બાળકના જન્મ પહેલાં જ આલિયા-રણબીર વચ્ચે થઇ રહી છે લડાઇ, એક્ટરે જણાવ્યું કારણ

The first Year of Parenting: આલિયા ભટ્ટ (alia bhatt) અને રણબીર કપૂર (ranbir kapoor) ટૂંક સમયમાં જ પેરેન્ટ્સ બનવાના છે, આ કપલ હાલ તેઓના પ્રેગ્નન્સી ટાઇમને એન્જોય કરી રહ્યા છે. એકતરફ જ્યાં બંને એકબીજા માટે સપોર્ટિંગ પાર્ટનર તરીકે જોવા મળે છે, તો બીજી તરફ તેઓ પેરેન્ટ્સ તરીકે તેઓના તાલમેલને ઠીક કરવાના પણ પ્રયત્નો કરી રહ્યા છે.

લાંબા સમયથી એકબીજાંને ડેટ કર્યા બાદ લગ્નના બંધનમાં બંધાયેલા આ કપલને ઘણી-બધી એવી બાબતો છે જે અંગે પરસ્પર સમજણ અને સમજદારી અંગે નવેસરથી શરૂઆત કરવી પડે છે. આલિયા અને રણબીરે હાલમાં જ જાહેર કર્યુ હતું તેઓની વચ્ચે એક ખાસ બાબતને લઇને વારંવાર લડાઇ રહી છે. આ કપલે જે કહ્યું તેની સાથે લગભગ તમામ પેરેન્ટ્સ સહમત પણ થશે.

આગળ જાણો, શું છે બોલિવૂડના મોસ્ટ ફેવરિટ કપલની વચ્ચે લડાઇનો મુદ્દો અને શા માટે તેઓ એકબીજાંને નવેસરથી ઓળખવાનો પ્રયત્ન કરી રહ્યા છે.

(Images: Instagram/ @aliaabhatt, @ranbir__kapoor82)

​આલિયા-રણબીરની પર્સનાલિટી છે અલગ

આલિયા અને રણબીરે ભલે એકબીજાં સાથે લવ મેરેજ કર્યા હોય પરંતુ તેઓની પર્સનાલિટી ઘણા ખરાં અંશે એકબીજાંથી અલગ છે. આ જ કારણ છે કે, તેઓના સંબંધને લઇને લોકોને વિશ્વાસ કરવો મુશ્કેલ હતો કે તેઓ લગ્ન પણ કરશે કે કેમ. જ્યારે બંને પાત્રોના સ્વભાવ અલગ અલગ હોય છે તો પરસ્પર સમજ, એડજસ્ટમેન્ટ, બદલાવ જેવી અનેક બાબતોને લઇને સાથે રહીને કામ કરવું પડે છે.

​ઝગડાનું કારણ

અલગ અલગ પર્સનાલિટી અને અપ્રોચના કારણે આ સ્ટાર કપલની વચ્ચે લડાઇ પણ ચાલી રહી છે. રણબીરે હાલમાં જ એક ન્યૂઝ ચેનલને આપેલા ઇન્ટરવ્યુમાં જણાવ્યું કે, આલિયા તેના પર પેરેન્ટિંગ સાથે જોડાયેલા પુસ્તકો વાંચવાનું દબાણ બનાવી રહી છે. રણબીર કહે છે કે, મેં 30 ટકા ભાગ તો વાંચી લીધો છે, પણ હવે મારાંમાં તે પુસ્તક વાંચવાની ક્ષમતા નથી. આ જ કારણે આલિયા નારાજ થઇ જાય અને તે મને દરરોજ વાંચવાનું પ્રેશર કરી રહી છે. મેં આલિયાને કહ્યું કે, જો પુસ્તકો આપણને નહીં શીખવે કે આપણે આવનાર બાળકનો ઉછેર કેવી રીતે કરીશું. તે જ્યારે આ દુનિયામાં આવશે ત્યારે તેની સાથે એક્સપિરિયન્સ કરતાં કરતાં આપણે બધુ જ શીખી જઇશું.

​શા માટે આ પ્રકારની લડાઇ છે જરૂરી

આલિયા રણબીર એકમાત્ર એવા કપલ નથી જેઓની વચ્ચે આ પ્રકારની નાનકડી બાબતને લઇને લડાઇ થઇ રહી હોય. પ્રેગ્નન્સી બાદ દરેક કપલ અલગ અલગ દ્રષ્ટિકોણના કારણે કોઇને કોઇ બાબતે લડતા રહે છે. આ ચર્ચા કે લડાઇ થવી એક પ્રકારે જરૂરી પણ છે, કારણ કે આ જ એ સમય હોય છે જ્યારે કપલની વચ્ચે વૈચારિક મતભેદ સામે આવે છે. જો તેને મનમાં જ દબાવીને રાખવામાં આવે, તો સમય જતાં તે કપલની વચ્ચે માનસિક અંતર લાવે છે. જો કે, લડાઇ બાદ મહત્વનું એ પણ છે કે, તમે એકબીજાં સાથે મળીને આ સ્થિતિને કેવી રીતે સંભાળી રહ્યા છો.

​આલિયાના રિસ્પોન્સથી શીખો

રણબીરે જે નિવેદન આપ્યું તેના પર આલિયાના રિએક્શનથી દરેક કપલ શીખ લઇ શકે છે. એક્ટ્રેસે જણાવ્યું કે, તે રણબીરને આ પુસ્તક વાંચવા પર દબાણ કરી રહી હતી, પરંતુ બાદમાં તેના હસબન્ડના દ્રષ્ટિકોણને પણ તેણે સમજવાની કોશિશ કરી અને ઝગડાને આગળ વધતા અટકાવી દીધો. આલિયાએ કહ્યું કે, રણબીર પાસેથી એ વાત શીખવા મળી રહી છે કે, તમે ગમે તેટલી તૈયારીઓ કરી લો, જ્યારે બાળક આ દુનિયામાં આવશે તે સમયે તેની સાથે જે અનુભવોથી શીખવા મળશે તે અલગ જ ખુશી હશે.

​એકબીજાને સમજવા છે સૌથી જરૂરી

રણબીર અને આલિયાના સંબંધની સૌથી મોટી તાકાત તેઓની એકબીજાંને સમજવાની તૈયારી છે. આ જ બાબત દરેક રિલેશનશિપમાં મદદ પણ કરે છે. ભલે બે વ્યક્તિ એક સમાન વિચારતા નથી પરંતુ એક વચ્ચેનો રસ્તો તો કાઢી જ શકે છે જે બંનેને શાંતિ આપે છે અને લડાઇને કડવાશથી ભરવા સુધી ના પહોંચવા દે. તેથી જ કપલની વચ્ચે ઝગડો થાય તે સામાન્ય બાબત છે, પરંતુ તેઓની સાથે વાત કરીને તેનો ઉકેલ લાવવો પણ એટલો જ જરૂરી છે.

Source link