ન્યૂયર કે બીચ વેકેશન પર શોર્ટ ડ્રેસ પહેરવો છે, પણ સ્ટ્રોબેરી લેગ્સ બગાડે છે પ્લાન? જાણો DIY રેમેડી

Strawberry Legs Home Remedies: સ્ટ્રોબરી લેગ્સને અનેક નામથી ઓળખવામાં આવે છે જેમ કે, કેરાટોસિસ પિલારિસ (keratosis pilaris), ચિકન લેગ્સ વગેરે. ઘણીવાર લોકો સ્ટ્રોબેરી લેગ્સથી છૂટકારો મેળવવા માટે બેકિંગ સોડાનો ઉપયોગ કરતા હોય છે, પરંતુ સોડા દરેકની સ્કિનને સૂટ થાય તે જરૂરી નથી હોતું, ઘણીવાર બેકિંગ સોડાના ઉપયોગથી ત્વચા પર અન્ય સમસ્યાઓ ઉભી થઇ જાય છે.

બોલિવૂડ એક્ટ્રેસિસના ચહેરા જેટલી જ ચમક તેમના પગની સ્કિન પર જોવા મળે છે. આની પાછળનું કારણ મોટાંભાગે એવી યુવતીઓ શોધતી હોય છે જેઓને સ્ટ્રોબેરી લેગ્સની સમસ્યા છે. કારણ કે, વધારે પડતાં શેવિંગ અને વેક્સિંગના કારણે પગની સ્કિન પર દેખાતા ઝીણા દાણા, અડધા તૂટેલા વાળ, અથવા ઇનગ્રોન હેરની સમસ્યાના કારણે પગની સુંદરતા બગડી જાય છે. ઘણીવાર ઇનગ્રોન હેરની સમસ્યા વધી જવાના કારણે કિલોઇ્ડસ (legs care keratosis) પણ થઇ જાય છે.

આ સમસ્યાની પાછળ મૂળ કારણ શું છે? આ અંગે વિગતવાર માહિતી આપી રહ્યા છે ડોક્ટર શાંનિકા (Dr. Shanika Arsecularatne, Cosmetic physician) જેઓ કોસ્મેટિક ફિઝિશિયન છે.

(તસવીરોઃ પિક્સાબે.કોમ, ફ્રિપિક.કોમ)

​સ્ટ્રોબેરી લેગ્સનું મૂળ કારણ

સ્ટ્રોબેરી લેગ્સની પાછળ ડ્રાય સ્કિન, વેક્સિંગ કે શેવિંગની ખોટી રીત, ક્લોગ્ડ પોર્સ હોવાનું ડોક્ટર જણાવે છે. તેઓએ આ માટે રેમેડીમાં પગની સ્કિનને સૂટ કરે તેવા મોઇશ્ચરાઇઝર, ડ્રાયનેસને દૂર કરવા માટે ડ્રાય બ્રશનો ઉપયોગ કરવાની સલાહ આપી છે. આ સિવાય પગની સ્કિનને અવાર-નવાર એક્સફૉલિએટ કરવાથી પણ આ સમસ્યા દૂર કરી શકાય છે.

સ્ટ્રોબેરી લેગ્સની સમસ્યા પાછળના કારણો

​એક્સફૉલિએશન માટે ઘરેલૂ ઉપાય

2 ચમચી કોફી અથવા કોફી પાઉડર લો, ધ્યાન રાખો કે આ પાઉડર વધારે સ્મૂધ ના હોય. હવે આ પાઉડરમાં 2 ચમચી મધ અને થોડું નારિયેળ તેલ મિક્સ કરો. તમે ઇચ્છો તો આ રેસિપીમાંથી નારિયેળ તેલની બાદબાકી પણ કરી શકો છો. જો તમે કોફી ગ્રાઉન્ડ્સનો ઉપયોગ કરશો તો વધારે સારું રિઝલ્ટ મળશે. પરંતુ તેને અડધી ચમચીથી વધારે મિક્સ ના કરો.

​મધ, નારિયેળ તેલ અને કોફીના ફાયદા

આ બધી સામગ્રીને યોગ્ય રીતે મિક્સ કરીને પગ પર લગાવી લો અને હળવા હાથે મસાજ કરો. કોફીથી પોર્સ એક્સફોલિએશનમાં મદદ મળશે જ્યારે મધ સ્કિનને મોઇશ્ચરાઇઝ કરશે. નારિયેળ તેલથી પેચી સ્કિન દૂર થશે અને સ્કિનમાં ચમક આવશે.

​કેવી રીતે કરશો ઉપયોગ?

તમારા પગ પર આ મિશ્રણ હાથથી અપ્લાય કરો, તે માટે ચમચી કે લૂફાનો ઉપયોગ ના કરશો. હવે પેસ્ટને થોડીવાર પગ પર મસાજ કરીને સૂકાવા દો. ઠંડા પાણીથી પગ ધૂઓ. પરફેક્ટ રિઝલ્ટ માટે આ ઉપાયને તમે અઠવાડિયામાં 2થી 3 વખત કરી શકો છો. પરંતુ આ એક્સફૉલિએશનને દરરોજ કરવાનું ટાળો નહીં તો સ્કિન ઇરિટેશનની સમસ્યા પણ થઇ શકે છે. હવે ડોક્ટરે જણાવ્યું તેમ તમારું ફેવરિટ મોઇશ્ચરાઇઝિંગ ઓઇલ લગાવીને પગમાં ફરીથી મસાજ કરો.

​DIY ફૂટ સ્પા પેકના અન્ય ફાયદા

DIY-
  • આ ફૂટ સ્પા પેકથી તમારાં પગના પોર્સ ખુલશે
  • પગની સ્કિન મોઇશ્ચરાઇઝ્ડ થશે
  • સ્કિનના ડેડ સેલ્સ અને ઇનગ્રોન હેર ફોલિક્સ દૂર થશે
  • પગની સ્કિન સોફ્ટ બનશે
  • આ પેકના પહેલાં ઉપયોગમાં જ તમને ફરક દેખાવાનું શરૂ થઇ જશે

​ઘરે શેવિંગ કે વેક્સિંગ પહેલાં જાણો આ ટિપ્સ

પાર્ટી કે ફંક્શન અટેન્ડ કરતા અગાઉ પાર્લર જવાનો સમય નથી અને જો તમે ઘરે જ વેક્સિંગ કે શેવિંગ કરો છો, સાથે જ તમને સ્ટ્રોબેરી લેગ્સની સમસ્યા છે તો કેટલીક મહત્વની બાબતો પર ધ્યાન આપો.

  • શેવિંગ અથવા વેક્સિંગના એક કલાક પહેલાં પગને સારી રીતે ધૂઓ અને ઓઇલ મસાજ કરો.
  • મસાજ આરામથી કરો, તેનાથી બંધ પોર્સ ખુલશે અને વાળ અડધા તૂટી જવા અથવા શેવિંગ યોગ્ય રીતે નહીં થવાનું જોખમ દૂર થશે
  • નહાતી વખતે શેવિંગ કરી રહ્યા છો તો ધ્યાન રાખો કે શેવિંગ પહેલાં લૂફાનો ઉપયોગ ટાળો.
  • વેક્સિંગ પહેલાં ઓઇલને સાફ કરો, આ સમયે પણ લૂફાનો ઉપયોગ ના કરશો નહીં તો સ્કિન ઇરિટેશનની સમસ્યા વધશે

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો



Source link