પગ અને નખમાં આ નિશાનીઓ છે હૃદય માટે જોખમી, જાણો એક્સપર્ટની સલાહ

 

LDL Cholesterol:પગ અને નખમાં આ નિશાનીઓ માનવ શરીરમાં કોલેસ્ટ્રોલ જરૂરી છે, આ લોહીમાં જોવા મળતું એક વેક્સ જેવું ચીકણું પદાર્થ છે જે હેલ્ધી સેલ્સ તૈયાર કરવા માટે ઉપયોગી હોય છે. જો કે, હાઇ કોલેસ્ટ્રોલના કારણે તમારાં લોહીમાં ફેટનું પ્રમાણ વધી જાય છે. આ ફેટ ડિપોઝીટ અચાનક જ તૂટી જાય છે અને ક્લોટમાં (clot) ફેરવાઇ જાય છે જેનાથી હાર્ટ અટેક અને સ્ટ્રોકના હુમલાઓ આવે છે. જો આ સ્વાસ્થ્ય સંબંધી મુશ્કેલીઓથી તમારે બચવું હોય તો કોલેસ્ટ્રોલ લેવલને રેડ ઝોનમાં આવતા અટકાવો.

અહીં જાણો, રિસર્ચ અને ડોક્ટર્સ હાઇ-કોલેસ્ટ્રોલ લેવલ અંગે શું કહે છે. કેવા પ્રકારના ડ્રિંક્સથી તમે કોલેસ્ટ્રોલ અને અન્ય ગંભીર બીમારીઓથી બચી શકશો અને ક્યા પ્રકારની એક્સરસાઇઝ તમારાં કોલેસ્ટ્રોલ લેવલને કંટ્રોલમાં રાખશે.

(સૌજન્ય અને તસવીરોઃ ટાઇમ્સ ઓફ ઇન્ડિયા)

​રેગ્યુલર બ્લડ ટેસ્ટ

તમામ પ્રકારના કોલેસ્ટ્રોલ તમારાં શરીર માટે હાનિકારક નથી હોતા, માત્ર લૉ-ડેન્સિટી લિપોપ્રોટિન (low-density lipoprotein-LDL) કોલેસ્ટ્રોલ શરીર માટે નુકસાનકારક છે અને તેનાથી સ્વાસ્થ્યને ગંભીર નુકસાન થઇ શકે છે. તેથી તમારાં કોલેસ્ટ્રોલ લેવલ વિશે પુરતી માહિતી રાખો અને રેગ્યુલર બ્લડ ટેસ્ટ કરાવો.

​વારસાગત અથવા અનહેલ્ધી લાઇફસ્ટાઇલ

શરીરમાં કોલેસ્ટ્રોલનું પ્રમાણ વધવાના ઘણાં કારણો છે, જેમાંથી મુખ્ય છે વારસાગત અને અનહેલ્ધી લાઇફસ્ટાઇલ. જો બર્થ લાઇનમાં કોલેસ્ટ્રોલ લેવલ હાઇ હોય તો તમારાં પર આ જોખમ તોળાય છે. બીજું તમાકુંનું સેવન, એક્સરસાઇઝ નહીં કરવી અથવા મેદસ્વિતાના કારણે પણ કોલેસ્ટ્રોલ વધે છે. હેલ્ધી ડાયટ, રેગ્યુલર એક્સરસાઇઝ અને ડોક્ટરની સલાહ મુજબ દવાઓથી પણ કોલેસ્ટ્રોલનું પ્રમાણ ઘટાડી શકાય છે. વૉકિંગ એક્સરસાઇઝ હાર્ટને લગતી તકલીફોથી બચવા માટે બેસ્ટ છે. આ સિવાય આગળની સ્લાઇડમાં જાણો, તમે ડાયેટમાં કઇ કઇ વસ્તુઓ ઉમેરી શકો છો.

આ પ્રકારની હેલ્ધ કન્ડિશન તમને ઝડપથી વોર્નિંગ સાઇન્સ નથી આપતી, જેથી ઘણીવાર વ્યક્તિને પોતાના કોલેસ્ટ્રોલ લેવલ વિશે જાણકારી નથી હોતી. તેથી જ રેગ્યુલર બ્લડ ટેસ્ટ કરાવવો જરૂરી છે. આ સિવાય શરીરમાં કેટલાંક ફેરફાર છે જેનાથી તમે એલર્ટ રહી શકો છો.

​પગ અને તળિયા સુન્ન થઇ જવા

જો તમારાં પગ કે પગના તળિયા વારંવાર સુન્ન થઇ જતા હોય તો આ સિગ્નલ છે કે તમારી ધમનીઓ અને અન્ય લોહી નળીઓમાં પ્લાકનો (plaque formation) જમાવ થઇ રહ્યો છે. બ્લ ફ્લૉ ધીમો પડવાના કારણે તમારાં હાથ અને પગ સુધી ઓક્સિજન-રિચ બ્લડ (oxygen-rich blood) પહોંચી શકતું જેના કારણે તમને હાથ-પગમાં દુઃખાવો થાય છે, વારંવાર પગ સુન્ન થઇ જાય છે.

અન્ય સાઇન્સ અને લક્ષણોમાં તમારાં પગ અને તળિયામાં ખેંચાણ થવું, છાલા પડી જવા જે ઉપચાર બાદ પણ ઠીક ના થતા હોય, પગ અને તળિયા ઠંડા પડી જતા હોય.

​સ્ટ્રોક અને હાર્ટ અટેક

બીજી સિગ્નલ છે તમને સ્ટ્રોક અથવા હૃદય રોગનો હુમલો આવે, ધમનીઓમાં જે પ્લાક જમા થયું હોય તેના કારણે હૃદયની નળીઓ બ્લોક થઇ જાય છે. આ બ્લોક ધમનીઓ તમારાં દિમાગ સુધી લોહીને પહોંચવા નથી દેતી અને પરિણામે સ્ટ્રોક આવે છે. ઘણાં લોકોને તેમના હાઇ-કોલેસ્ટ્રોલ વિશે જાણકારી ત્યાં સુધી નથી મળતી જ્યાં સુધી તેઓને આવા જીવલેણ હુમલાઓ નથી આવતા. ન્યૂ યેલ સ્ટડી (Yale-led study) અનુસાર, સ્ત્રીઓમાં હાઇ કોલેસ્ટ્રોલના કારણે અક્યૂટ મ્યોકાર્ડિયલ ઇફ્રેક્શન (myocardial infarction – AMI)નું જોખમ ઉભું થાય છે.

​હેલ્ધી ડાયેટને વળગ્યા રહો

સેચ્યુરેટેડ ફેટ (Saturated fats), ટ્રાન્સ ફેટ (trans fats) અને ડાયેટરી કોલેસ્ટ્રોલ (dietary cholesterol) તમારાં કોલેસ્ટ્રોલ લેવલને વધારે છે. તેથી તમારાં ફૂડમાં નટ્સ અને ઓલિવ ઓઇલનો સમાવેશ કરો. ફિશ અને કેનોલા ઓઇલ પોલિઅનસેચ્યૂરેટેડ ફેટવાળા હોય છે, પાણીમાં દ્વાવ્ય ફાઇબર જેમ કે, ઓટ્સ, બીન્સ અને મસૂરને તમારાં ભોજનમાં સામેલ કરો.

​દર પાંચ વર્ષે ચેકઅપ

કોલેસ્ટ્રોલથી બચવાના ઉપાયમાં તમારે હૃદય માટે ઉપયોગી અને જરૂરી ડાયેટ અપનાવવું જોઇએ. Johns Hopkins Ciccarone Centerના કાર્ડિયોલોજિસ્ટ માઇકલ બ્લાહા (Michael Blaha, M.D., M.P.H)એ ડાયેટ અને હૃદયના સ્વાસ્થ્ય માટે જરૂરી કેટલીક ખાસ બાબતો પર ધ્યાન રાખવાની સલાહ આપી છે.

જે લોકોની ઉંમર 20થી વધુ હોય તેઓએ કોલેસ્ટ્રોલ લેવલની ચકાસણી દર પાંચ વર્ષે કરાવવી જોઇએ. આનાથી તમારાં ડોક્ટર અને તમને જાણકારી રહેશે અને વધતા કોલેસ્ટ્રોલ લેવલને તાત્કાલિક કંટ્રોલમાં લાવી શકાશે.

નોંધઃ આ લેખ સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરની સલાહ લો.

 

Source link