ફેફસાને દુરસ્ત કરી ન્યૂમોનિયા જેવી જીવલેણ બીમારીને દૂર રાખશે આયુર્વેદિક ડોક્ટરે જણાવેલા ઉપાય

World Pneumonia Day 2022: પ્રતિ વર્ષ 12 નવેમ્બરના રોજ ન્યૂમોનિયા દિવસ (World Pneumonia Day) તરીકે ઉજવવામાં આવે છે. પ્રતિ વર્ષ લાખો બાળકો ન્યૂમોનિયાના કારણે જીવ ગુમાવે છે. ભવિષ્યને બચાવવા માટે ન્યૂમોનિયા ઇન્ફેક્શનને જડથી દૂર કરવું ખૂબ જ જરૂરી છે. આ માટે આયુર્વેદમાં કેટલાંક અસરદાર ઉપાયો દર્શાવવામાં આવ્યા છે.

ન્યૂમોનિયા એક ઇન્ફેક્શન એટલે કે, સંક્રમણથી થતી બીમારી છે જે બેક્ટેરિયા અને વાયરસના કારણે થાય છે. આ ઇન્ફેક્શનના કારણે ફેફસાના એક સૅફ (એક પ્રકારની કોથળી જેમાં શ્વાસ એકઠો થાય છે)માં પાણી અને પરૂ ભરાઇ જાય છે. ન્યૂમોનિયા સૌથી વધારે નાના બાળકો અને નવજાતને થતો હોય છે. જો કે, તે અન્ય કોઇ પણ ઉંમરના વ્યક્તિને પણ થઇ શકે છે.

અહીં કે.જે સોમૈયા હોસ્પિટલ એન્ડ રિસર્ચ સેન્ટર (K J Somaiya hospital & Research centre)ના ડોક્ટર સ્વપ્ના સાવંત કદમે (Dr. Swapna Sawant Kadam) ન્યૂમોનિયા વિશે આયુર્વેદિક ઉપચાર અંગે માહિતી આપી છે. ડોક્ટર અનુસાર, આયુર્વેદમાં ન્યૂમોનિયા ઇન્ફેક્શનને શ્વસનક જવર કહેવામાં આવે છે, જેમાં તાવ, છાતીમાં દુઃખાવો, ગંભીર ખાંસી, ગળફાવાળી ખાંસી અને શ્વાસ ફૂલવાના લક્ષણો (Pneumonia symptoms) જોવા મળે છે.

(તસવીરોઃ પિક્સાબે.કોમ, ફ્રિપિક.કોમ)

​ન્યૂમોનિયાનો આયુર્વેદિક ઇલાજ

આયુર્વેદમાં ન્યૂમોનિયાનો ઇલાજ (pneumonia ayurvedic treatment) બે પ્રકારે કરી શકાય છે જેમાં લંઘન અને વમન સામેલ છે. શરીરના જોખમી અને જીવલેણ ટોક્સિન (અમા) દૂર કરવા માટે લંઘન સૌથી પહેલો આયુર્વેદિક ઉપાય છે. જેમાં તમારે દિવસ દરમિયાન ઉપવાસ રાખવાનો હોય છે. બીજો ઇલાજ વમન જે આયુર્વેદના પંચકર્મોમાંથી એક છે. જે કફ અને પિત્ત જેવા વિષાક્ત પદાર્થો દૂર કરે છે અને છાતી તેમ જ નાડીમાંથી અમા દૂર કરે છે. ખાંસી, તાવ, અસ્થમા, ફેફસાના રોગોમાં વમન ખૂબ જ ફાયદાકારક હોય છે.

​ફેફસામાં જમા પરૂ અને પાણી કરો દૂર

આયુર્વેદિક ડોક્ટર અનુસાર, કેટલાંક ખાદ્ય પદાર્થોથી તમે ન્યૂમોનિયા (foods to treat pneumonia)ના કારણે ફેફસામાં જમા પરુ અને પાણીને દૂર કરી શકાય છે. તેમાં આમળા, ગિલોય (ગડૂચી), કુટઝ અને વાસા સામેલ છે.

  • આમળાઃ ઇમ્યૂનિટી વધારવાના ગુણ ધરાવતા આમળા એનિમિયા, અસ્થમા, ડાયાબિટીસ, શરદી અને લાંબા સમયથી થયેલી ફેફસાની બીમારીથી બચાવે છે.
  • કુટઝઃ તેમાં એન્સ્ટ્રિજેન્ટ અને એન્ટી-બેક્ટેરિયલ ગુણ હોય છે, જેનો ઉપયોગ ડાયરિયા અને ન્યૂમોનિયાના ઇલાજમાં કરવામાં આવે છે.
  • ગિલોયઃ આ એક જાણીતી ઔષધિ છે જે શરીરની રોગ-પ્રતિકારક ક્ષમતાને વધારે છે. તેના એન્ટી-ઇન્ફ્લેમેન્ટરી ગુણ ન્યૂમોનિયાને ખતમ કરી દે છે.
  • વાસાઃ આયુર્વેદમાં અસ્થમા, ફ્લૂ, કફ અને શ્વસનતંત્રની બીમારીને દૂર કરવામાં વાસા ખૂબ જ ઉપયોગી છે.

​તુલસીની ચા

તુલસી તેના એન્ટી-બેક્ટેરિયલ અને એન્ટી-ઇન્ફ્લેમેન્ટરી ગુણો માટે જાણીતી છે. તેમાં મોજૂદ એસેન્શિયલ ઓઇલ ફેફસાને ખોલીને તેની ગંદકી દૂર કરવામાં મદદ કરે છે. આયુર્વેદિક ડોક્ટર ન્યૂમોનિયાના ખાંસી, શરદી જેવા લક્ષણોને દૂર કરવા માટે પ્રતિ-દિન 2-3 વખત તુલસીની ચા પીવાની સલાહ આપે છે.

  • તુલસીના 20થી વધુ ફ્રેશ પાન, 1 ઇંચ તજ, 3 કાળા મરી લો
  • આ સામગ્રીને પાણીમાં નાખીને 10 મિનિટ સુધી ઉકાળો
  • હવે આ મિશ્રણને સ્હેજ ઠંડુ થયા બાદ હળવું ગરમ હોય ત્યારે પી લો
  • તમે સ્વાદ માટે તેમાં ગોળ પણ મિક્સ કરી શકો છો.

​આદુનું પાણી

આદુનું પાણી ન્યૂમોનિયા ઇન્ફેક્શનનો રામબાણ ઇલાજ છે. તમે દિવસમાં અનેકવાર આદુનું પાણી પી શકો છો. તેનાથી છાતીમાં જડતા, ગળફા કે શ્વાસ લેવામાં પરેશાની જેવી મુશ્કેલીઓ દૂર થાય છે.

​ઘરે બનાવો ન્યૂમોનિયાની ગોળી

ન્યૂમોનિયાને ઠીક કરવા માટે તમે ઘરે જ આયુર્વેદિક ગોળી બનાવી શકો છો. જો કે, આયુર્વેદિક ડોક્ટર આ દવાને એક્સપર્ટની સલાહ બાદ જ લેવાનું સુચન કરે છે. તમે એક ચતૃર્થાંશ ચમચી હળદર પાઉડર, તેટલી જ માત્રામાં મુલેઠી પાઉડરને મધ સાથે મિક્સ કરીને એક ગોળી બનાવી શકો છો. ન્યૂમોનિયાની આ આયુર્વેદિક દવા (ayurvedic tablet for pneumonia)ને દિવસમાં 3-6 વખત લઇ શકાય છે.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

Source link