માસ્ક ન પહેરીને ગુજરાતીઓએ દર એક મિનિટે ₹2,377નો દંડ ચૂકવ્યો, નિયમ ભંગમાં અમદાવાદ મોખરે

 

અમદાવાદઃ શહેર સહિત ગુજરાતમાં કોવિડ-19ના કેસમાં ઘટાડો થયો છે. તેમ છતાં વાયરસના સંક્રમણથી બચવા માટે માસ્ક પહેરવું જરૂરી છે. સરકાર પણ નાગરિકોને પ્રોટોકોલનું પાલન કરવા માટે કહી રહી છે. તેમ છતાં કેટલાક લોકો હજી પણ તેવા છે, જેઓ જાણે કોરોનાનું અસ્તિત્વ ખતમ થઈ ગયું હોય તેમ માસ્ક વગર ફરે છે. ગુજરાતીઓએ માસ્ક ન પહેરવા બદલ દર એક મિનિટે 2,377 રૂપિયાનો દંડ ચૂકવ્યો હતો. આ વાતનો ખુલાસો ત્યારે થયો જ્યારે રાજ્ય સરકારે વિધાનસભામાં કરવામાં આવેલા પ્રશ્નના જવાબમાં કહ્યું હતું કે, તેમણે છેલ્લા બે વર્ષમાં માસ્કના નિયમનું ઉલ્લંઘન કરનારા લોકો પાસેથી 249.81 કરોડ રૂપિયા એકઠા કર્યા હતા. સરકારે જણાવ્યું હતું કે 1 ફેબ્રુઆરી, 2020થી 31 જાન્યુઆરી, 2022 સુધીમાં ગુજરાત પોલીસ દ્વારા માસ્ક ન પહેરવા બદલ 36.27 લાખ લોકો પાસેથી દંડ વસૂલવામાં આવ્યો હતો. આશરે 52,907 લોકોએ સ્થળ પર દંડ ભરવાનો ઈનકાર કર્યો હતો.

ગુજરાતમાં છેલ્લા બે વર્ષમાં બળાત્કારના રોજના પાંચ કેસ નોંધાયા, સૌથી વધારે અમદાવાદમાં
સરકાર દ્વારા શરૂઆતમાં માસ્ક ન પહેરવા બદલ 200 રૂપિયાનો દંડ વસૂલવામાં આવતો હતો, જે વધારીને બાદમાં 500 રૂપિયા કરી દેવાયો હતો. ઓગસ્ટ, 2020થી માસ્ક ન પહેરવાનો દંડ બમણો એટલે કે 1 હજાર રૂપિયા કરાયો હતો.

આ દરમિયાન, અમદાવાદમાં 6.79 લાખ લોકો માસ્ક પહેર્યા વગર પકડાયા હતા. છેલ્લા બે વર્ષમાં અમદાવાદીઓ પાસેથી જે દંડ વસૂલવામાં આવ્યો હતો, તેનો આંકડો 54.33 કરોડ રૂપિયા છે. 2020માં, 3.65 લાખ ગુનેગારો પાસેથી 27.85 કરોડ દંડ લેવાયો હતો. જ્યારે 2021માં 3.13 લાખ ગુનેગારો પાસેથી 27.49 કરોડનો દંડ વસૂલવામાં આવ્યો હતો.

કોરોનાના કારણે 3 વર્ષના બાળકને થઈ હૃદયની ગંભીર બીમારી, 20 દિવસની સારવાર પછી મળી નવી જિંદગી
અમદાવાદ, સુરત, રાજકોટ અને વડોદરા જિલ્લાના લોકોએ 123 કરોડનો દંડ ભર્યો હતો, બાકીના 29 જિલ્લાા લોકોએ આ જ સમયગાળામાં 126 કરોડ રૂપિયા દંડ પેટે આપ્યા હતા. માસ્ક માત્ર દંડથી બચવા માટે જ નહીં, પરંતુ પોતાની સુરક્ષા માટે પહેરવું છે તે વાત હજી પણ કેટલાક લોકો સમજતા હતા.

Source link