ભારતીય ક્રિકેટર્સની અગ્નિ-પરિક્ષા છે BCCIનો Dexa Test, ખૂલશે ખેલાડીઓના રહસ્યો

Yo-Yo Test and DEXA Test in Indian Cricket: હાલમાં જ ભારતીય ક્રિકેટર ઋષભ પંતના અકસ્માતે આખા દેશને ચિંતામાં ગરકાવ કરી દીધો હતો, ક્રિકેટ ચાહકો આ ખેલાડીના ઝડપથી સાજા થવા માટે પ્રાર્થના કરી રહ્યા છે. જો કે, આ સિવાય પણ ક્રિકેટ જગતમાં એક મોટાં સમાચાર આવી ગયા છે.

બીસીસીઆઇએ ડેક્સા ટેસ્ટ (DEXA Test in Cricket)ને હવે અનિવાર્ય બનાવી દીધો છે. ડેક્સા ટેસ્ટ જે ભારતીય ક્રિકેટર્સની ફિટનેસનું રહસ્ય છતું કરી દેશે. એક પ્રેસ રિલિઝમાં બીસીસીઆઇ (BCCI)એ જણાવ્યું કે, હવેથી ભારતીય ખેલાડીઓને યો-યો ટેસ્ટની સાથે ડેક્સા ટેસ્ટ (Yo-Yo Test and DEXA Test)માંથી પણ પસાર થવું પડશે. આ ટેસ્ટ બાદ જ તેઓને સંપુર્ણ રીતે રમવા માટે ફિટ ગણવામાં આવશે. ડેક્સા ટેસ્ટની અંદર ખેલાડીઓના હાડકાની ફિટનેસ માપવામાં આવશે.

(તસવીરોઃ પિક્સાબે.કોમ, ફ્રિપિક.કોમ) (Cover Image: BCCI, Twitter)

​DEXA Test શા માટે કરવામાં આવે છે?

DEXA-Test-

ડેક્સા ટેસ્ટને ડેક્સા સ્કેન અથવા ડીએક્સએ ટેસ્ટ (DEXA Scan or DXA Test) પણ કહેવામાં આવે છે. ક્લિવલેન્ડ ક્લિનિક (Cleveland Clinic) અનુસાર, આ એક બોન ડેન્સિટી ટેસ્ટ છે, જેમાં હાડકાનું ઘનત્વ (મોટાઇ અને મજબૂતી) જોવા મળે છે. આ ટેસ્ટ જણાવે છે કે, શારિરીક કંકાલના ક્યા હાડકામાં કેટલું મિનરલ મોજૂદ છે. મેડિકલ ભાષામાં તેને ઘણીવાર ડેન્સિટોમેટ્રી ટેસ્ટ (DXA) પણ કહેવામાં આવે છે.

તમારાં હાડકાંને ઉંધઇની માફક કમજોર કરી રહી છે આ 5 વસ્તુઓ, ડોક્ટરની સલાહથી બનાવો તેને મજબૂત

​DEXA Test શું છે?

DEXA-Test-

ક્રિકેટની અંદર ડેક્સા ટેસ્ટ ખેલાડીઓની હાડકાની મજબૂતી જણાવશે, જેનાથી ઇજા કે ફ્રેક્ચરના જોખમને ઘટાડી શકાય છે. આ એક્સરેની માફક ઇમેજિંગ ટેસ્ટ હોય છે. જેમાં એક્સ-રેના ઓછા લેવલનો ઉપયોગ કરવામાં આવે છે. ડેક્સાનું આખુ નામ ડ્યૂઅલ એનર્જી એક્સરે એબ્જોર્પ્ટિયોમેટ્રી (Dual-Energy X-ray Absorptiometry) છે.

​DEXA Test કેવી રીતે થાય છે?

DEXA-Test-
  • સૌથી પહેલા વ્યક્તિને એક સ્પેશિયલ ડેક્સા એક્સ-રે ટેબલ પર સૂવાડવામાં આવે છે.
  • ત્યારબાદ ટેસ્ટ માટે જરૂરી પોઝિશનમાં બેસાડવામાં અથવા સૂવાડવામાં આવે છે. ડેક્સા ટેસ્ટ ઘણીવાર જાંઘ, કરોડરજ્જુના હાડકા અથવા કાંડાના હાડકામાં કરવામાં આવે છે.
  • આ દરમિયાન ડેક્સા મશીન આર્મ વાંછિત અંગ પરથી પસાર થાય છે.
  • ડેક્સા ટેસ્ટમાં બે અલગ અલગ રીતે એક્સ-રેનો ખૂબ જ ઓછી માત્રામાં ઉપયોગ કરવામાં આવે છે, જેથી આ ટેસ્ટ સુરક્ષિત રહે.
  • હવે સ્કેનર બોન ડેન્સિટીને રેડિયોલોજિસ્ટની સ્ક્રિન પર ફોટો અને ગ્રાફના માધ્યમથી દર્શાવવામાં આવે છે.

​આ લોકો પર થાય છે ડેક્સા ટેસ્ટ

ક્રિકેટમાં ડેક્સા ટેસ્ટ ખેલાડીઓની ફિટનેસ વિશે જાણવા માટે કરવામાં આવશે. જો કે, ડોક્ટર ઓસ્ટિયોપોરોસિસની બીમારીની જાણકારી મેળવવા માટે પણ આ ટેસ્ટની સલાહ આપતા હોય છે, જેથી દર્દીને જરૂરી ઇલાજ ઉપલબ્ધ કરાવી શકાય.

​ઓસ્ટિયોપોરોસિસ શું છે?

ઉંમર અને અન્ય કારણોસર હાડકાની મજબૂતી અને ઘનત્વમાં ઘટાડો થાય છે. બોન માસ ઘટે તેને ઓસ્ટિયોપેનિયા કહેવામાં આવે છે. જ્યારે આ સ્થિતિ ગંભીર થઇ જાય છે અને હાડકાં એકદમ ખોખરા કે કમજોર થઇ જાય છે, તેને ઓસ્ટિયોપોરોસિસ બીમારી કહેવામાં આવે છે.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

એબ્સ માટે પ્રોટીન પાઉડર લેવાની નહીં પડે જરૂર, ન્યૂટ્રિશનિસ્ટે જણાવેલી 6 સસ્તી ચીજો જ કરશે કમાલ

Source link