ન્યૂયોર્કના XBB.1.5નો ગુજરાતમાં પ્રથમ કેસ, વર્ષ દરમિયાન ભારતમાં આટલા કોવિડ વેરિએન્ટ્સનો કહેર

XBB and Omicron BF7 Coronavirus Strain in India: ન્યૂયર પાર્ટી સેલિબ્રેશન વચ્ચે કોવિડના વધતા કેસ રાજ્ય અને કેન્દ્ર સરકાર માટે માથાનો દુઃખાવો બની રહ્યા છે. હેલ્થ મિનિસ્ટ્રીએ જાહેર કરેલા નવા આંકડાઓ અનુસાર, 30 ડિસેમ્બરના રોજ કોવિડના 243 નવા કેસ સામે આવ્યા છે. છેલ્લાં 24 કલાકમાં કુલ 81,907 વેક્સિન ડોઝ આપવામાં આવ્યા છે.

હેલ્થ મિનિસ્ટ્રી દ્વારા નવેમ્બરમાં શરૂ કરવામાં આવેલી ફોરમ INSACOG જે હાલ નવા વેરિએન્ટ્સ, સબ વેરિએન્ટ્સ અને તેના લક્ષણોમાં બદલાવ ઉપરાંત જીનોમ સિક્વિન્સિંગ (genome sequencing of coronavirus) કરી રહી છે, તેના રિસર્ચ મુજબ ભારતમાં સૌથી વધુ કેસ XBB વેરિએન્ટ્સના કારણે જોવા મળી રહ્યા છે. XBB અને તેના સબવેરિએન્ટ્સના કારણે ભારતમાં કોવિડ કેસમાં 56 ટકાનો વધારો થયો છે.

(સૌજન્યઃ ટાઇમ્સ ઓફ ઇન્ડિયા) (તસવીરોઃ પિક્સાબે.કોમ, ફ્રિપિક.કોમ)

​XBB.1.5નો ગુજરાતમાં પ્રથમ કેસ

XBB-1-5-

ન્યૂયોર્કમાં ઓમિક્રોનના સબ-વેરિએન્ટ XBB.1.5નો ફેલાવો થઈ રહ્યો છે. યુએસમાં લગભગ 40 ટકા કેસ આ વેરિએન્ટના છે. હવે INSACOGના ડેટા પ્રમાણે, ઓમિક્રોનના વેરિએન્ટ XBB.1.5નો ભારતનો સૌપ્રથમ કેસ ગુજરાતમાં ડિસેમ્બર મહિનામાં નોંધાયો છે. હવે ગુજરાતમાંથી મહારાષ્ટ્રમાં આ વેરિએન્ટનો ફેલાવો ના થાય તે માટે આરોગ્ય વિભાગ સતર્ક થયું છે.

​XBB-COVIDના લક્ષણો

XBB-COVID-

રિસર્ચ સેન્ટરના ડેટા અનુસાર, એક્સબીબીના કોઇ ચોક્કસ લક્ષણો નથી, આ વેરિએન્ટના લક્ષણો અગાઉના વેરિએન્ટ્સને મળતા આવે છે. INSACOGના ઓફિશિયલ સ્ટેટમેન્ટ અનુસાર, એક્સબીબીનો પ્રથમ કેસ સિંગાપોરમાં જોવા મળ્યો હતો, તે સમયથી જ તેના મૂળ અને બદલાતા લક્ષણો પર નજર રાખવામાં આવી રહી છે. ભારતના દર્દીઓમાં આ વેરિએન્ટના લક્ષણો એટલાં ગંભીર નથી. હાલમાં તેના લક્ષણોમાં નાક વહેવું, ગળામાં ખરાશ, તાવ અને માથાનો દુઃખાવો જેવા લક્ષણો જોવા મળી રહ્યા છે.

​વિશ્વમાં સૌથી વધુ ઓમિક્રોન બીએફ 7ના કેસ

-7-

વર્લ્ડ હેલ્થ ઓર્ગેનાઇઝેશન (World Health Organisation)એ નવેમ્બર 29, 2022માં જાહેર કરેલા એક નિવેદન અનુસાર, ઓમિક્રોન અને તેના સબ વેરિએન્ટ્સ બીએફ 7ને હાલ મોનિટર કરવામાં આવી રહ્યો છે. આ વર્ષ દરમિયાન વિશ્વમાં ઓમિક્રોન વેરિએન્ટ અને તેના સબ-વેરિએન્ટ્સના કારણે કોવિડ કેસમાં સતત વધારો થઇ રહ્યો છે. વળી તેના લક્ષણો પણ બદલાતા રહે છે.

ભારતમાં 2022માં કેટલાં કોવિડ-વેરિએન્ટ્સ આવ્યા, જાણો એક્સપર્ટ પાસેથી

​ભારતમાં ઓમિક્રોનના આટલા સબ વેરિએન્ટ્સ

  • એક્સબીબી અને બીએ.2.75 (XBB and BA.2.75) ઉપરાંત ઓમિક્રોનના અન્ય સબવેરિએન્ટ્સ ભારતમાં જોવા મળ્યા હતા.
  • હાલમાં જ ચીનમાં ઓમિક્રોન બીએફ7ના કારણે કોવિડ કેસ અને ડેથ રેટ વધી રહ્યા છે. જેના 4 કેસ ભારતમાં પણ જોવા મળ્યા છે.
  • ઓક્ટોબરમાં બીક્યૂ.1 (BQ.1) વેરિએન્ટ પણ ભારતમાં જોવા મળ્યો હતો.
  • જ્યારે જાન્યુઆરી-ફેબ્રુઆરીમાં ઓમિક્રોનના સબ વેરિએન્ટ BA.2ના કારણે કોવિડ કેસમાં 80 ટકાનો વધારો થયો હતો.

​ડેલ્ટા વેરિએન્ટનો કહેર

માર્ચ-જૂન 2021 દરમિયાન ભારતમાં ડેલ્ટા વેરિએન્ટ (Delta variant)ના કારણે કેસમાં વધારો થયો હતો. ડેલ્ટાની લહેરના કારણે હોસ્પિટલ અને હેલ્થ કેર સિસ્ટમને પણ અસર થઇ હતી. વર્લ્ડ હેલ્થ ઓર્ગેનાઇઝેશન (WHO) અનુસાર, ડેલ્ટા વેરિએન્ટ અથવા B.1.617.2 માર્ચ 11, 2021થી વિશ્વમાં કોવિડ કેસમાં વધારા માટે જવાબદાર છે.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

આ સમાચારને અંગ્રેજીમાં વાંચવા માટે અહીં ક્લિક કરો

શિયાળામાં શરદી-ખાંસીની સમસ્યા શું ઓમિક્રોન બીએફ 7ના લક્ષણો છે? 2 મિનિટમાં ઓળખો

ભારતમાં જાન્યુઆરીમાં આવશે કોરોનાની ચોથી લહેર, AIIMSના Dr.એ કહ્યું, આગામી 40 દિવસ કરો આ કામ

Source link