મેદાનમાં ઘૂસીને વિરાટ કોહલી સાથે જબરજસ્તી સેલ્ફી લેવાનું ફેન્સને ભારે પડી ગયું!

 

બેંગ્લુરુઃ સેલિબ્રિટિને જોઈને તેમના ફેન્સ તેમની પાસે ઓટોગ્રાફ લેવા અને સેલ્ફી ખેંચાવવા માટે ઉતાવળા બનતા હોય છે. પરંતુ આવામાં ઘણી વખત ફેન્સને મુશ્કેલી પણ ભોગવવી પડતી હોય છે. આવું જ ભારત અને શ્રીલંકાની ડે-નાઈટ ટેસ્ટ મેચ દરમિયાન થયું હતું. અહીં વિરાટ કોહલી સાથે સેલ્ફી લેવાનો ઉત્સાહ ફેન્સને ભારે પડી ગયો હતો. પોલીસે 4 ફેન્સને સેલ્ફી લેવાના ચક્કરમાં સુરક્ષાનું ઉલ્લંઘન કરવાના આરોપમાં ધરપકડ કરવામાં આવી છે. પોલીસે સોમવારે આ અંગે જાણકારી આપી છે. પોલીસના જણાવ્યા પ્રમાણે કબ્બન પાર્ક પોલીસ સ્ટેશનમાં ફરિયાદ નોંધીને તપાસ કરી હતી.

આરોપીમાંથી એકને કાલાબુરાગીથી અને અન્ય બેંગ્લુરુથી કોર્ટમાં હાજર કરવામાં આવ્યા હતા. તેમની સામે સુરક્ષા પ્રોટોકોલના ઉલ્લંઘનનો કેસ નોંધાયો છે. રવિવારે રાત્રે લગભગ 10 વાગ્યે જ્યારે ક્રિકેટર સાથે સેલ્ફી લેવા યુવકો અચાનક વિરાટ કોહલીની નજીક પહોંચી ગયા હતા.

વિરાટ કોહલીએ પોતાના ફેન્સને રોકવાની કોશિશ કરી હતી, પરંતુ તેમણે કરેલા સાહસના કારણે તેમણે મુશ્કેલીમાં મુકાવાનો વારો આવ્યો છે. આ ઘટના ભારત અને શ્રીલંકા વચ્ચે ડે-નાઈટ ટેસ્ટના બીજા દિવસે ચિન્નાસ્વામી સ્ટેડિયમમાં બની હતી. કબ્બન પાર્ક પોલીસે તેમની તાત્કાલિક ધરપકડ કરી લીધી હતી.

આરોપીઓમાં બે કિશોર હોવાનું જાણવા મળી રહ્યું છે. ભારતીય ક્રિકેટર માટે બેંગ્લુરુ બીજુ ઘરે છે, કારણ કે તેમની ઈન્ડિયન પ્રીમિયર લીગની ફ્રેન્ચાઈઝી રોયલ ચેલેન્જર બેંગ્લોરમાં પ્રશંસકોનો વિરાટ સાથે વિશેષ સંબંધ રહ્યો છે.

વાયરલ થઈ રહેલા વીડિયોમાં દેખાય છે કે મેચ દરમિયાન કેટલાક યુવાનો વિરાટ કોહલીની નજીક પહોંચી જાય છે અને આ દરમિયાન તેઓ ફોટો લેવાની કોશિશ કરતા હોય છે. એટલામાં ત્યાં પોલીસ પણ મેદાન પર પહોંચી જાય છે અને કોહલીની નજીક પહોંચીને સુરક્ષા પ્રોટોકોલનો ભંગ કરનારા યુવાનોને પકડી લેવામાં આવે છે. આવામાં એક ફેન પોલીસથી બચવા માટે મેદાન પર આમથી તેમ દોડતો દેખાય છે પરંતુ અંતમાં તેને પણ પકડી લેવામાં આવે છે.

Source link