ડ્રગ્સ માફિયાઓને આ રાજ્યમાં હું ફાવવા નહીં દઉં, ભલેને મારું જે થવું હોય તે થાયઃ હર્ષ સંઘવી

 

ગુજરાતમાં ડ્રગ્સ માફિયાઓને ડામવા માટે સરકાર (Gujarat Government) કટીબદ્ધ હોવાનું રાજ્યના ગૃહ રાજ્યમંત્રી હર્ષ સંઘવીએ (Home Minister of Gujarat, Harsh Sanghvi) ગુજરાત વિધાનસભામાં (Gujarat Vidhan Sabha) ગૃહની પ્રશ્નોત્તરી કાળ દરમિયાન જણાવ્યું હતું. તેમણે કોંગ્રેસ (Gujarat Congress) દ્વારા આ મુદ્દે ગુજરાત સરકારનો સાથ આપવાના બદલે રાજકીય રમત રમવામાં આવી રહી છે. પ્રશ્નોત્તરકાળ દરમિયાન ભાજપ અને કોંગ્રેસના સભ્યો આમને સામને પણ આવી ગયા હતા. જ્યાં કોંગ્રેસના સિનિયર ધારાસભ્ય પુંજાભાઈ વંશે (Punjabhai Vansh) ગૃહમાં હર્ષ સંઘવીને કરેલી એક ટિપ્પણીમાં ટપોરી જેવો શબ્દ ઉચ્ચારતા તેઓ અકળાયા હતા. ડ્રગ્સનો પગપેસારો અટકાવવા માટે સરકાર ચિંતિત હોવાનું પણ તેમણે જણાવ્યું હતું.

હર્ષ સંઘવીએ ગૃહમાં જણાવ્યું કે ગુજરાતના યુવાનોને નશાની બદીમાંથી છોડાવવા તથા કોઈ પણ પરિવારનું સંતાન નશાના રવાડે ના ચડે તે માટે સરકાર ચિંતિત છે, આવામાં કોંગ્રેસ કયા મોઢે ગુજરાત સરકારને બદનામ કરવા નીકળી છે તે સમજાતું નથી. તેમણે આગળ જણાવ્યું હતું કે ગુજરાત સરકાર ડ્રગ્સ કોર્ટેલરોને છોડવા માગતી નથી. ગુજરાતની પોલીસ પ્રોએક્ટિવલી કામ કરી રહી છે, પોલીસનું મોરલ તોડવાનો હિન પ્રયાસ કોંગ્રેસ દ્વારા કરાયો હોવાનું પણ તેમણે ગૃહમાં જણાવ્યું હતું. આગામી સમયમાં ડ્રગ્સ પેડલરોને પકડવા માટે રાજ્ય સરકાર વધુ મજબૂતાઈથી ઝૂંબેશ ચલાવશે.

વિધાનસભામાં કોંગ્રેસ સાથે થયેલી ચકમકથી ગૃહ રાજ્યમંત્રી હર્ષ સંઘવી અકળાયા હતા અને તેમણે સામો જવાબ આપતા કહ્યું હતું કે, ગુજરાતના ડ્રગ્સ માફિયાઓ માટે હું ચોક્કસ ટપોરી છું. ગુજરાતમાં બહેનોની છેડતી કરનાર લોકો માટે હું ચોક્કસ ટપોરી છું. ડ્રગ્સની કાર્ટલ ચલાવનારા અને આ લોકોની સાથે સાંઠગાંઠ કરનારા માટે હું ચોક્કસ ટપોરી છું, પણ ગુજરાતને નશાખોરી તરફ લઈ જનારા ડ્રગ્સ માફિયાઓને આ રાજ્યમાં હું ફાવવા નહીં દઉં, ભલેને મારું જે થવું હોય તે થાય.

આ મુદ્દે તેમણે આગળ કહ્યું કે, મારી ગુજરાત પણ આવી તત્વોને છોડશે નહીં. તેમણે ગૃહમાં બેઠેલા ધારાસભ્યોને ઉલ્લેખીને કહ્યું, યુવાનોને ડ્રગ્સથી બચાવવા તે આપણા સૌની સામાજિક જવાબદારી છે, કારણે આપણી જન પ્રતિનિધિ છીએ. આવા દૂષણને ડામવા માટે ભાજપ રાજકારણ કરતો નથી. આપણે સૌ પક્ષ-વિપક્ષ ભૂલીને પ્રજાના પ્રતિનિધિ તરીકે ખભાથી ખભો મીલાવીને કામ કરીશું તો ચોક્કસ ગુજરાતને ડ્રગ્સની બદીમાંથી બહાર લાવી શકીશું.

Source link