બાળકોને વારંવાર થતી કરમિયાની સમસ્યાને દૂર કરવા આયુર્વેદિક ડોક્ટરે જણાવ્યા દેશી ઇલાજ

Worm Infections in Children: બાળકને પેટમાં કૃમિ થઇ ગયા છે અને તે કેટલાં ગંભીર છે તે માટે કેટલાંક સંકેત અથવા લક્ષણો હોય છે. કૃમિના ઇન્ફેક્શન અલગ અલગ પ્રકારના હોય છે જેને પિનવર્મ અથવા થ્રેડવર્મ (Pinworm) તરીકે પણ ઓળખવામાં આવે છે. બાળકોને પ્રભાવિત કરતા આ સૌથી સામાન્ય કૃમિ હોય છે જે મોટાં દોરા કે ટૂકડાં જેવા દેખાય છે, તેની લંબાઇ અંદાજિત સ્ટેપલ પિન એટલે કે, 3mmથી લઇને 10mm સુધી લાંબી હોઇ શકે છે.

એક અધ્યયન (Medical Science Research) અનુસાર, ભારતમાં રહેતા પ્રતિ પાંચ બાળકમાંથી એકને ઓછામાં ઓછા એક કૃમિના ઇન્ફેક્શન ચોક્કસથી થાય છે. નાના બાળકોમાં આ ઇન્ફેક્શન સૌથી સામાન્ય ગણાય છે. પિનવર્મ સિવાય કૃમિના અન્ય પ્રકારો (Types of Stomach worms) જેમ કે, હુકવર્મ, રાઉન્ડવર્મ અને વ્હિપવર્મ (Whipworm) પણ ભારતમાં સૌથી સામાન્ય છે.

બાળકોમાં કૃમિ ઇન્ફેક્શનની જાણકારી તાત્કાલિક મળે તે માટે તેના લક્ષણો વિશે માહિતી હોવી જરૂરી છે, જેથી તેનું નિદાન અને ઇલાજ સમયસર થઇ શકે. આયુર્વેદિક એક્સપર્ટ ડોક્ટર દિક્ષા ભાવસારે (Dr Dixa Bhavsar, Ayurveda doctor) બાળકોમાં કૃમિ ઇન્ફેક્શન દૂર કરવા માટે કેટલાંક ઘરેલૂ ઉપાયો (Natural Home Remedies for Stomach Worms in Children) સુચવ્યા છે.

(તસવીરોઃ પિક્સાબે.કોમ, ફ્રિપિક.કોમ)

​કૃમિના સામાન્ય લક્ષણો

ડોક્ટર દિક્ષા (Dr Dixa Bhavsar) અનુસાર, કૃમિના સામાન્ય લક્ષણો (Diagnose Stomach Worm in Children)માં પેટનો દુઃખાવો, ગુદામાર્ગમાં ખંજવાળ, ડાયરિયા, તાવ, સુકી ખાંસી, ચક્કર આવવા વગેરે છે. આ સિવાય તેના અન્ય લક્ષણો આ પ્રકારે છે –

  • વજનમાં ઘટાડો
  • ચિડાયાપણું
  • ઉબકાં અને ઉલટી
  • મળમાં લોહી પડવું
  • વારંવાર ખંજવાળના કારણે રાત્રે ઉંઘ ના આવવી
  • વારંવાર પેશાબ
  • વધારે આંતરિક રક્તસ્ત્રાવના કારણે આયર્નની ઉણપ અને એનિમિયા
  • ભૂખ ના લાગવી
  • દાંત કચકચાવવા

​રસોડાંના મસાલાનો ઉપયોગ

કૃમિથી બચવા માટે રસોડાંના મસાલાનો ઉપયોગ કરી શકાય છે. ખાસ કરીને કાળા મરી, હિંગ, આદુ, હળદર જેના તીખા સ્વાદ હોવા છતાં તે એન્ટી-પેરાસિટીક અને એન્ટી-ઇન્ફ્લેમેન્ટરી ગુણો કૃમિને દૂર કરવા સહાયક છે. કાળા મરીના પાઉડરની એક ચપટીને રાત્રે અડધી ચમચી મધ સાથે પીવરાવવાથી કૃમિ ઇન્ફેક્શન દૂર થશે.

​હિંગ અને તુલસી

અડધી ચપટી હિંગને બાળકો માટે બનતા ભોજનમાં નાખો. આ સિવાય તેઓને તુલસીનો રસ પણ પીવરાવી શકાય છે. તાજાં 3-5 તુલસીના પાનને અડધી ચમચી મધ અને એક ચપટી સૂકા આદુના પાઉડર સાથે મિક્સ કરી જ્યૂસ તૈયાર કરો. આ જ્યૂસને બાળકને સવારે ખાલી પેટે પીવરાવો.

કૃમિ દૂર કરવા આયુર્વેદ અનુસાર ઘરેલૂ ઉપાય

​આદુ અને હળદર

આદુને તમે પાણી, ચા અથવા તેઓના ભોજનને પકાવતી વખતે નાખીને પણ આપી શકો છો. ઉપરાંત એક ચપટી હળદરમાં તેટલી જ માત્રામાં કાળા મરીને પાઉડર મિક્સ કરીને અડધી ચમચી મધ સાથે સૂતી વખતે બાળકને આપો.

​ડી-વોર્મિંગ માટે અન્ય ટિપ્સ

અગાઉ જણાવેલા હર્બ્સને તમે એકસાથે મિક્સ કરીને પણ આપી શકો છો. આ માટે 3 તુલસીના પાન, ચપટી હિંગ, ચપટી હળદર અને કાળા મરીને અડધી ચમચી આદૂના રસમાં મિક્સ કરીને બાળકને ભોજનના એક કલાક પહેલાં આપો. બાળકને કૃમિ ઇન્ફેક્શનથી બચાવવા આ ઉપાયને અઠવાડિયામાં એકવાર અજમાવો, જો તેને કૃમિ થઇ ગયા હોય તો 15 દિવસ સુધી દરરોજ કરો.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં, વધુ માહિતી માટે તમારાં ડોક્ટરનો સંપર્ક કરો.



Source link