ડોક્ટર પાસેથી જાણો હૃદયરોગથી બચવાની સરળ રીત, હાર્ટને Strong બનાવવા કરો આ કામ

World Heart Day 2022: વિશ્વમાં આજકાલ હૃદયરોગની બીમારીના કારણે લોકો જીવ ગુમાવી રહ્યા છે, પહેલાં જ્યાં હાર્ટ અટેકના કેસ મોટાંભાગે વધારે ઉંમર ધરાવતા લોકોમાં જોવા મળતા હતા, પરંતુ હવે કોરોના મહામારી (Covid-19) બાદ લગભગ તમામ ઉંમરના લોકોમાં હૃદયરોગનું જોખમ જોવા મળે છે. હૃદયરોગથી બચવા માટે તેના લક્ષણો અને પ્રકારો વિશે માહિતી હોવી ખૂબ જ જરૂરી છે. હાર્ટની બીમારીઓથી બચવા માટે આજે 29 સપ્ટેમ્બરના રોજ વર્લ્ડ હાર્ટ ડે (World Heart Day 2022) ઉજવવામાં આવે છે. આ વર્ષની થીમ (world heart health day 2022 theme) દરેક હૃદય માટે હૃદયનો ઉપયોગ કરો (USE HEART FOR EVERY HEART) છે.

પટનાની હાર્ટ હોસ્પિટલ (Heart Hospital Pvt Ltd, Patna)ના મેનેજિંગ ડાયરેક્ટર અને ચેરમેન ડોક્ટર રાજન ઠાકુર (Dr Rajan Thakur, Managing Director) અનુસાર, હૃદય શરીરનું સૌથી મુશ્કેલ કામ કરતું અંગ છે, જો તે કમજોર થાય તો જીવલેણ સાબિત થઇ શકે છે. તેથી જ જે લોકો જીમમાં એક્સરસાઇઝ કરે છે અથવા ડાન્સ કરતા હોય કે પર્ફોર્મન્સ દરમિયાન કાર્ડિયાક અરેસ્ટનો શિકાર બને છે.

ડોક્ટર અનુસાર, લાઇફસ્ટાઇલ અને ખાનપાનમાં બદલાવ કરીને હૃદય સંબંધિત બીમારીઓથી પોતાને બચાવી શકાય છે. હાલમાં જ જાણીતા કોમેડિયન રાજુ શ્રીવાસ્તવ (Raju Shrivastav), 40 વર્ષીય બોલિવૂડ અને ટેલિવિઝન એક્ટર સિદ્ધાર્થ શુક્લા (Siddharth Shukla), વર્લ્ડ ક્લાસ સ્પિનર શેન વોર્ન (Shane warne) અને સિંગર કેકે (Singer KK Death)નું કાર્ડિયાક અરેસ્ટથી નિધન થયું હતું.

(તસવીરોઃ પિક્સાબે.કોમ, ફ્રિપિક.કોમ)

​હૃદય સાથે જોડાયેલી રોચક વાતો

  • પ્રતિ દિન હૃદય અંદાજિત 2000 ગેલન લોહી પંપ કરે છે
  • હૃદયનો આકાર અંશતઃ એક વયસ્કની મુઠ્ઠી બરાબર હોય છે
  • પ્રતિ દિન એક હૃદય લગભગ એક લાખ વખત ધબકે છે
  • હૃદય મસ્તિષ્ક અથવા શરીરની વગર કાર્ય કરી શકે છે
  • અંશતઃ એક પુરૂષનું હૃદય મહિલાના હૃદયથી 2 ઔંશ ભઆરે હોય છે
  • મહિલાનું હૃદય પુરૂષોની સરખામણીએ વધારે ઝડપથી ધબકે છે
  • એક સામાન્ય માણસના ધબકારા એક મિનિટમાં 72થી 80 હોય છે

​Healthy Heart માટે અજમાવો આ ઉપાય

Healthy-Heart-
  • ડાયટમાં ફળ, શાકભાજી અને સાબુત અનાજનો વધારે માત્રામાં ઉપયોગ કરો
  • ઘઉંની રોટલીના બદલે બાજરી ખાવ
  • સાલ્મન ફિશ, અખરોટ, બદામ, સોયાબીન અને અળસી ખાવ
  • ભૂખ હોય તેનાથી 20 ટકા ઓછું ભોજન લો
  • નિયમિત રીતે એક્સરસાઇઝ કરો
  • તણાવ મુક્ત રહો
  • બ્લડપ્રેશર, બ્લડશુગર અને કોલેસ્ટ્રોલ લેવલને નિયંત્રિત રાખો
  • પ્રતિ દિન આઠ કલાકની પુરતી ઉંઘ લો

​Cardiac Arrest વધુ જોખમી

Cardiac-Arrest-

ડોક્ટર અનુસાર, હાર્ટ અટેકમાં માણસ જીવિત રહેવાની સંભાવના હોય છે, પરંતુ કાર્ડિયાક અરેસ્ટ બાદ 90 ટકા દર્દીનું મોત થાય છે. હાર્ટ અટેક આવે તો દર્દીને સૂવડાવીને કપડાં ઢીલા કરી દો અને કાર્ડિયાક અરેસ્ટ આવે તો તાત્કાલિક સીપીઆર આપો. કાર્ડિયાક અરેસ્ટમાં હૃદય કામ કરવાનું બંધ કરી દે છે. તેથી દર્દી હોસ્પિટલ પહોંચે ત્યાં સુધી તેની છાતીને જોરથી દબાવવાની પ્રક્રિયાને ચાલુ રાખવાથી જીવ બચાવી શકાય છે. કાર્ડિયાક અરેસ્ટ (Sudden cardiac arrest) આવે તો સીપીઆર (Cardiopulmonary Resuscitation- CPR) આપવામાં આવે તો, દર્દીના જીવિત રહેવાની સંભાવના 20થી 30 ટકા વધી જાય છે.

​આ લક્ષણો જોવા મળતા જ ડોક્ટરનો સંપર્ક કરો

  • છાતીમાં બેચેની અથવા હૃદય ભારે લાગવું
  • છાતીમાં દુઃખાવો અથવા શ્વાસ ફૂલવાની સમસ્યા
  • છાતીમાં બળતરા અથવા અવાર-નવાર દુઃખાવો થવો
  • શરીરમાં સોજા

​કેવા લોકોને સૌથી વધારે જોખમ

ડોક્ટર જણાવે છે કે, જો લોકોના પરિવારમાં હૃદયરોગના દર્દીઓ હોય છે તેઓને અન્યની સરખામણીએ વધારે જોખમ હોય છે. આ સાથે જ મેદસ્વિતા, આલ્કોહોલ અને ધુમ્રપાન, હાઇ બ્લડપ્રેશર અને ડાયાબિટીસના દર્દીઓને હૃદયરોગની બીમારી થવાની સંભાવનાઓ વધારે હોય છે.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

Heart Attack Symptoms: જાણો હાર્ટ અટેકના લક્ષણો અને બચાવ વિશે

Source link