ડોલરિયા દેશના સપનામાં માતા USમાં ફસાઈ, હવે સંતાનને પોતાની પાસે બોલાવવા વિઝા ધારકની શોધમાં

 

અમદાવાદ: અમેરિકામાં સ્થાયી થયાના વર્ષો પછી, એક મહિલા ભારતમાં યુએસ વિઝા ધારકની શોધમાં છે, જે તેના પાંચ વર્ષના પુત્રને ભારતમાંથી લઈ જઈ શકે. આ એટલા માટે છે કારણ કે તે પોતાના ગેરકાયદે ઈમિગ્રાન્ટ્સ સ્ટેટસને કારયણે ભારત પરત ફરી શકતી નથી. આ મહિલાની કહાની પણ ડોલરિયા સપનાની લ્હાયમાં વિદેશ ગયેલા કેટલાક ગેરકાયદે ઇમિગ્રાન્ટ્સ પૈકી એક છે. યુ.એસ.માં પહોંચીને તરત જ તેણે પોતાના કરતા ખાસ્સી મોટી ઉંમરની વ્યક્તિ સાથે લગ્ન કર્યા, જોકે તેનો નાનો ભાઈ યુએસનું નાગરિકત્વ ધરાવતો હતો તે વ્યક્તિ નહીં. તેવામાં લગ્ન પછી મહિલાનએ એક બાળકને જન્મ આપ્યો પરંતુ બાળકના ઉછેરમાં મુશ્કેલીઓનો સામનો કરવો પડી રહ્યો હોવાથી તેમણે તેને ભારત દાદા-દાદી અને નાના-નાની પાસે મોકલ્યું. જોકે પાછળથી તેની નાણાંકીય સ્થિતિમાં સુધારો થયો, પરંતુ કપલના પોતાના સંબંધો બગડી ગયા હતા અને તેઓ અલગ થઈ ગયા હતા.

જોકે બાળકને ભારત મોકલવામાં આવ્યું હોવા છતાં, મહિલાએ યુએસમાં કોર્ટમાં જઈને જુલાઈ 2021 સુધીમાં કસ્ટડીનો અધિકાર મેળવ્યો હતો. તે કોર્ટના હુકમનો અમલ કરવા માંગતી હતી પરંતુ પોતે જ ગેરકાયદે ઈમિગ્રાન્ટ્સ હોવાના કારણે માન્ય મુસાફરી દસ્તાવેજોની ગેરહાજરીમાં તે ભારતની મુસાફરી કરી શકે તેમ ન હતી અને પોતાના પુત્રની કસ્ટડી લઈ શકતી ન હતી. તેવામાં તેણે ફેબ્રુઆરી 2021માં ગુજરાત હાઈકોર્ટનો સંપર્ક કર્યો અને મહેસાણમાં રહેતા બાળકના દાદા-દાદી પાસેથી બાળકની કસ્ટડી તેના નાના-નાનીને સોંપવા માટેનો હુકમ મેળવ્યો હતો.

જોકે તેમ છતાં પણ મુશ્કેલી એ હતી કે બાળકને અમેરિકામાં તેની માતા પાસે કેવી રીતે મોકલવું. હાઈકોર્ટે અરજદારને એવી વ્યક્તિ સૂચવવા કહ્યું કે જેની સાથે બાળકને તેની પાસે મોકલી શકાય, પરંતુ બાદમાં કોર્ટને યોગ્ય લાગ્યું કે નાના-નાની બાળકને લઈ જાય અને તેને માતાને સોંપે તે જ સૌથી યોગ્ય છે. બાળકને અજાણી વ્યક્તિ સાથે મોકલવાના તરફેણમાં કોર્ટ ન હતી. આ બાજુ નાના-નાનીએ પણ યુએસ જવા માટે સંમતિ આપી હતી પરંતુ તેમની પાસે વિઝા નહોતા, કોર્ટે કેન્દ્રને તેમના વિઝા મેળવવામાં મદદ કરવા માટે કહ્યું પરંતુ ઓછામાં ઓછા ચાર મહિના સુધી આ કપલને વિઝા મેળવવા શક્ય નહોતા. આ વિશે જાણ્યા પછી હાઈકોર્ટે આખરે મહિલાને કોઈ વિશ્વાસપાત્ર વ્યક્તિ સૂચવવા કહ્યું કે જેની સાથે બાળકને તેની પાસે મોકલી શકાય. આ ઉપરાંત મહિલાને મંગળવાર સુધીમાં આ અંગે એફિડેવિટ દાખલ કરવા માટે કહેવામાં આવ્યું છે.

Source link