પિતાનો જીવ બચાવવા લાલુ પ્રસાદની દીકરી કરશે અંગદાન, જાણો ઓપરેશન પ્રોસેસ અને ઓર્ગન ડોનેશન

Lalu Yadav Kidney Transplant News: આરજેડી વડા લાલુ પ્રસાદ યાદવ (RJD Supremo Lalu Prasad Yadav) માટે બીજી દીકરી રોહિણી આચાર્ય એક વરદાન બની ગઇ છે. લાંબા સમયથી કિડનીની બીમારીથી પીડિત લાલુ યાદવની દીકરી રોહિણી પિતાને પોતાની કિડનીનું દાન કરશે. જે માટે 74 વર્ષીય બિહારના પૂર્વ સીએમ લાલુ પ્રસાદ યાદવને સિંગાપોર લઇ જવામાં આવશે. ઉલ્લેખનીય છે કે, રોહિણી આચાર્યનું ઘર સિંગાપોરમાં જ છે, જ્યાં તે પતિ સાથે રહે છે. મીડિયા રિપોર્ટ્સ અનુસાર, આ મહિને લાલુ યાદવની કિડની ટ્રાન્સપ્લાન્ટ કરવામાં આવશે.

બિહારના પૂર્વ મુખ્યમંત્રી લાલુ પ્રસાદ યાદવ (Lalu Yadav Health Problems) અનેક વર્ષોથી દિલ્હીની એઇમ્સમાં કિડનીની બીમારીનો ઇલાજ કરાવી રહ્યા છે, તેઓ ગત મહિને ઇલાજ માટે સિંગાપોર ગયા હતા, જ્યાં ડોક્ટર્સે તેઓને કિડની ટ્રાન્સપ્લાન્ટ કરાવવાની સલાહ આપી હતી. જો કે, ક્રોનિક કિડની ડિઝિઝ ઉપરાંત લાલુ યાદવને અન્ય બીમારીઓ પણ છે, જેના કારણે તેઓનું સ્વાસ્થ્ય ખરાબ રહે છે. TOI અનુસાર, લાલુ પ્રસાદ યાદવને ડાયાબિટીસ, હાઇ બ્લડપ્રેશર અને હૃદયની બીમારી પણ છે. આ સિવાય જુલાઇમાં ઘરે પડી જવાના કારણે તેઓને હાડકાંમાં પણ ફ્રેક્ચર થઇ ગયું હતું.

(તસવીરોઃ પિક્સાબે.કોમ, ફ્રિપિક.કોમ)

​કિડની ટ્રાન્સપ્લાન્ટની જરૂર

નેશનલ હેલ્થ સર્વિસ (National Health Service) અનુસાર, કિડનીનું મુખ્ય કાર્ય છે લોહીમાં ભળેલા ગંદા પદાર્થોને યૂરિન દ્વારા બહાર ફેંકવાનું, જ્યારે બંને કિડની આ ગંદકીને દૂર કરવાની ક્ષમતા ગુમાવે છે તો શરીરમાં ગંદા પદાર્થો સતત જમા થતા રહે છે, જે જીવલેણ પણ સાબિત થઇ શકે છે. કિડનીની કાર્યક્ષમતા ગુમાવવાને એન્ડ-સ્ટેજ ક્રોનિક કિડની ડિઝિઝ પણ કહવેામાં આવે છે. આ સમયે ડોક્ટર કિડની ટ્રાન્સપ્લાન્ટેશન (kidney transplantation) કરવાની સલાહ આપે છે.

​કિડની ટ્રાન્સપ્લાન્ટનો ખર્ચ

ભારતની જાણીતી હોસ્પિટલની વેબસાઇટ અનુસાર, ભારતમાં કિડની ટ્રાન્સપ્લાન્ટ કરાવવામાં 5થી 6 લાખ અંદાજિત ખર્ચ થાય છે, ત્યારબાદ આજીવન પ્રતિ મહિને 15 હજારની દવાઓનું પણ સેવન કરવું પડે છે.

દીકરી લાલુ પ્રસાદ યાદવને આપશે કિડની

​કિડની ટ્રાન્સપ્લાન્ટની તૈયારી

કિડની ટ્રાન્સપ્લાન્ટ કરતા પહેલાં દર્દીના સ્વાસ્થ્યનું સંપુર્ણ નિરિક્ષણ કરવામાં આવે છે, જેથી ટ્રાન્સપ્લાન્ટ બાદ કોઇ પણ પ્રકારના જોખમને ઘટાડી શકાય. ત્યારબાદ દર્દીને શારિરીક અને માનસિક રીતે તૈયાર કરવાાં આવે છે. JOHNS HOPKINS અનુસાર, કિડની ટ્રાન્સપ્લાન્ટની સર્જરી આ પ્રકારે કરવામાં આવે છે –

  • સર્જન અને તમામ ડોક્ટર્સ સૌપ્રથમ ડોનરની કિડનીનું નિરિક્ષણ કરીને જાણકારી મેળવે છે કે, તેમાં કોઇ મુશ્કેલી તો નથી.
  • હવે દર્દીને સર્જરી ટેબલ પર એનેસ્થેસિયા આપવામાં આવે છે અને હાથમાં એક આઇવી લાઇન (Intravenous Line) આપવામાં આવે છે.
  • આ સિવાય હૃદયનું કાર્ય, બ્લડપ્રેશર અને લોહીના સેમ્પલ માટે શરીરમાં એક પાતળી નળી નાખવામાં આવે છે.
  • સર્જિકલ સાઇટ પર દર્દીના શારિરીક વાળ દૂર કરવામાં આવે છે.
  • બ્લેડરમાં પણ એક નળી નાખવામાં આવે છે, આ સાથે મોંઢા દ્વારા ફેફસા સુધી એક ટ્યૂબ નાખવામાં આવે છે, જેથી સર્જરી દરમિયાન વેન્ટિલેટરના માધ્યમથી શ્વાસોશ્વાસ પ્રક્રિયા ચાલુ રાખી શકાય.
  • એનેસ્થેસિયોલોજીસ્ટ સર્જરી દરમિયાન સતત દર્દીના ધબકારા, બ્લડપ્રેશર, શ્વાસ અને બ્લડ ઓક્સિજન પર નજર રાખે છે.
  • હવે એન્ટીસેપ્ટિક સોલ્યૂશનથી સર્જિકલ સાઇટ સાફ કરવામાં આવે છે.

​કિડની ટ્રાન્સપ્લાન્ટનું ઓપરેશન

  • કિડની ટ્રાન્સપ્લાન્ટની તૈયારી બાદ ઓપરેશન શરૂ કરવામાં આવે છે અને સર્જન પેટની નીચેના ભાગમાં એક લાંબો ચીલો લગાવે છે.
  • હવે ડોનરની કિડનીને શરીરમાં ટ્રાન્સપ્લાન્ટ કરવામાં આવે છે, જો ડોનર તરફથી ડાબા પડખાની કિડની મળી છે તો તેને દર્દીની જમણી તરફ ટ્રાન્સપ્લાન્ટ કરવામાં આવે છે. આ જ પ્રકારે જમણા પડખાની કિડનીને દર્દીના ડાબા પડખામાં ટ્રાન્સપ્લાન્ટ કરવામાં આવે છે. જેથી યૂરેટર અને બ્લેડરની વચ્ચે સરળતાથી કનેક્શન કરી શકાય.
  • ડોનર કિડનીની રિનલ આર્ટરી અને વેન્સને એક્સટર્નલ ઇલિયાક આર્ટરી અને વેન્સ સાથે જોડવામાં આવે છે.
  • હવે એ જોવામાં આવે છે કે, આર્ટરી અને વેન્સના જોડાણ પર બ્લીડિંગ તો નથી થઇ રહ્યું.
  • આગળ ડોનર કિડનીના યૂરેટર દર્દીના બ્લેડર સાથે કનેક્ટ કરવામાં આવે છે.
  • આખરે ચીરા અને ટાંકાને સર્જિકલ સ્ટેપલની મદદથી બંધ કરવામાં આવે છે.

​કિડની ટ્રાન્સપ્લાન્ટ બાદ શું થાય છે?

કિડની ટ્રાન્સપ્લાન્ટ બાદ દર્દીને દવા અને થેરાપીની મદદથી સ્વસ્થ રાખવામાં આવે છે. સર્જરી બાદ કોઇ પણ પ્રકારનું જોખમ ના થાય તે માટે રૂટિન હેલ્થ ચેકઅપ કરવામાં આવે છે. વળી, દર્દીને એવા કોઇ પણ કામ અને આદતથી દૂર રહેવાની સલાહ આપવામાં આવે છે, જેનાથી કિડની પર પ્રેશર પડે.

​કેવા અને કેટલાં પ્રકારના ઓર્ગન થઇ શકે છે ટ્રાન્સપ્લાન્ટ?

ક્લિવલેન્ડ ક્લિનિક (Cleveland Clinic) અનુસાર, લિવર, કિડની, પેન્ક્રિયાઝ, હૃદય, ફેફસાં, આતરડાં, કોર્નિયા, મિડલ ઇયર, ત્વચા, હાડકાં, બોનમેરો, હાર્ટ વાલ્વ, કનેક્ટિવ ટિશ્યુ વગેરે ડોનેટ કરી શકાય છે અને આ ઓર્ગેનને ટ્રાન્સપ્લાન્ટ કરી શકાય છે.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

Source link