ફ્લાઈટમાં મંત્રી સ્મૃતિ ઈરાનીને પેટ્રોલ અને ગેસની કિંમતોને લઈ કર્યાં સવાલ, રકઝકનો વિડીયો વાયરલ!

 

Smriti Irani Face Off With Congress Leader in FLight: પાંચ રાજ્યોમાં વિધાનસભા ચૂંટણી બાદ રસોઈ ગેસ સિલિન્ડરની સાથે પેટ્રોલ અને ડીઝલની કિંમતોમાં ધરખમ વધારો કરવામાં આવ્યો છે. જેના કારણે મોંઘવારી વધતાં લોકોની કમત તૂટી ગઈ છે. પેટ્રોલ-ડીઝલની વધતી કિંમતોને લઈ વિપક્ષ પર સરકારને ઘેરવાનો પ્રયાસ કરી રહી છે. આ વચ્ચે જ કોંગ્રેસ નેતા નેટ્ટા ડિસૂઝા અને કેન્દ્રીય મંત્રી સ્મૃતિ ઈરાની વચ્ચે બોલાચાલીનો એક વિડીયો વાયરલ થઈ રહ્યો છે. પ્લેનમાં મુસાફરી કર્યાં બાદ નીચે ઉતરતાં સમયે કોંગ્રેસ નેતા સ્મૃતિ ઈરાનીને પેટ્રોલ અને ડીઝલ તેમજ ગેસ સિલિન્ડરની વધતી કિંમતો અંગે સવાલો પૂછે છે. જે મામલે સ્મૃતિ ઈરાની પણ પોતાના ફોનમાં રેકોર્ડિંગ શરૂ કરી દે છે અને કોંગ્રેસ નેતા જૂઠ ફેલાવી રહ્યા હોવાનો આરોપ લગાવે છે.

આ સમગ્ર ઘટના દિલ્હી-ગુવાહાટી ફ્લાઈટ દરમિયાનની છે. આ વિડીયોને કોંગ્રેસ નેતા નેટ્ટા ડિસૂઝાએ ટ્વિટર પર શેર કર્યો છે. ગુવાહાટી જતાં સમયે કોંગ્રેસ નેતાનો સામનો સ્મૃતિ ઈરાની સાથે થઈ ગયો હતો. આ દરમિયાન ડિસૂઝાએ ઈરાનીને રસોઈ ગેસની વધતી કિંમતોનો મુદ્દો ઉઠાવ્યો હતો. જો કે, જવાબ આપવાને બદલે ઈરાનીએ ડિસૂઝાને કહ્યું કે, લોકોને ઉતરવા માટે રસ્તો આપો.

ડિસૂઝાએ આ વિડીયોને શેર કરતાં લખતાં છે કે, ગુવાહાટીની ફ્લાઈટમાં સ્મૃતિ ઈરાનીજી સાથે સામનો થયો. રસોઈ ગેસની સતત વધતી કિંમતો પર તેમનો જવાબ સાંભળો. મોંઘવારીનું ઠીકરું તે કઈ-કઈ વસ્તુઓ પર ફોડી રહ્યા છે! જનતા સવાલ પૂછે, સ્મૃતિજી ટાળી દે! વિડીયોને અંશોમાં જરૂર જૂઓ, મોદી સરકારની સચ્ચાઈ!

ડિસૂઝાએ એમ પણ લખ્યું કે, જ્યારે તેઓએ મંત્રીને એલપીજીની વધતી કિંમતો અંગે પૂછ્યું તો, તેઓએ તેનું ઠીકરું વેક્સિન, રાશન અને એટલે સુધી કે ગરીબો ઉપર ફોડી દીધું. આ ઉપરાંત વિડીયોમાં જોઈ શકાઈ છે કે, સ્મૃતિ ઈરાનીએ એમ પણ કહ્યું કે, ડિસૂઝા ખોટું બલી રહ્યા છે. જો કે, પ્લેનમાંથી નીચે ઉતર્યાં બાદ ઈરાનીએ પણ પોતાના મોબાઈલ ફોનમાં રેકોર્ડિંગ શરૂ કરી દીધું હતું અને બંને નેતાઓ વચ્ચે રકઝક થતાં અન્ય પેસેન્જરો પણ તમાશો જોવામાં ભારે તલ્લીન થઈ ગયા હતા.

Source link