના સામે જંગ લડી રહ્યા હતા. જેમાં ડૉક્ટર સ્ટાફ, જરુરી સેવાઓ સાથે જોડાયેલા લોકો અને પોલીસ તથા મીડિયાકર્મીનો સમાવેશ થતો હતો. આવા મુશ્કેલ સમયમાં વડાપ્રધાન નરેન્દ્ર મોદીએ દેશને સંબોધિત કર્યો હતો. અને 22 માર્ચ 2022એ સાંજે 5 વાગ્યે લોકોને પોતાના ઘરના દરવાજા પર, બાલકનીમાં ઉભા રહીને થાળી કે તાલી વગાડવા માટે કહ્યું હતું. એ દિવસે દેશના લોકોએ થાળી અને તાળી પાડીને કોરોના વચ્ચે રહીને લડી રહેલા લોકોનો ઉત્સાહ વધારવામાં આવ્યો હતો.

કોંગ્રેસનો શું છે પ્લાન?

પાંચ રાજ્યોમાં વિધાનસભા ચૂંટણીમાં કપરી હાર મળ્યા બાદ કોંગ્રેસમાં ઉથલ-પાથલ જોવા મળી રહી છે. નેતૃત્વ પર સવાલની વચ્ચે G-23નું અલગ મંતવ્ય છે. બીજી તરફ યુક્રેન-રશિયા વચ્ચે ચાલતા યુદ્ધના કારણે વૈશ્વિક પરિસ્થિતિઓ બદલાઈ છે અને લગભગ દરરોજ ઈંધણના ભાવમાં વધારો થઈ રહ્યો છે. કોંગ્રેસે પેટ્રોલ, ડીઝલના ભાવ રોજ વધી રહ્યા છે. કોંગ્રેસે આ વધારા સહિત ખાદ્ય વસ્તુઓમાં થઈ રહેલા વધારાને લઈને સરકારને ઘેરવાનો પ્લાન બનાવ્યો છે, જેને ‘મોંઘવારી મુક્ત ભારત’ નામ આપવામાં આવ્યું છે. મોંઘવારીની સીધી અસર સામાન્ય જનતા પર પડી રહી છે. ઈંધણના ભાવ વધતા શાકભાજીના ભાવમાં વધારો થઈ રહ્યો છે. એવામાં કોંગ્રેસે સરકારને ઘેરવાનો પ્લાન બનાવ્યો છે.

કોંગ્રેસના સંગઠન મહાસચિવ કેસી વેણુગોપાલે બેઠકની અધ્યક્ષતા કરી, જેમાં કોંગ્રેસના મહાસચિવ પ્રિયંકા ગાંધી, મુકુલ વાસનિક, તારિક અનવર, રણદીપ સુરજવાલા, પવન કુમાર બંસલ અન અન્ય નેતા હાજર રહ્યા હતા. જ્યાં કોંગ્રેસના મુખ્ય પ્રવક્તા સુરજેવાલાએ કહ્યું, “અચ્છે દિનની લૂંટે ભારતના નાગરિકોને બજેટ બગાડી નાખ્યું છે. પેટ્રોલ, ડીઝલ, એલપીજી, સીએનજી અને પીએનજીના ભાવ રોજ વધી રહ્યા છે. પાછલા પાંચ દિવસમાં પેટ્રોલ અને ડીઝલના ભાવમાં 3.20 રૂપિયાનો વધારો થયો છે.”

ત્રણ તબક્કામાં કેવી તૈયારી?

તેમણે કહ્યું કે, મહાસચિવ અને પ્રભારીઓની બેઠકમાં આ નિર્ણય લેવામાં આવ્યો હતો કે કોંગ્રેસ મોંઘવારી મુક્ત ભારત અભિયાન ત્રણ તબક્કામાં ચલાવશે. પહેલા તબક્કામાં 31 માર્ચે સવારે 11 વાગ્યે પાર્ટીના કાર્યકર્તા અને સમર્થકના ઘરની બહાર કે સાર્વજનિક સ્થળો પર ગેસ સિલિન્ડર પર માળા ચઢાવીને ઘંટડી અને ઢોલ વગાડશે જેથી બહેરી સરકારના ખાન ખોલી શકાય અને ઊંઘ ઉડાડી શકાય. તેમણે જણાવ્યું કે બેથી 4 એપ્રિલ વચ્ચે બીજા તબક્કામાં કોંગ્રેસ જિલ્લા સ્તર પર મોંઘવારી મુક્ત ભારત ધરણા અને માર્ચનું આયોજન કરશે, જેનાથી સામાજિક સંગઠન અને સામાન્ય લોકો સાથે લેવામાં આવશે.

આ અભિયાનનો ત્રીજો તબક્કો સાત એપ્રિલે કોંગ્રેસ અને અન્ય સંગઠનના નેતાઓ તથા કાર્યકર્તાઓ સાથે ધરણાની સાથે દેખાવો કરશે. તેમણે કહ્યું, “અમે મોંઘવારી મુદ્દે સરકાર પર દબાણ બનાવવા માગીએ છીએ.” કોંગ્રેસ પાર્ટીએ માંગ કરી છે કે ઈંધણની વધતી કિંમતોને તાત્કાલિક પરત ખેંચવામાં આવે.

Source link