બારડોલીમાં ગેસ સિલિન્ડરમાંથી દારૂ નીકળ્યો, પોલીસે 1632 બોટલ કબજે કરી!

 

નવસારી: ગુજરાતમાં દારૂબંધી હોવા છતાંય અવારનવાર મોટાપ્રમાણમાં દારૂનો જથ્થો પકડાતો હોય છે. પોલીસથી બચવા અને માલ પકડાઈ ન જાય તે માટે બૂટલગેરો નવો કિમીયો અજમાવતા હોય છે. ત્યારે બારડોલી તાલુકાના રજવાડ ગામે ઘરના આંગણામાં પાર્ક કરેલી એક ટેમ્પામાં ગેસ સિલિન્ડરમાંથી દારૂની 1632 બોટલો મળી આવતા પોલીસ પણ ચોંકી ગઈ હતી. 1.51 લાખનો દારૂ, ટેમ્પો અને ગેસ સિલિન્ડર મળી કુલ 3.65 લાખનો મુદ્દામાલ કબજે કરી બારડોલી ગ્રામ્ય પોલીસે ગુનો નોંધી આગળની કાર્યવાહી હાથ ધરી હતી.

મળતી માહિતી પ્રમાણે સુરત જિલ્લા એલસીબીની ટીમને બાતમી મળી હતી, જેના આધારે ટીમે વોચ ગોઠવી રજવાડ ગામે મંદિર ફળિયામાં રેડ કરી હતી. જ્યાં જિતેન્દ્ર જેરામભાઈ માયાવંશીના ઘરની આગળ એક ટેમ્પો પાર્ક કરેલો હતો. ટેમ્પામાં એચપીએસ ગેસ લખેલા સિલિન્ડરો ભરેલા હતા. પોલીસની ટીમે જિતેન્દ્રભાઈના ઘરની તપાસ કરી હતી પરંતુ સર્ચમાં કઈ મળી આવ્યું ન હતું.

જેથી પોલીસની નજર પાર્ક કરેલા ટેમ્પામાં રહેલા 29 નંગ ગેસ સિલિન્ડર પર પડી હતી. જેથી તપાસ કરતા 24 સિલિન્ડરો નીચેના ભાગની કાપેલા હતા. જેની અંદેર વિદેશી દારૂની બોટલો ભરેલી હતી. જેથી પોલીસે એક એક કરીને તમામ સિલિન્ડર ખોલીને દારૂની બોટલા કાઢી ગણતરી કરતા 1.51 લાખની કિંમત 1632 જેટલી વિદેશી દારૂની બોટલો મળી આવતા પોલીસની આંખો પણ પહોળી થઈ ગઈ હતી.

મીડિયા રિપોર્ટ અનુસાર પોલીસને મળેલી બાતમીન મુજબ મિહિર મુકેશભાઈ પરમારે આ ટેમ્પોમાં ગેસના સિલિન્ડરો કાપીને વિદેશી દારૂનો જથ્થો ભરી ટેમ્પો પોતાના મામ જિતેન્દ્રભાઈના ઘરની બહાર પાર્ક કરી ગયો હતો. પોલીસે મેહુલ પરમારને વોન્ટેડ જાહેર કરી તેમજ ટેમ્પા સહિતનો મુદ્દામાલ કબજે કરીને કાયદેસરની કાર્યવાહી શરૂ કરી છે. નોંધનીય છે કે, પોલીસ સાથે મળીને બૂટલેગરો ડ્રાય સ્ટેટ ગુજરાતમાં બેફામ રીતે દારૂનો ધંધો કરી રહ્યા છે. જેમાં સાયલા દારૂકાંડનો પણ સમાવેશ થાય છે.

Source link