મૂવી રિવ્યુ: બચ્ચન પાંડે

 

એક્ટર: અક્ષય કુમરા, કૃતિ સેનન, જેકલીન ફર્નાન્ડિસ, અર્શદ વારસી, પંકજ ત્રિપાઠી, સંજય મિશ્રા
ડાયરેક્ટર: ફરદાહ સામજી
શ્રેણી: હિંદી, એક્શન, કોમેડી, ક્રાઈમ
સમય: 2 કલાક, 29 મિનિટ
રેટિંગ: 2.5/5

કોરોના કાળમાં એ સુપર સ્ટાર અક્ષય કુમાર (Akshay Kumar) જ હતો, જેણે પહેલા ‘બેલ બોટમ’ અને પછી ‘સૂર્યવંશી’ જેવી મોટી કમાણી કરનારી ફિલ્મ દ્વારા થિયેટર્સને શ્વાસ લેતા કર્યા હતા. હવે ખેલાડી કુમાર 2014માં આવેલી તમિળ મૂવી ‘જિગરઠંડા’ની રિમેક ‘બચ્ચન પાંડે’ (Bachchan Paandey) લઈને આવ્યો છે. નિર્દેશક ફરહાદ સામજીની આ ફિલ્મમાં અક્ષય કુમાર એક એવા ડોનની ભૂમિકામાં છે, જેની એક આંખ જ નહીં પરંતુ દિલ પણ પત્થરનું છે. હોળી પ્રસંગે રિલીઝ થનારી આ ફિલ્મમાં મનોરંજનના બધા મસાલા છે, પરંતુ તેમ છતાં ફિલ્મ બાંધી રાખવામાં નિષ્ફળ રહી છે.

વાર્તા
વાર્તાની શરૂઆત રસપ્રદ રીતે થાય છે. આસિસ્ટન્ટ ડાયરેક્ટર માયરા (કૃતિ સેનન) ઈન્ડિપેન્ડન્ટ ડાયરેક્ટર બનવાનું સપનું જોઈ રહી છે અને પોતાનું સપનું પુરું કરવા માટે તે એક ગેંગસ્ટરની બાયોપિક બનાવી નામ કમાવવા ઈચ્છે છે. દેશભરના ઘણા ગુંડા-બદમાશો પર રિસર્ચ કર્યા પછી આખરે તે બધવા પહોંચે છે, જ્યાં ગેંગસ્ટર બચ્ચન પાંડેનો ખોફ ફેલાયેલો છે. માયરા સાથે એક્ટર બનવાની ઈચ્છા રાખતો તેનો મિત્ર વિશુ (અરશદ વારસી) પણ છે. બધવા ઉત્તર ભારતની એક એવી જગ્યા છે, જ્યાં અરાજકતાનું રાજ ચાલે છે. અહીં ભરબજારમાં ગુંડા પોલીસની ધોલાઈ કરે છે અને પત્રકારને જીવતો સળગાવે છે. અહીંનું માફિયા માત્ર ગોળીની ભાષા જાણે છે અને આ કુખ્યાત ગુંડાઓનો સરદાર છે બચ્ચન પાંડે (અક્ષય કુમાર). બચ્ચન પાંડેની જીંદગીનો પીછો કરતા-કરતા માયરા અને વિશુ એક એવા લોહિયાળ રોલર-કોસ્ટરમાં સવાર થાય છે, જ્યાં જીવ લેવો એટલું જ સામાન્ય છે, જેટલું મચ્છર મારવું.

વાર્તામાં બચ્ચન પાંડે ગેંગના પેંડુલમ, બફરિયા ચાચા, કાંડી જેવા ઘણા અતરંગી લોકો છે. લોહીની હોળી રમતા નિર્દયી બચ્ચન પાંડે પર માયરા ફિલ્મ બનાવી શકે છે કે નહીં, એ જાણવા માટે તમારે ફિલ્મ જોવી પડશે.

રિવ્યુ
‘એન્ટરટેઈનમેન્ટ’ અને ‘હાઉસફુલ 3’ જેવી ફિલ્મોનું નિર્દેશન કરી ચૂકેલા ફરહાદ સામજીની ફિલ્મની સૌથી મોટી સમસ્યા એ જ છે કે, દર્શકો ટ્રેલરમાં એટલું બધું જોઈ ચૂક્યા છે કે, ફિલ્મ જોવા દરમિયાન તેમને ‘પિક્ચર અભી બાકી હૈ’વાળી ફીલિંગ નથી આવતી. ફિલ્મ ટુકડા-ટુકડામાં મનોરંજન આપે છે.

ફર્સ્ટ હાફનો આખો સમય નિર્દેશકે બચ્ચન પાંડેના કેરેક્ટરને ડેવલપ કરવામાં લગાવી દીધો છે, એટલે ફિલ્મની ગતિ સ્લો લાગવા લાગે છે. સારું છે કે, સેકન્ડ હાફમાં ઘણા ટર્ન અને ટ્વિસ્ટ તેમજ પંકજ ત્રિપાઠીની એન્ટ્રી ફિલ્મને બચાવી લે છે. સ્ક્રીનપ્લેનમાં ઘણી ખામી જોવા મળે છે. ફિલ્મનું એડિટિંગ હજુ વધારે થઈ શકે તેમ હતું. ફિલ્મની સિનેમેટોગ્રાફી જોવાલાયક છે, જેનો ક્ષેય ગેમિક યુ એરીને જાય છે. ગીતોની વાત કરીએ તો ‘માર ખાયેલા’ અને ‘સારે બોલે બેવફા’ મ્યૂઝિક પ્રેમીઓને પસંદ આવી રહ્યા છે.

એક્ટિંગ
અભિનયની વાત કરીએ તો બચ્ચન પાંડે નામના પાત્રને અક્ષય કુમાર 2008માં આવેલી ‘ટશન’માં નિભાવી ચૂક્યો છે, પરંતુ આ વખતે તેણે પોતાના એન્ટી હીરો પાત્રમાં ખોફ અને કોમિક રંગને એક સાથે જોડ્યો છે. તે પોતાની ભૂમિકાને એન્જોય કરતો જોવા મળે છે. અક્ષયની પથ્થરવાળી આંખનો અવતાર જિજ્ઞાસા ઊભી કરતો, પરંતુ એક્શન દ્રશ્યોમાં પ્રભાવી સાબિત થાય છે, જોકે તેની બેકસ્ટોરી પાત્ર પ્રત્યે સહાનુભૂતિ નથી ઊભી કરી શકતો. જેકલીન ફર્નાન્ડિસને આપણે આવી ભૂમિકાઓમાં પહેલા પણ જોઈ છે. પ્રતીક બબ્બર બુદ્ધુ ગુંડાના ચરિત્રમાં પ્રભાવ નથી છોડી શકતો. પેંડુલમના રૂપમાં અભિમન્યુ સિંહ, બફરિયા ચાચાના રૂપમાં સંજય મિશ્રા અને કાંડીના રોલમાં સહર્ષ કુમાર પોતાની કોમેડીથી રાહત આપે છે.

Source link