પોતાના માટે માત્ર 10 મિનિટનો સમય કાઢીને ઉંમર કરતાં દેખાશો 16 વર્ષ નાના, ડોક્ટરની ટિપ્સ

Doctor’s Tips on Anti-Aging: દરેક વ્યક્તિની ઇચ્છા હોય છે કે, તેનો લૂક હંમેશા યુવાન દેખાય, નાની ઉંમરનો દોર એવો હોય છે જેમાં તમે સંપુર્ણ રીતે ફિટ અને હેલ્ધી રહો છો. પરંતુ આજકાલ અનહેલ્ધી લાઇફસ્ટાઇલ, તણાવના કારણે એજિંગની નિશાનીઓ ઉંમર પહેલાં જ દેખાવા લાગે છે. આ સિવાય લગભગ દરેક વ્યક્તિને નાની-મોટી બીમારીઓ પરેશાન કરતી જ રહે છે.

હંમેશા યુવાન અને હેલ્ધી રહેવા માટે તમારે દિવસમાંથી માત્ર 10 જ મિનિટનો સમય કાઢવાનો છે. એન્ટી-એજિંગને લગતી ખાસ ટિપ્સ આપતા ડોક્ટર વરાલક્ષ્મીએ (Dr. Vara Yanamandra, Ayurvedic Doctor) ખૂબ જ સરળ પણ અસરદાર માહિતી શૅર કરી છે.

વૃદ્ધત્વ ઉંમરનો એક પડાવ છે, જ્યારે શારિરીક કોશિકાઓનું કામ અને ઉત્પાદન મંદ પડી જાય છે. જેના કારણે શરીરની તાકાત ઘટવા લાગે છે, ચહેરા પર કરચલીઓ અને એજિંગ સાઇન્સ દેખાવા લાગે છે. આ સિવાય વાળ સફેદ થઇ જાય છે. આ ઉપરાંત શરીરમાં ડાયાબિટીસ, હાઇબીપી, કોલેસ્ટ્રોલ જેવી અનેક બીમારીઓ પણ ઘર કરી લે છે. વર્લ્ડ હેલ્થ ઓર્ગેનાઇઝેશન (WHO) અનુસાર, કોશિકાઓની આ હાલત પાછળ સમયની સાથે થતાં મોલેક્યૂલર અને સેલ્યુલર ડેમેજ જવાબદાર હોય છે.

(તસવીરોઃ પિક્સાબે.કોમ, ફ્રિપિક.કોમ)

​16 વર્ષ સુધી યુવાન રહેવાની રીત

16-

આયુર્વેદિક ડોક્ટરે એક રિસર્ચને ટાંકી જણાવ્યું કે, પ્રતિ દિન માત્ર 10 દિવસ ઝડપથી ચાલવાથી એજિંગ સાઇન્સને 16 વર્ષ સુધી રિવર્સ કરી શકાય છે. ચાલો જાણીએ, વૉકિંગ એક્સરસાઇઝ (Anti Aging Exercise) વૃદ્ધત્વને દૂર રાખવામાં કેવી રીતે મદદ કરે છે.

​શું કહે છે સ્ટડી?

કોમ્યૂનિકેશન બાયોલોજી (Communications Biology) પર પ્રકાશિત એક સ્ટડી અનુસાર, 4 લાખ લોકો પર એક રિસર્ચ હાથ ધરવામાં આવ્યું હતું. જેમાં ધીમી ગતિથી ચાલતા લોકોની સરખામણીએ અંશતઃ ઝડપી અથવા રનિંગ એક્સરસાઇઝ કરતા લોકોમાં બાયોલોજીકલ એજ (Biological Age)ને તેમની ઓરિજિનલ ઉંમરથી 16 વર્ષ ઓછી જોવા મળી. ડોક્ટર વરાલક્ષ્મીએ કહ્યું કે, અધ્યયનમાં ઝડપથી ચાલતા લોકોમાં લ્યૂકોસાઇટ્સ સેલ્સના ટેલોમેયરની લંબાઇ વધારે જોવા મળી.

આયુર્વેદિક ડોક્ટરે જણાવ્યા રિસર્ચ આધારિત ફાયદાઓ

​બાયોલોજીકલ એજ શું હોય છે?

જે આપણાં જન્મ આધારિત ચાલતી હોય છે તે ક્રોનોલોજીકલ એજ (Chronological Age) હોય છે. જ્યારે શરીરના સેલ્સ અને ટિશ્યૂની ઉંમરને બાયોલોજીકલ એજ કહેવામાં આવે છે. તે ઉંમર, વાતાવરણ અને અન્ય કારકોથી થતી ક્ષતિથી વધતી રહે છે. જ્યારે આ ઉંમર ક્રોનોલોજીકલ એજથી વધારે હોય છે, ત્યારે નાની ઉંમરમાં જ વૃદ્ધત્વના લક્ષણો દેખાવા લાગે છે.

​ટેલોમેયર શું હોય છે?

ટેલોમેયર આપણાં ડીએનએનો અંતિમ ભાગ હોય છે, જે ઉંમર અને વાતાવરણીય તણાવના કારણે પ્રભાવિત થાય છે. ટેલોમેયરની લંબાઇને પ્રાકૃતિક વૃદ્ધત્વ અને આનુવંશિક અસ્થિરતાનું કારક ગણવામાં આવે છે.

​ઝડપથી ચાલવાના અન્ય ફાયદાઓ

  • ધુમ્રપાનની ઇચ્છા ના થવી
  • કોલેસ્ટ્રોલ અને હાઇ બીપીની દવાઓથી છૂટકારો
  • લાંબી એટલે કે ક્રોનિક ડિઝિઝનું જોખમ ઓછું
  • શારિરીક ગતિશીલતામાં વધારો

નોંધઃ આ લેખ માત્ર તમારી જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

એક્સપર્ટે જણાવ્યા 7 Anti-Ageing Foods, જે કરચલીઓ રાખશે દૂર અને સ્કિન કરશે ગ્લો



Source link