પત્નીની જાણકારી સાથે જ અન્ય સાથે સંબંધ, શું છે ઓપન રિલેશનશિપ? 4 કપલે શૅર કર્યા અનુભવો

Real-Life Open Relationship Couple: સામાન્ય રીતે રોમેન્ટિક રિલેશનશિપમાં લોકો ઇમોશન્સથી જોડાયેલા હોય છે, તેઓને જો સંબંધમાં દગો કે વિશ્વાસઘાત મળે તો કેટલાંક લોકોને ઠીક થવામાં વર્ષો લાગી જાય છે. બ્રેકઅપ બાદ તેઓ પોતાને દોષ આપવા લાગે છે. પરંતુ જો તમારો પાર્ટનર તમારી જાણકારી અને સહમતિ સાથે જ અન્ય વ્યક્તિ સાથે સંબંધમાં જોડાય તો? તમે તેને વિશ્વાસઘાત કહેશો? હકીકતમાં જે લોકો રોમેન્ટિક રિલેશનશિપમાં હોય તેઓની વચ્ચે આ પ્રકારનો સંબંધ હોય તે માનવું જરા મુશ્કેલ છે.

પરંતુ જે લોકો સંબંધમાં ફૂલ આઝાદી રાખીને પોતાના પાર્ટનરની સાથે આગળ વધવાનું વિચારે છે, તેઓની વચ્ચે ઘણીવાર ઓપન રિલેશનશિપવાળો કોન્સેપ્ટ જોવા મળે છે. આ પ્રકારના સંબંધણાં તમે પ્રેમી કે પ્રેમિકાને પ્રેમ કરતા હોવા છતાં અન્ય વ્યક્તિ સાથે પણ આ જ પ્રકારના સંબંધ બાંધી શકો છો. તમે એ બધુ જ કરવા માટે આઝાદ હોવ છો જે તમે સિંગલ હોવા દરમિયાન કરતા હતા.

આ સંબંધની શરત માત્ર એટલી છે કે, તમે એકબીજાંની સહમતિ અને જાણકારી સાથે અન્ય વ્યક્તિની નજીક જઇ શકો છો, તેઓની સાથે અંતરંગ સંબંધ બાંધી શકો છો પરંતુ તમારાં પાર્ટનર પ્રત્યે સંપુર્ણ ઇમાનદારી હોવી જોઇએ. આ વાત જરાક વિચિત્ર છે પરંતુ એક વ્યક્તિ સાથે સંબંધ હોવા છતાં પણ તમે બીજી વ્યક્તિ જોડે ઇમોશનલી અને ફિઝિકલી જોડાઇ શકો છો. આ સંપુર્ણપણે કપલની અન્ડરસ્ટેન્ડિંગ પર નિર્ભર કરે છે. આવું અમે નથી કહી રહ્યા, પરંતુ આ 4 લોકો છે જેઓએ રિયલ લાઇફમાં ઓપન રિલેશનશિપને લઇને પોતાના અનુભવો શૅર કર્યા છે.

(તસવીરોઃ પિક્સાબે.કોમ, ફ્રિપિક.કોમ) (તમામ તસવીરો સાંકેતિક છે, અમે યૂઝર્સ દ્વારા શૅર કરાવમાં આવેલી માહિતીને ગુપ્ત રાખીએ છીએ)

​પત્નીની જાણકારી સાથે અન્ય સાથે સંબંધ

લગ્નજીવનમાં સાથે રહેવા છતાં અમે બંને માનસિક અને ભાવનાત્મક રીતે એટલા અલગ થઇ ગયા હતા કે એકબીજાંનો તિરસ્કાર કરતા થઇ ગયા હતા. અમારી વચ્ચે અંતર વધતુ ગયું, પરંતુ જ્યારે મારું ધ્યાન અન્ય વ્યક્તિ તરફ ગયું તો અમે બંનેએ ચર્ચા વિચારણા બાદ લગ્નજીવનની ભાવનાત્મક જરૂરિયાતો પર ધ્યાન આપવાનું નક્કી કર્યુ, આ જ કારણોસર અમે મિત્રો બની ગયા અને એકબીજાંની જરૂરિયાતોને પણ સમજવા લાગ્યા.

​પ્રેમ નહીં પણ મિત્રતા

હું મારાં પતિ સાથે જરાય ખુશ નહતી, તેઓએ પણ મને પ્રેમ નહીં કરતા હોવાની કબૂલાત કરી હતી. આ જ કારણોસર અમે ઓપન રિલેશનશિપમાં આવી ગયા. જ્યારે અમે ફિઝિકલ જોડાવા માટે અન્ય કોઇ વ્યક્તિની નજીક ગયા તો અમારો સંબંધ અગાઉ કરતાં પણ વધારે ઇમાનદાર બની ગયો. અન્ય વ્યક્તિ સાથે અંતરંગ સંબંધ હોવા છતાં અમે પતિ-પત્ની તરીકે એકબીજાં સાથે ભાવનાત્મક રીતે જોડાયેલા છીએ. નવાઇની વાત તો એ છે કે, એક ઓપન રિલેશનશિપમાં આવ્યા બાદ અમારાં સંબંધને વધારે ફાયદો થયો છે.

​એકબીજાંને પ્રાથમિકતા આપવામાં મદદ

જ્યારે અમે પતિ-પત્ની હોવા છતાં ઓપન રિલેશનશિપમાં આવ્યા તો અમે એકબીજાંને પહેલાં કરતાં વધારે પ્રેમ આપતા થયા. કારણ કે, ઘરની બહાર પણ અમારી શારિરીક અને માનસિક જરૂરિયાતો પૂર્ણ થતી હતી. અમે બંને પહેલાં કરતાં વધારે ખુશ રહેવા લાગ્યા અને એકબીજાંને પ્રાથમિકતા આપવામાં પણ મદદ મળી.

​ગર્લફ્રેન્ડ પણ ખુશ છે

ઘણા લોકોને આ વાત અજીબ લાગી શકે છે, પરંતુ જ્યારે તમે એક લોન્ગ ડિસ્ટન્સ રિલેશનશિપમાં હોવા તો ઓપન રિલેશનશિપમાં રહેવું કોઇ ખરાબ બાબત નથી. કારણ કે, અમે બંને શારિરીક સ્પર્શ વગર પણ એકબીજાંને સમજી શકીએ છીએ. હું મારી ગર્લફ્રેન્ડ સાથે ઓપન રિલેશનશિપમાં હોવા છતાં અમે બંને એકબીજાંની ભાવનાત્મક અને માનસિક ઉપસ્થિતિને સમજી રહ્યા છીએ.

Source link