મૂવી રિવ્યૂ: ફ્રેડી

એક્ટર: કાર્તિક આર્યન, અલાયા ફર્નિચરવાલા
ડાયરેક્ટર: શશાંક ઘોષ
શ્રેણી: હિન્દી, થ્રિલર, મિસ્ટ્રી, ડ્રામા
રેટિંગ: 3.00/5

કાર્તિક આર્યન અને અલયા ફર્નિચરવાલાની નવી ફિલ્મ ‘ફ્રેડી’ (Freddy) ઓટીટી પ્લેટફોર્મ પર રિલીઝ થઈ છે. આ ફિલ્મ પ્રેમકહાણી ઓછી અને દુશ્મની વધારે બતાવે છે. આ એવી ફિલ્મ છે જેમાં પહેલીવાર કાર્તિક આર્યનનો ઝનૂની, ગાંડપણભર્યો અવતાર જોવા મળશે. ડાયરેક્ટર શશાંક ઘોષના નિર્દેશનમાં બનેલી ફિલ્મે ‘ફ્રેડી’માં કાર્તિક આર્યનની મહેનત દરેક સીનમાં જોવા મળે છે. અલાયા પણ ફિલ્મનું મજબૂત પાસું બનીને સામે આવે છે. આ ફિલ્મ જોવાનો વિચાર હોય તો તેનો રિવ્યૂ વાંચી લો.

મુશ્કેલીમાં મૂકાઈ શકે છે Riteish Deshmukh અને Genelia D’Souza, ₹116 કરોડની લોન મામલે થશે તપાસ

વાર્તા

પ્રેમ વ્યક્તિ પાસે ગમે તેવું ગાંડપણ કરાવે છે. આ જ પ્રેમ ડેન્ટિસ્ટ ડૉક્ટર ફ્રેડી જિમવાલા (કાર્તિક આર્યન)ની એવી બાજુ છતી કરે છે જેની કલ્પના નહીં કરી હોય. એકલતાથી પીડાતા ફ્રેડીની જિંદગી આમ સફળ કહી શકાય પરંતુ તેના અંગત જીવનમાં ખૂબ ઉતાર-ચડાવ આવેલા છે. બાળપણમાં તેની નજરો સામે જ મમ્મીની હત્યા થઈ હતી. જેની તેના માનસપટ પર ઊંડી અસર જોવા મળે છે. છેલ્લા પાંચ વર્ષથી તે મેટ્રિમોનિયલ વેબસાઈટ પર છોકરી શોધવાનો પ્રયાસ કરે છે. કેટલીક છોકરીઓ તેના ભોળપણને તેની મૂર્ખામી ગણે છે તો કેટલીક તેને પાગલ સમજીને રિજેક્ટ કરી દે છે. જેમ-તેમ જિંદગી કાપી રહ્યો હતો ત્યાં જ તેના જીવનમાં ભૂકંપ આવે છે. ફ્રેડીને તેની સપનાની રાજકુમારી કાયનાઝ (અલાયા ફર્નિચરવાલા) મળે છે. કાયનાઝ પહેલાથી પરણેલી છે. તેનો પતિ બિઝનેસમેન છે. કાયનાઝ પતિના ત્રાસથી પરેશાન છે. એક લગ્નમાં ફ્રેડી અને કાયનાઝની મુલાકાત થાય છે. પહેલી જ નજરમાં ફ્રેડી કાયનાઝના પ્રેમમાં પડે છે. ધીમે-ધીમે બંનેના દિલ મળે છે અને તેઓ નક્કી કરે છે કે, રુસ્તમનો રસ્તો સાફ કરી નાખશે. બંને કાયનાઝના પતિનો કાંટો કાઢી નાખવા માટે પ્લાન બનાવે છે. જોકે, ફિલ્મની અસલી વાર્તા અને ટ્વિસ્ટ અહીંથી જ શરૂ થાય છે. ફ્રેડી અને કાયનાઝ એક થશે કે પછી આ કોઈ ષડયંત્ર છે? એવું શું થાય છે કે, માસૂમ દેખાતો ફ્રેડી સાયકો કિલર બની જાય છે? આ જ ટ્વિસ્ટ અને મિસ્ટ્રી જાણવા માટે તમારે ફિલ્મ જોવી રહી.

Urvashi Rautelએ આખરે જણાવી દીધું Rishabh Pant સાથેના સંબંધોનું સત્ય, અત્યારસુધી કેમ ચૂપ રહી તેનો કર્યો ખુલાસો

રિવ્યૂ

‘ફ્રેડી’નો આખો ભાર કાર્તિક અને અલાયાના ખભા પર છે. બંને હીરો પણ છે અને વિલન પણ. પહેલા અલાયાના અભિનયની વાત કરીએ તો, તેણે આ વખતે તેની ડેબ્યૂ ફિલ્મ ‘જવાની જાનેમન’ કરતાં સારું પર્ફોર્મ કર્યું છે. ઓવરએક્ટિંગ નથી કરી. ફિલ્મની વાર્તા જેમ-જેમ આગળ વધે છે તે પ્રમાણે તે તેમાં ઢળતી જાય છે. સ્ક્રીન પર મોટાભાગે કોમેડી કે રોમેન્ટિક રોલમાં જોવા મળેલો કાર્તિક આર્યન પહેલીવાર સનકીના રોલમાં દેખાય છે. તેણે પોતાના પાત્ર સાથે સંપૂર્ણ ન્યાય કર્યો છે. તેનું વધેલું વજન અને હાવભાવ બધું જ પાત્રને બંધબેસતું છે. ‘ફ્રેડી’માં કાર્તિક અને અલાયાએ પોતાના અભિનયથી ઈમ્પ્રેસ કર્યા છે. ફિલ્મમાં અલાયા કાર્તિકને અભિનય મામલે બરાબરની ટક્કર આપી રહી છે.

ડાયરેક્શન, લેખન અને ટેક્નિકલ પક્ષ

‘ફ્રેડી’નું ડાયરેક્શન શશાંક ઘોષે કર્યું છે. સ્ક્રીનપ્લે પરવેઝ શેખ અને સંવાદ અસીમ અરોડાએ લખ્યા છે. કોઈપણ ફિલ્મમાં ડાયરેક્ટર-લેખક પડદા પાછળના અસલી હીરો હોય છે. લેખન જેટલું સારું હશે એટલું જ મજબૂત ડાયરેક્શન પડદા પર જોવા મળશે. ‘ફ્રેડી’માં આ વાત તમને જોવા મળશે. પરંતુ સસ્પેન્સ ખૂટતું હોય તેવું લાગશે. આવનારા ટ્વિસ્ટ અને ટર્ન્સનો અંદાજો દર્શકો શરૂઆતથી જ લગાવી શકે છે. કલાકારોની એક્ટિંગ અને ચંદન અરોડાનું એડિટિંગ આ ખામીઓ પર પડદો પાડે છે. સિનેમેટોગ્રાફી અયાનંકા બોઝે કરી છે, જે વાર્તાને નિખારે છે. સંગીતના મામલે પ્રીતમ ફરી એકવાર મજા કરાવશે.

Source link