મૂવી રિવ્યૂ- પઠાણ

એક્ટર: શાહરૂખ ખાન, જોન અબ્રાહમ, દીપિકા પાદુકોણ, ડિમ્પલ કપાડિયા, આશુતોષ રાણા
ડાયરેક્ટ: સિદ્ધાર્થ આનંદ
શ્રેણી: એક્શન થ્રિલર
સમય: 2 કલાક 26 મિનિટ
રેટિંગ: 3.5/5

બોલિવુડના કિંગ ખાન શાહરૂખ ખાને (Shah Rukh Khan) પાંચ વર્ષ પછી ફિલ્મી પડદે વાપસી કરી છે. ફિલ્મ ‘પઠાણ’ (Pathaan) દ્વારા શાહરૂખ ખાન ફરી એકવાર દર્શકોના દિલ પર રાજ કરવા આવી ગયો છે. શાહરૂખ ખાન, જોન અબ્રાહમ અને દીપિકા પાદુકોણની મુખ્ય ભૂમિકાવાળી ફિલ્મ ‘પઠાણ’ આજે એટલે કે 25 જાન્યુઆરીએ થિયેટરોમાં રિલીઝ થઈ છે. શાહરૂખ ખાનના ફેન્સ આતુરતાથી ફિલ્મની રાહ જોઈ રહ્યા હતા. તમે પણ શાહરૂખ ખાનની સ્પાય ફિલ્મ ‘પઠાણ’ જોવા જવાનો વિચાર હોય તો પહેલા રિવ્યૂ વાંચી લો.

‘બિગ બોસ 16’ પૂરું થતાં પહેલા જ સુમ્બુલને મળી ઢગલાબંધ ઓફરો, આ શો માટે એકતા કપૂરે પણ કરી પસંદ!

વાર્તા

YRFના સ્પાય યુનિવર્સને સલમાન ખાન (ટાઈગર) અને હૃતિક રોશન (કબીર) બાદ હવે શાહરૂખ ખાન આગળ વધારી રહ્યો છે. આ ફિલ્મમાં શાહરૂખ ખાન પૂર્વ આર્મીમેન અને અંડરકવર એજન્ટ પઠાણના રોલમાં છે. જ્યારે જોન અબ્રાહમ શાહરૂખના એવા દુશ્મનના રોલમાં છે જેને તે અગાઉ ક્યારેય હરાવી નથી શક્યો. ‘પઠાણ’ મહત્વાકાંક્ષી એક્શન થ્રિલર ફિલ્મ છે. આ ફિલ્મને લઈને ખાસ્સો વિવાદ પણ થયો છે અને તેને જોવા માટે ફેન્સનો ઉત્સાહ પણ ચરમ પર હતો. ફિલ્મની જે હાઈપ ઊભી કરવામાં આવી હતી તેના પર તે ખરી પણ ઉતરે છે.

રિવ્યૂ

‘પઠાણ’ની વાર્તા ગળે ઉતારવી થોડી મુશ્કેલ લાગે છે પરંતુ સ્ટાર પાવર અને સ્ટાઈલના લીધે માઉન્ટેન ડ્યૂની ફિલ્મી કોમર્શિયલ જેવી લાગે છે. જોકે, ધીમે-ધીમે ફિલ્મમાં રસ પડવા માંડે છે. ફિલ્મનો પ્લોટ જમ્મુ-કાશ્મીરને વિશેષ દરજ્જો આપતી કલમ 370 નાબૂદ કરવાની ફરતે ફરે છે. એક પાકિસ્તાની ઓફિસર આ નિર્ણયથી જરા પણ ખુશ નથી અને ભારત પોતાની આ ‘ભૂલ’નું પરિણામ ભોગવે તેમ ઈચ્છે છે. તે રૉના પૂર્વ એન્જટ જિમ (જોન અબ્રાહમ)નો સંપર્ક કરે છે. જિમ સાથે તેના પોતાના જ લોકોએ અન્યાય કર્યો હતો. તેનો સાથ આપે છે કે, આઈએસઆઈની પૂર્વ એજન્ટ રુબિના (દીપિકા પાદુકોણ) જેના કેટલાય છુપા ઈરાદાઓ છે. પઠાણ, જિમ અને રૂબિના એકબીજા સાથે શીંગડા ભેરવે છે. બદલા અને પ્રતિશોધની આ જોખમી રમત તેમને કેટલાય ખંડોમાં લઈ જાય છે. તેઓ જે દુનિયામાં વિશ્વાસ રાખે છે તેનું રક્ષણ કરવા અને અન્યને બરબાદ કરવા માટે એડીચોટીનું જોર લગાવે છે.

કિયારા સાથે ઠરીઠામ થવાનો નિર્ણય લેતાં પહેલા આ સુંદરીઓને ડેટ કરી ચૂક્યો છે સિદ્ધાર્થ મલ્હોત્રા

ડાયરેક્શન

ડાયરેક્ટર સિદ્ધાર્થ આનંદે સ્પાય થ્રિલર ફિલ્મને રોચક બનાવવાના બનતા તમામ પ્રયાસ કર્યા છે. તેણે ફિલ્મને સુપરહીરો ફિલ્મ તરીકે બતાવી છે જેના કારણે કેટલીક બાબતો અવિશ્વસનીય લાગે છે. હોલિવુડની બ્લોકબસ્ટર મારવેલ ફિલ્મો કે પછી ટોમ ક્રૂઝની મિશન ઈમ્પોસિબલ જેવી ફિલ્મો પ્રત્યેનું સિદ્ધાર્થ આનંદનું આકર્ષણ અને વળગણ ‘પઠાણ’માં છતું થાય છે. વિંગસૂટ, ધૂંઆધાર એક્શન સીક્વન્સ, જોરદાર કાર, બાઈક અને હેલિકોપ્ટરના સ્ટન્ટ, અમર્ત્ય હીરો, પંચલાઈન મારતા વિલન, પુરુષને લોભાવતી આકર્ષક મહિલા અને આ બધાની ઉપર દેશભક્તિની ભાવનાની ફિલ્મ પાસે અપેક્ષા રાખી શકો છો.

એક્ટિંગ

ફિલ્મમાં ઈમોશન કરતાં વધુ મહત્વ એક્શનને આપવામાં આવ્યું છે. શાહરૂખ ખાન પડદા પર લાગણીઓ દર્શાવવામાં મહારથ મેળવી ચૂક્યો છે ત્યારે તે તેના શરીર દ્વારા અહીં સંદેશ દર્શકો સુધી પહોંચાડે છે તે જોવાનું રસપ્રદ બની રહે છે. ફિલ્મની વાર્તા નબળી છે અને VFX પણ ઠીકઠાક છે પરંતુ શાહરૂખ ખાનની પડદા પર હાજરી આ ખામીઓને ઢાંકી દે છે. ફિલ્મનો બેકગ્રાઉન્ડ સ્કોર જે-તે પરિસ્થિતિને સુસંગત નથી લાગતો. જ્યારે ફિલ્મનું ટાઈટલ મ્યૂઝિક દેશદાઝ અને બહાદુરીને દર્શાવે છે. જિમ તરીકે જોન અબ્રાહમે કરેલો અભિનય ફિલ્મની હાઈલાઈટ કહી શકાય. સ્ટન્ટ સિક્વન્સ હોય કે તેની એન્ટ્રી બધું જ દમદાર રહ્યું હતું. ફિલ્મના ઘણાં ભાગમાં એવું લાગશે કે હીરો કરતાં વિલન ચડિયાતો છે. દીપિકા પાદુકોણે પોતાના પાત્રને પૂરતો ન્યાય આપ્યો છે અને પાત્રની દ્રષ્ટિએ તેનું કાસ્ટિંગ પણ વ્યવસ્થિત લાગે છે. પરંતુ શાહરૂખ સાથેની તેની કેમેસ્ટ્રી હજી વધારે ગાઢ કરી શકાઈ હોત, બંને વચ્ચે કંઈક ખૂટતું હોય તેવું લાગે છે. જોન અને શાહરૂખના પાત્રો વચ્ચે જેવો સ્પાર્ક છે તે દીપિકા સાથે દેખાતો નથી. ડિમ્પલ કપાડિયા ફિલ્મના ખૂટતા પાસા અને લાગણીઓને જોડતી કડી બન્યાં છે તેમ કહી શકાય. એવું લાગે કે તેમનું પાત્ર થોડું વધુ લંબાવાયું હોત તો સારું.

કેમ જોવી?

YRFના સ્પાય યુનિવર્સમાં ફિલ્મી દુનિયાના કરણ-અર્જુન એટલે કે શાહરૂખ ખાન અને સલમાન ખાનનો ભેટો થાય છે. ફિલ્મી પડદે એકસાથે સલમાન અને શાહરૂખને જોઈને તમે સીટી મારવાનું નહીં ચૂકો. શાહરૂખ અને સલમાનને એકસાથે ફિલ્મી પડદે જોવા લ્હાવો છે જે ‘પઠાણ’માં તમને મળશે. એકંદરે ‘પઠાણ’ મસાલા મૂવી છે. ફિલ્મમાં મસાલા મૂવી માટે જરૂરી એવા બધા જ તત્વો જેવા કે, સ્લોમો એન્ટ્રી, અસત્ય સામે સત્યની લડાઈ છે તેમજ સૌથી સશક્ત પાસું શાહરૂખ ખાન છે. જો તમે શાહરૂખના ફેન હો તો થિયેટરમાં ‘પઠાણ’ તમારી રાહ જોવે છે.

Source link