દીકરાના પિતાની બમણી હોય છે જવાબદારી, તમારા લાડલાને ખાસ શીખવાડો આ પાંચ કામની વાતો!

 

જ્યારે બાળકનો જન્મ થાય છે ત્યારે માતા-પિતાની ખુશી અપાર હોય છે. તેમના ઉજ્જવળ ભવિષ્ય માટે માતા-પિતા ખૂબ સંઘર્ષ કરતા હોય છે. દરેક માતા-પિતાની એવી ઈચ્છા હોય છે કે પોતાના બાળકને શ્રેષ્ઠ શિક્ષણ અને કેળવણી આપે. બાળકોનો ઉછેર કરવાનું કામ મુશ્કેલ અને પડકારજનક હોય છે. બાળકની સાથે સાથે માતા-પિતાને પણ દરરોજ કંઈક સાંભળવા મળતું હોય છે, દરરોજ એક નવા પડકારનો સામનો કરવો પડતો હોય છે. માતા-પિતા શું વાત કરે છે, શું કરે છે, અન્ય લોકો સાથે કેવો વ્યવહાર કરે છે, આ બધાની અસર બાળક પર પડે છે. દીકરા અને દીકરીના ઉછેરની રીત પણ અલગ અલગ હોય છે. અહીં તેમની વચ્ચે ભેદભાવ કરવાની વાત નથી, પરંતુ તેમને કોઈ વાત સમજાવવા અને શીખવાડવાની પદ્ધતિ અલગ હોય છે.

 

દીકરાના ઉછેરમાં પિતાનો રોલ મહત્વનો હોય છે, કારણકે એક દીકરાની પર્સનાલિટી પિતાથી પ્રભાવિત હોય છે. પિતા અને દીકરા વચ્ચેનો સંબંધ પણ અનોખો હોય છે, તેઓ વાત તો ઓછી કરે છે પરંતુ બન્ને વચ્ચે પ્રેમ ઘણો હોય છે. એકબીજા માટે તેમના મનમાં સન્માન હોય છે. પિતા દ્વારા કહેવામાં આવેલી વાતો દીકરાના દિમાગ પર ઉંડી અસર કરે છે. આજના મોબાઈલ અને ટેક્નોલોજીના સમયમાં દીકરો એક સારો માણસ બને તે માટે પિતાએ તેને ઘણી વાતો શીખવાડવી પડે છે. અહીં અમે તમને એવી અમુક વાતો કહેવા જઈ રહ્યા છીએ જે દરેક દીકરો પિતા પાસેથી સાંભળવા માંગે છે.

પોતાની ખુશીને મહત્વ આપો

તમારા દીકરાને શીખવાડો કે પોતાની જાતને મહત્વ આપવું માત્ર સારી વાત નથી, પરંતુ જરૂરી પણ છે. સમાજમાં એક એવી છાપ ઉભી થઈ ગઈ છે અને પુરુષો પર થોપવામાં આવે છે કે, ઘર ચલાવવું તેની જવાબદારી છે. પુરુષે પહેલા પરિવારને પ્રાથમિકતા આપવી જોઈએ. પરંતુ દીકરાને સમજાવો કે ઘર, પરિવાર, સમાજને ખુશ કરતા પહેલા પોતાને ખુશ કરવું પણ અત્યંત જરૂરી છે.

બીજા પાસેથી જે આશા રાખો તે વર્તન પોતે પણ કરો

તમે લોકો પાસેથી જેવા વ્યવહાર અને વર્તણૂકની આશા રાખતા હોવ, તમે સામેવાળી વ્યક્તિ સાથે તે જ પ્રકારનો વ્યવહાર કરો. જીવનના દરેક તબક્કામાં આ વાત કામ લાગે છે. આમ કરવાથી સંબંધોમાં પણ મીઠાશ રહે છે.

જીવન પર સંપૂર્ણપણે આપણું નિયંત્રણ નથી હોતું

બાળકોને લાગે છે કે જીવન ઘણું સરળ છે અને તેમાં બસ સારી જ વાતો બનતી હોય છે. અને પછી જ્યારે તેમની સાથે કંઈક ખોટું થાય છે તો તેઓ પોતાને દોષી માનવા લાગે છે. આવી સ્થિતિમાં તમારે બાળકોને સમજાવવું જોઈએ કે અમુક વસ્તુઓ આપણા નિયંત્રણથી બહાર હોય છે અને તેમાં કોઈની ભૂલ નથી હોતી. કોઈ આપણી સાથે કંઈ ખોટું કરે છે તો તેમાં આપણી ભૂલ નથી હોતી, સામેવાળાની હોય છે.

પ્રેમનો એકરાર કરવો

પુરુષો વિશે કહેવામાં આવે છે કે પ્રેમ વ્યક્ત કરવામાં તેઓ પાછા પડતા હોય છે. આ આદત સારી નથી. તમે તમારા દીકરાને શીખવાડો કે પ્રેમનો એકરાર કરવો સામે વાળાના જીવનને સુંદર બનાવવાની સૌથી સરળ રીત છે. તમે પણ તમારા દીકરાને સમયાંતરે કહેતા રહો કે તમે તેને પ્રેમ કરો છો. ઘણીવાર વ્યક્તિ માટે આટલી વાત સાંભળવી ઘણી જરૂરી હોય છે.

પોતાની નિષ્ફળતાઓ વિશે જણાવો

મોટાભાગે માતા-પિતા બાળકોને પોતાની સફળતાઓ વિશે તો જણાવતા હોય છે પરંતુ નિષ્ફળતાઓ વિશે ચર્ચા નથી કરતા. બાળકોના મગજમાં એક એવી છાપ ઉભી થાય છે કે તેમના માતા-પિતા પર્ફેક્ટ છે, તેમનાથી કોઈ ભૂલ થઈ જ નથી શકતી. પછી જ્યારે તેમના જીવનમાં મુશ્કેલી આવે તો તે પોતાને કમતર સમજવા લાગે છે. તમે દીકરાને સમજાવો કે આપણે બધા માણસો છીએ અને ભૂલો બધાથી જ થાય છે.

Source link