ડિનર બાદ છાતીમાં બળતરાં, ખાટાં ઓડકારથી ઉંઘ હરામ થઇ જાય છે? તો અજમાવો આ સરળ ટિપ્સ

How to get Relief from Heartburn: એસિડ રિફ્લક્સ (Acid Reflux) પાચનમાં ગરબડ સાથે સંબંધિત સ્થિતિ છે, જેમાં પેટનું એસિડ પરત અન્નનળીમાં જાય છે. જેના કારણે છાતીમાં બળતરાં થવા લાગે છે, આ સ્થિતિને હાર્ટ બર્ન કહેવામાં આવે છે.

આ સિવાય અન્ય લક્ષણો જેમ કે, ખાટાં ઓડકાર, ખોરાક ગળવામાં પરેશાની, ખાંસી, છાતીમાંથી અવાજ આવવો ઉપરાંત બળતરાં કે દર્દ સામેલ છે. હાર્ટ બર્ન અને એસિડના કારણે મોટાંભાગે રાત્રે સૂવામાં પરેશાનીનો સામનો કરવો પડે છે.

જો કે, એસિડિટી એક સામાન્ય સમસ્યા છે, પરંતુ જો તમને વારંવાર એસિડિટીની તકલીફ રહેતી હોય તેનાથી અન્નનળીમાં ડેમેજની સાથે કેન્સરનું જોખમ પણ વધી જાય છે. તેથી જ તેના લક્ષણોને સમયસર ઓળખીને તેને ઠીક કરવાના ઉપાયો અજમાવવા જોઇએ. સાથે જ બચાવ માટે લાઇફસ્ટાઇલમાં જરૂરી બદલાવ કરવાથી પણ હાર્ટ બર્નથી બચી શકાય છે.

(તસવીરોઃ પિક્સાબે.કોમ, ફ્રિપિક.કોમ)

​હાર્ટ બર્ન શું છે અને તેના લક્ષણો

નેશનલ હેલ્થ સર્વિસ (National Health Service) અનુસાર, ઘણાં લોકોને સમયાંતરે હાર્ટ બર્નની સમસ્યા થતી રહે છે. તેની પાછળ કોઇ સ્પષ્ટ કારણ નથી હોતું, પરંતુ જે કારણો હર્ટ બર્નની સંભાવનાઓમાં વધારો કરે છે તેમાં કોફી, ટામેટાં, આલ્કોહોલ, ચોકલેટ અને ફૅટયુક્ત કે મસાલેદાર ભોજનનું વધારે સેવન, મેદસ્વિતા, ધૂમ્રપાન, તણાવ અને ચિંતા, હોર્મોનમાં વૃદ્ધિ અને હર્નિયા સામેલ છે. હાર્ટ બર્નના લક્ષણો નીચે મુજબ છે –

  • છાતીમાં બળતરા
  • ઝૂકતી વખતે અથવા ઉંઘતી વખતે છાતીમાં દુઃખાવો
  • ગળામાં બળતરા
  • ખાટાં ઓડકાર
  • ખોરાક ગળવામાં પરેશાની

​આ પોઝિશનમાં સૂવાથી મળશે રાહત

સ્લિપ ફાઉન્ડેશન (Sleep Foundation) અનુસાર, ડાબે પડખે સૂવા અથવા આડા પડવાથી હાર્ટ બર્ન સહિત જીઇઆરડી (GERD)ના લક્ષણોમાં રાહત મળે છે. આનાથી રિફ્લક્સમાં ઘટાડો થાય છે, ઉપરાંત પેટના એસિડથી અન્નનળીનો સંપર્ક પણ ઘટે છે. તેનાથી વિપરિત સૂતી વખતે પીઠના બળે સૂવાથી હાર્ટ બર્નની સમસ્યા વધી શકે છે.

​આ ફૂડથી મળશે રાહત

જ્હોન હોપકિન્સ (Johns Hopkins Medicine) અનુસાર, હાર્ટ બર્ન અને એસિડ રિફ્લક્સના લક્ષણોને દૂર કરવા માટે સાબુત અનાજ (whole grains) જેમ કે, જવ, બ્રાઉન રાઇસ ઉપરાંત રૂટ વેજીસ (root veggies) જેમ કે, શક્કરિયા, ગાજર, બીટ ઉપરાંત લીલા પાંદડાવાળા શાકભાજી બ્રોકોલી, કેળ, પાલક અને બીન્સ ફાયદાકારક રહે છે. આ સિવાય ડુંગળી, ખાટાં ફળ, હાઇ-ફૅટવાળા ખાદ્ય પદાર્થો, ટામેટાં, આલ્કોહોલ, સાઇટ્રસ જ્યૂસથી અંતર જાળવો.

​લાઇફસ્ટાઇલમાં બદલાવ

હાર્ટ બર્નથી બચવાની સૌથી સારી રીત છે સંતુલિત અને પોષકતત્વોથી ભરપૂર ડાયટ લેવું. હંમેશા ધ્યાન રાખો કે, સૂતા પહેલાં પેટ ભરીને ના ખાવો. ભોજન બાદ થોડો સમય ચાલવાનો આગ્રહ રાખો. તમારાં ભોજનને શાંતિથી ચાવીને ખાવ જેથી પાચન સરળ બને. આ ઉપરાંત સ્વસ્થ વજન જાળવી રાખો અને નિયમિત રીતે વ્યાયામ કરો. ધૂમ્રપાન અને આલ્કોહોલનું સેવન ના કરો.

આ સમાચારને અંગ્રેજીમાં વાંચવા માટે અહીં ક્લિક કરો

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે હંમેશા તમારાં ડોક્ટરનો સંપર્ક કરો.

રાત્રે ઘરઘંટીની જેમ વાગતા નસકોરાથી પરેશાન? Malaika Aroraના ટ્રેનર આપેલી 3 સરળ ટિપ્સથી કરો આ સમસ્યાનો કાયમી ઇલાજ

ખાટાં ઓડકાર, ગેસ, છાતીમાં બળતરા પેટમાં વધતા પિત્તની છે નિશાની, આયુર્વેદના 3 ઉપાયથી મેળવો તત્કાળ રાહત

Source link