મુંબઈની યુવતીને પ્રેમજાળમાં ફસાવી યુવકે 10 વર્ષ સુધી ભોગવી, સગાઈ નક્કી કરી લગ્નનો ઈનકાર કર્યો

 

સુરતઃ મુંબઈમાં રહેતી 31 વર્ષીય યુવતી સુરતના કતારગામમાં પોતના સંબંધીના ત્યાં લગ્ન પ્રસંગમાં આવી હતી. આ યુવતીને યુવકે પોતાની પ્રેમજાળમાં (Surat crime) ફસાવી હતી. એ પછી યુવકે જન્મદિવસે જ દુષ્કર્મ આચર્યુ હતુ અને સતત 10 વર્ષ સુધી તેનું શોષણ કર્યું હતું. આ યુવકે યુવતીને પોતાની પ્રેમજાળમાં ફસાવીને પરિવારની સાથે રહીને સગાઈની તારીખ નક્કી કરી હતી. સગાઈની તારીખ નક્કી કરીને ખરીદી માટે ત્રણ લાખ રુપિયા પણ લીધા હતા. એ પછી આ 28 વર્ષના યુવકે લગ્ન માટે ઈનકાર કરી દીધો હતો. બાદમાં પોલીસ (Surat news) ફરિયાદ થયા બાદ યુવકની ધરપકડ કરવામાં આવી હતી.

પ્રાપ્ત રિપોર્ટ મુજબ, મુંબઈમાં રહેતી 31 વર્ષની યુવતી 10 વર્ષ પહેલાં પરિવાર સાથે સુરતના કતારગામમાં પિતરાઈ મામાના લગ્ન પ્રસંગમાં હાજરી આપવા માટે આવી હતી. એ સમયે મૂળ અમરોલીમાં રહેતાં અને તેનાથી ત્રણ વર્ષ નાના યુવક હાર્દિક બાબુભાઈ ચોટલિયા સાથે થઈ હતી. આ લગ્ન પ્રસંગ દરમિયાન બંને વચ્ચે મિત્રતા થઈ હતી. એ પછી બંને મોબાઈલ ફોનમાં વાતો કરવા લાગ્યા અને આ સંબંધ પ્રેમમાં પરિણમ્યો હતો. જ્યારે પણ યુવતી સુરત આવતી ત્યારે હાર્દિક સાથે ડુમસ ફરવા માટે જતી હતી. ગયા 2013માં વેલેન્ટાઈન ડેના દિવસે તે સુરત આવી ત્યારે પણ ડુમસ ફરવા માટે ગયા હતા. એના ત્રણ મહિના બાદ બંને વચ્ચે શારીરિક સંબંધ બંધાયા હતા.

એ પછી હાર્દિકે ઓક્ટોબર મહિનામાં તેના જન્મદિવસે યુવતીને સુરત બોલાવી હતી. એ પછી નજીકમાં આવેલા ચોટીલા માતાજીના મંદિરે દર્શન કરવા ગયા હતા અને નજીકની હોટલમાં રોકાણ કર્યું હતુ. આ હોટલમાં પણ બંને વચ્ચે શારીરિક સંબંધ બંધાયા હતા. એ પછી હાર્દિક મુંબઈ ગયો ત્યારે પણ યુવતીને મળ્યો હતો અને શરીર સંબંધ બાંધ્યો હતો. હાર્દિકે આ રીતે 10 વર્ષ સુધી લગ્નની વાતો કરીને શરીર સંબંધ બાંધ્યા હતા. આ દરમિયાન ગયા ઓક્ટોબર મહિનામાં યુવતીના પરિવારના લોકો સુરત આવ્યા હતા અને હાર્દિકને પરિવારને મળ્યા હતા. એ પછી બંને પરિવારે તેમની સગાઈ 11 નવેમ્બરના રોજ નક્કી કરી હતી.

એટલું જ નહીં લગ્નની ખરીદી માટે યુવતી દ્વારા હાર્દિકના એકાઉન્ટમાં ત્રણ લાખ રુપિયા પણ ટ્રાન્સફર કરવામાં આવ્યા હતા. જો કે, આ રુપિયા લીધા બાદ હાર્દિક અને તેના પરિવારે લગ્નનો ઈનકાર કર્યો હતો. ત્રણ લાખ રુપિયા પણ પરત કર્યા નહોતા. આખરે યુવતી મુંબઈના મલાડ પોલીસ સ્ટેશનમાં હાર્દિક વિરુદ્ધ ફરિયાદ નોંધાવી હતી. બાદમાં મલાડ પોલીસે સુરતની કતારગામ પોલીસને આ ફરિયાદ ટ્રાન્સફર કરી હતી. જે બાદ પોલીસે ગુનો નોંધીને કાર્યવાહી હાથ ધરીને હાર્દિકની ધરપકડ કરી હતી.

Source link