ફિલ્મ ‘બાલા’ જેવી સ્ટોરી: વરરાજાના માથે ટાલ જોઈ દુલ્હને લગ્ન કરવાનો ઈનકાર કરી દીધો!

 

કાનપુર, ઉત્તરપ્રદેશ: કાનપુર (KANPUR) શહેરમાં એવી ચોંકાવનારી ઘટના સામે આવી છે કે જેમાં લગ્નના દિવસે વરરાજા (groom)ના માથે ટાલ (being bald) જોઈ દુલ્હને લગ્ન કરવાનો ઈનકાર (refused to marry) કરી દીધો. જેથી અજય કુમાર નામના આ વરરાજાને લગ્નના દિવસે લગ્ન કર્યા વિના જાન લઈને ઘરે પરત ફરવું પડ્યું હતું. લગ્નપ્રસંગે દુલ્હન (bride)ને લોકોએ ઘણી સમજાવી પણ તે જીદ પર અડી રહી, આખરે ભારે હ્રદયે વરરાજાને જાન લીલા તોરણે પાછી લઈ જવી પડી હતી.

મળતી માહિતી મુજબ, તારીખ 23 ફેબ્રુઆરીના દિવસે વરરાજા જાન લઈને લગ્ન કરવા માટે પહોંચ્યો હતો. વરમાળાની વિધિ પહેલા જ્યારે દુલ્હને જાણ્યું કે લગ્ન કરવા માટે આવેલા વરરાજાના માથે વિગ છે ત્યારે તેણે આ લગ્ન કરવા માટે ના પાડી દીધી. દુલ્હને કહ્યું કે માથે ટાલ ધરાવતા આ વરરાજા સાથે હું કોઈપણ સંજોગોમાં લગ્ન નહી કરું.

લગ્નપ્રસંગમાં જ્યારે આ દુલ્હને જોયું કે વરરાજાના માથા પર વાળ નથી અને તેણે વિગ પહેરી છે ત્યારે તે બેભાન થઈને સ્ટેજ ઉપર ઢળી પડી. જ્યારે દુલ્હનને ભાન આવ્યું ત્યારે તેણે વરરાજા સાથે લગ્ન કરવાની ના પાડી દીધી. ત્યાં હાજર સંબંધીઓએ દુલ્હનને સમજાવી કે ભલે વરરાજાના માથે ટાલ હોય પણ તું લગ્ન કરી લે. પરંતુ, માથે વિગ પહેરીને મંડપમાં આવેલા વરરાજા સાથે દુલ્હને લગ્ન કરવાની સ્પષ્ટ શબ્દોમાં ના પાડી દીધી. ત્યાં હાજર મહેમાનોના જણાવ્યા મુજબ, વરરાજાના માથે ટાલ જોઈ દુલ્હને લગ્ન કરવાનો ઈનકાર કરી દીધો હતો.

કન્યાપક્ષે આરોપ લગાવ્યો કે વરપક્ષે છેતરપિંડી કરી છે. ત્યારબાદ વરરાજા અને તેનો પરિવાર ગેસ્ટહાઉસ છોડીને પોતાના ઘરે પરત ફર્યો. ત્યારબાદ બંને પક્ષે સામસામે પોલીસ ફરિયાદ દાખલ કરી હોવાનું જાણવા મળી રહ્યું છે. જેમાં કન્યાપક્ષે એવા આરોપ લગાવ્યા કે વરપક્ષે અમારી સાથે છેતરપિંડી કરી છે. પોલીસે જણાવ્યું કે, જ્યારે દુલ્હનને એવું જાણવા મળ્યું કે વરરાજાએ વિગ પહેરી છે કારણકે તેના માથે ટાલ છે ત્યારે દુલ્હને લગ્ન કરવાની ના પાડી દીધી હતી. બાદમાં બંને પક્ષે ફરિયાદ પરત ખેંચતા આ મુદ્દો પોતાના સ્તરે ઉકેલ્યો હોવાનું જાણવા મળે છે.

Source link