બે કોન્સ્ટેબલ લાંચ લેતા પકડાતા અન્ય ભષ્ટ કર્મીઓએ ઘરે ફોન કરી રોકડ-દાગીના સંતાડવા કહ્યુ

 

અમદાવાદ: એન્ટી કરપ્શન બ્યૂરો (ACB)એ શહેરના એલિસબ્રિજ પોલીસ સ્ટેશનમાં ફરજ બજાવતા હેડ કોન્સ્ટેબલ વિનોદ વાઢેરઅને કોન્સ્ટેબલ બાદલ ચૌધરીને2.75 લાખની લાંચ લેતા ઝડપી લીધા બાદ અન્ય ભ્રષ્ટ ક્રમચારીઓ તાબડતોડ પોલીસ સ્ટેશનથી બહાર નીકળી ગયા હતા અને લાંચિયા પોલીસકર્મચારીના ઘરે ફોન કરીને રોકડ તથા દાગીના સંતાડવા કહ્યું હતું. ત્યારબાદ પોતે પણ ડી સ્ટાફની ઓફિસને તાળું મારીને રફૂચક્કર થઈ ગયા હતા. લાંચ લેનારા બંને હેડ કોન્સ્ટબલને બુધવારે કોર્ટમાં રજૂ કરીને રિમાન્ડ મેળવવા કાર્યવાહી કરવામાં આવી હોવાનું જાણવા મળ્યું છે.

‘કેસમાંથી બહાર નીકળવું હોય તો વહીવટ કરવો પડશે’
સમગ્ર ઘટનાની વિગતો એવી છે કે, એલિસબ્રિજ પોલીસ સ્ટેશનમાં શહેરની નિશ્રેય કંપની સામે છેતરપિંડીની અરજી કરવામાં આવી હતી. આ કેસમાં બાદલ ચૌધરી અને વિનોદ વાઢેરે કંપની સાથે સંકળાયેલા એક યુવકને ધમકાવીને કહ્યું કે, આ કેસમાં તારી સીધી સંડોવણી છે. જો આ કેસમાંથી બહાર નીકળવું હોય તો વહીવટ કરવો પડશે કહીને 25 લાખની માંગ કરી હતી અને અંતે સાત લાખ રૂપિયા આપવાનું નક્કી કરવામાં આવ્યું હતું.

ACB બંનેને 2.75 લાખની લાંચ લેતા ઝડપી લીધા હતા
બીજી તરફ યુવકે એસીબીને ફરિયાદ કરતા ACB પોલીસે બંને કોન્સ્ટેબલને 2.75 લાખની લાંચ લેતા રંગેહાથ ઝડપી લીધા હતા.. પોલીસ મથકની બાજૂમાં જ કીટલી ઉપર બંને કર્મચારી વહીવટ કરતા હતા, જેના લીધા તાજેતરમાં ડીસ્ટાફના કેલા કર્મચારી પોલીસ ચોકીમાં બદલી કરીને જતા રહ્યા હતા. બંને લાચિંતા કર્મચારીઓ અરજીઓના આધારે જ વહીવટ કરતા હતા અને તાજેતરમાં ડબ્બા ટ્રેડિંગમાં પણ મોટી રકમ મેળવ હોવાનું સામે આવતા ખળભળાટ મચી ગયો છે.

બંને લાંચિયા પોલીસ કર્મચારીઓ સામે કાયદેસરની કાર્યવાહી
ઉલ્લેખનીય છે કે, ગત વર્ષની રિપોર્ટમાં ગુજરાતમાં સૌથી વધુ ભ્રષ્ટ અધિકારીઓ ગૃહ વિભાગના હોવાનું સામે આવ્યું છે. ઉપરોક્ત કેસમાં બંને લાંચિયા પોલીસ કર્મચારીઓએ નાસતા ફરતા આરોપીઓ પાસેથી પણ પૈસા પડાવ્યા હોવાનું જાણવા મળ્યું છે.

Source link