નવા IT નિયમો હેઠળ 14 લાખથી પણ વધુ એકાઉન્ટ્સ પર Whatsappએ લગાવ્યો પ્રતિબંધ!

 

નવી દિલ્હીઃ સોશિયલ મેસેજિંગ પ્લેટફોર્મ વોટ્સએપ (Whatsapp)એ શુક્રવારે હાનિકારક અને અનૈતિક એકાઉન્ટ્સ પર કાર્યવાહી કરી હોવાની જાણકારી આપી છે. કંપીએ શુક્રવારે કહ્યું કે, તેણે નવા આઈટી નિયમો, 2021નું પાલન કરતાર ફેબ્રુઆરી મહિનામાં ભારતમાં 14,26,000 એકાઉન્ટ્સ પર પ્રતિબંધ (14 Lakh WhatsApp Accounts Closed) લગાવ્યો હતો. સોસિયલ મીડિયા પ્લેટફોર્મે જાન્યુઆરીમાં 18,58,000 એકાઉન્ટ્સ કે ખાતાઓ પર પ્રતિબંધ લગાવ્યો હતો.

14 લાખથી પણ વધુ એકાઉન્ટ્સ પર પ્રતિબંધ
વોટ્સએપે કહ્યું કે, તેમને દેશમાંથી એક જ મહિનામાં 335 ફરિયાદો મળી હતી અને તેમાંતી 21 પર જાન્યુઆરીમાં કાર્યવાહી કરવામાં આવી હતી. વોટ્સએપના પ્રવક્તા (WhatsaApp Spokesperson)એ એક નિવેદનમાં કહ્યું કે, આઈટી નિયમ, 2021 (IT Rules 2021) મુજબ, અમે ફેબ્રુઆરી, 2022માં પોતાનો નવમો માસિક રિપોર્ટ પ્રકાશિત કર્યો છે. પ્રવક્તાએ આગળ જણાવ્યું કે, જેવી રીતે નવા માસિક રિપોર્ટમાં નોંધવામાં આવ્યું છે કે વોટ્સએપે ફેબ્રુઆરીના મહિનામાં 14 લાખથી પણ વધુ ખાતા પર પ્રતિબંધ લગાવ્યો છે.

વોટ્સએપ દુરુપયોગને રોકવામાં અગ્રેસર છે
સોશિયલ મીડિયા પ્લેટફોર્મ વોટ્સએપે કહ્યું કે, શેર કરવામાં આવેલા ડેટામાં તેઓ દ્વારા 1 ફેબ્રુઆરીથી 28 ફેબ્રુઆરી વચ્ચે દુરુપયોગને શોધવાના દ્રષ્ટિકોણનો ઉપયોગ કરીને પ્રતિબંધિત ભારતીય એકાઉન્ટ્સની સંખ્યા પર પ્રકાશ નાખવામાં આવ્યો છે. જેનાથી તેમના રિપોર્ટ ફિચરના માધ્યમથી યૂઝર્સ તરફથી મળેલી નકારાત્મક પ્રતિક્રિયાઓને આગળ વધારવા માટે કરવામાં આવેલી કાર્યવાહી પણ સામેલ છે. પ્રવક્તાએ કહ્યું કે, વોટ્સએપ એન્ડ ટુ એન્ડ એન્ક્રિપ્ટેડ મેસેજિંગ સેવાઓ (End To End Encrypted Messaging Servivces) વચ્ચે દુરુપયોગને રોકવા માટે ઈન્ડસ્ટ્રીમાં લીડર છે.

કંપનીના પ્રવક્તાએ કહ્યું કે, વર્ષોથી અમે અમારા પ્લેટફોર્મ પર પોતાના યૂઝર્સને સુરક્ષિત રાખવા માટે આર્ટિફિશિયલ ઈન્ટેલિજન્સ અને અન્ય અત્યંત આધુનિક ટેકનોલોજી, ડેટા વૈજ્ઞાનિકો અને વિશેષજ્ઞો તથા પ્રક્રિયાઓમાં સતત રોકાણ કર્યું છે. તમને જણાવી દઈએ કે નવા આઈટી નિયમ 2021 હેઠળ 50 લાખથી પણ વધુ ડિજિટલ અને સોશિયલ મીડિયા પ્લેટફોર્મને માસિક અનુપાલન રિપોર્ટ પ્રકાશિત કરવો પડશે.