ધ્રાંગધ્રામાં ત્યજી દેવાયેલી બાળકીનું જિલ્લા પોલીસે સંતોની હાજરીમાં નામકરણ કર્યું!

 

ધ્રાંગધ્રાઃ તાલુકાના ભરાડા ગામની સ્કૂલ નજીકથી એક ત્યજી દેવાયેલી બાળકી મળી આવી (Found infant) હતી. નવજાત બાળકી ત્યજી દેવાયેલી હાલતમાં મળી આવતા ગામના લોકો ઉમટ્યા હતા. બાદમાં ઘટનાની જાણ પોલીસને કરવામાં આવી હતી. પોલીસે ઘટના સ્થળે જઈને બાળકીનો કબજો લઈ તેને સારવાર માટે ખસેડી હતી. એટલું જ નહીં આ સાથે જિલ્લા પોલીસની સરાહનીય કામગીરી પણ સામે આવી છે. જિલ્લા પોલીસે એસપી અને સંતોની હાજરીમાં આ બાળકીનું નામકરણ કર્યુ હતુ. બાદમાં તેનું નામ સુજલ રાખ્યું હતું. પોલીસે સરકારી કાર્યવાહી પૂર્ણ કરીને બાળ કલ્યાણ સમિતીમાં (Dhrangadhra news) બાળકીને સોંપવા માટે કાર્યવાહી હાથ ધરી છે. સાથે જ પોલીસે પાંચ સારા પરિવારને આ બાળકી દત્તક લેવા માટે આજીજી કરી હતી.

મળતી વિગતો મુજબ, ધ્રાંગધ્રા તાલુકાના ભરાડા ગામે આવેલી સ્કૂલ પાસે પાણીના ખબાચિયામાં ત્યજી દેવાયેલી બાળકી મળી આવી હતી. બાળકી મળી આવતા ગામના લોકો ઉમટ્યા હતા. બાદમાં ઘટનાની જાણ પોલીસને કરી હતી. પોલીસે ઘટના સ્થળે જઈને બાળકીની કબજો મેળવી સારવાર માટે ખસેડી હતી. બાળકી સ્વસ્થ થતાં પોલીસ લાઈનમાં પોલીસે વિધી પ્રમાણે કથાનું આયોજન કરી એસપી અને સંતોની હાજરીમાં નામકરણનો કાર્યક્રમ રાખ્યો હતો. એસ.પી. હરેશ દૂધાતે જણાવ્યું કે, બાળકી પાણીમાંથી હતી એટલે એએસપી શિવમ વર્માએ તેનું નામ સુજલ રાખ્યું હતું. હાલ સરકારી કાર્યવાહી પૂર્ણ કરીને બાળકીને બાળ કલ્યાણ સમિતીમાં મોકલવા કાર્યવાહી હાથ ધરાઈ છે.

એસ.પી. હરેશ દૂધાતે એવું પણ જણાવ્યું કે, શાસ્ત્રોક્ત વિધી સાથે કથાનું આયોજન પોલીસ લાઈનમાં કરવામાં આવ્યું હતું. બાદમાં સંતોની હાજરીમાં જ બાળકીનું નામકરણ કરી સુજલ રાખવામાં આવ્યું હતું. સરકારી કાર્યવાહી પૂર્ણ કર્યા બાદ બાળકીને સુરેન્દ્રનગર બાળ કલ્યાણ સમિતીમાં સોંપવામાં આવશે. બાળકીને દત્તક લેવા માટે પાંચ પરિવારને આજીજી પણ કરવામાં આવી છે. જો કે, ભવિષ્યમાં આવી કોઈ ઘટના ન બને એ માટે લોકોએ પણ પ્રાર્થના કરી હતી. જ્યારે કથા અને નામકરણ કરવામાં આવ્યું ત્યારે સૌકોઈ ભાવુક થયા હતા.

Source link