ડાયાબિટીસ છે તો હાર્ટ અટેક અને સ્ટ્રોક આવવામાં સમય નહીં લાગે, બચવા માટે જાણો 7 ટિપ્સ

Diabetes and Risk of Heart Disease: ભારત સહિત વિશ્વમાં ડાયાબિટીસના (Diabetes cases) કેસ ઝડપથી વધી રહ્યા છે. ઇન્ટરનેશનલ ડાયાબિટીસ ફેડરેશન (International Diabetes Federation) અનુસાર, 2017માં ભારતમાં 72.9 મિલિયન વયસ્ક ડાયાબિટીસથી પીડિત હતા. આ સિવાય NCBIના રિપોર્ટ અનુસાર, ભારતમાં પ્રતિ વર્ષ 3-5 ટકા સુધી ડાયાબિટીસના કેસ વધી રહ્યા છે.

આજે 14 નવેમ્બરના રોજ વર્લ્ડ ડાયાબિટીસ ડેની (World Diabetes Day 2022) ઉજવણી થઇ રહી છે. ડાયાબિટીસ એક જીવલેણ બીમારી છે, કારણ કે તેના થકી શરીરમાં અનેક પ્રકારની બીમારીઓ સરળતાથી પ્રવેશ કરી શકે છે. ધ્યાન રાખો કે, ડાયાબિટીસ અચાનક નથી થતો તેથી પ્રિ-ડાયાબિટીસના લક્ષણોને નજરઅંદાજ ના કરવા જોઇએ. આ સિવાય તે હંમેશા વારસાગત પણ નથી હોતી. મોટાંભાગના કેસમાં ખોટાં આહારની પેટર્ન, શારિરીક ગતિવિધિઓની ઉણપ, તણાવ, લાંબા સમય સુધી કામ કરવાના કલાકો, અનિંદ્રા અને પર્યાવરણીય કારણો પણ જવાબદાર ગણાય છે. તેના બચાવ માટે અને બ્લડશુગર લેવલને નિયંત્રિત રાખવા માટે લાઇફસ્ટાઇલમાં કેટલાંક બદલાવની આવશ્યકતાઓ હોય છે.

(તસવીરોઃ પિક્સાબે.કોમ, ફ્રિપિક.કોમ)

​કેટલું હોવું જોઇએ બ્લડશુગર?

  • ભોજન પહેલાંઃ
  • સ્વસ્થ વ્યક્તિનો ટાર્ગેટ બ્લડ શુગર લેવલ 100 mg/dlથી ઓછું હોવું જોઇએ, જ્યારે ડાયાબિટીકનું બ્લડ શુગર લેવલ 80-130 mg/dl સુધી હોવું જોઇએ.
  • ભોજનના 1-2 કલાક બાદ
  • સ્વસ્થ વ્યક્તિનું બ્લડશુગર લેવલ 140 mg/dlથી ઓછું, તો ડાયાબિટીક પેશન્ટનું 180 mg/dlથી ઓછું હોવું જોઇએ.
  • ત્રણ મહિનામાં બ્લડશુગર લેવલનું A1C લેવલઃ
  • સ્વસ્થ વ્યક્તિમાં 5.7 ટકાથી ઓછું અને ડાયાબિટીકમાં 180 mg/dlથી ઓછું હોવું જોઇએ.

​ડાયાબિટીસમાં હૃદયરોગનું જોખમ

માયો ક્લિનિક (Mayoclinic.org) અનુસાર, ડાયાબિટીસ હૃદયની બીમારીઓના જોખમને વધારવાનું કામ કરે છે. જેના કારણે હાર્ટ અટેક, સ્ટ્રોક, છાતીમાં દુઃખાવાની સમસ્યા હોય છે. આ સિવાય ડાયાબિટીસના દર્દીઓમાં નર્વ ડેમેજ, કિડની ડેમેજ, રેટિનોથેરાપી, સ્કિન માઉથ કન્ડિશન, અલ્ઝાઇમર અને ડિપ્રેશન જેવી બીમારીઓનું જોખમ સ્વસ્થ વ્યક્તિની અપેક્ષાએ વધારે હોય છે.

​ખાલી પેટ ચીયા સીડ્સ વોટર

WebMD અનુસાર, ખાલી પેટ ચીયા સીડ્સ પલાળીને દરરોજ પીવાથી શુગર લેવલ કંટ્રોલ રહે છે. ચિયા અને તુલસીના બીજ દ્રાવ્ય ફાઇબરનો સારો સ્ત્રોત છે. આ માટે આ પીણું શરીરમાં ગ્લાઇસેમિક લોડની સાથે સાથે ઇન્સ્યૂલિન સ્પાઇક્સને ઘટાડવામાં મદદ કરે છે. ચિયાના બીજ એન્ટી-ઓક્સિડન્ટ્સ, ઓમેગા-3 ફેટી એસિડ અને મેગ્નેશિયમથી ભરપૂર હોય છે, જે ટાઇપ-2 ડાયાબિટીસના જોખમને ઘટાડે છે.

​વિટામિન સી અને આમળાનો જ્યૂસ

2થી 3 કાચા આમળાને નોર્મલ પાણીની સાથે જ્યૂસ કાઢીને સવારે વાસી મોંઢે પીવાથી બ્લડશુગર લેવલ નિયંત્રિત રહે છે. Pubmed અનુસાર, આ રસ વિટામિન સીનો સારો સ્ત્રોત ગણાય છે અને તે એક રેચક તરીકે પણ કાર્ય કરવા ઉપરાંત વિષાક્ત પદાર્થોને શરીરમાંથી દૂર કરવામાં પણ મદદ કરે છે. આ સિવાય તેનાથી મેટાબોલિઝ્મ વધે છે અને ઇન્સ્યૂલિન રેઝિસ્ટન્ટમાં ઘટાડો થાય છે. આ સિવાય તમે ભોજનમાં બાજરી અને લીલા પાંદડાવાળા શાકભાજીનો વધારો ઉપયોગ કરો. ઓછા ગ્લાઇસેમિક ઇન્ડેક્સ અને ફાઇબરનું આ કોમ્બિનેશન ડાયાબિટિસને અટકાવવાની સાથે સાથે રિવર્સ કરવામાં પણ મદદ કરે છે.

​રેનબો ડાયટ લો

તમારાં આહારમાં નેચરલ રંગો એટલે કે, રેનબો ડાયટનું પાલન કરો. ડાયાબિટીસ એશિયા (Diabetesasia.org) અનુસાર, આહારમાં ઓછામાં ઓછા સાત રંગોના ફળો અને શાકભાજી સામેલ કરવાથી પર્યાપ્ત ફાઇટોકેમિકલ્સથી ભરપૂર હોય છે.

​પર્યાપ્ત ઉંઘ લો

ઉંઘ અને ડાયાબિટીસ એકબીજાં સાથે સંબંધિત છે. શરીરમાં શુગર માત્રા ઘટડવાના કારણે અનિંદ્રાની સમસ્યા છે. વળી, અપર્યાપ્ત ઉંઘ બ્લડશુગરને પ્રભાવિત કરે છે. તેથી જ 8-9 કલાકની પુરતી ઉંઘ લો. એક્સપર્ટ્સ અનુસાર, પર્યાપ્ત ઉંઘ લેવાથી ડાયાબિટીસ નિયંત્રિત રહેવાની સંભાવના 30 ટકા સુધી વધી જાય છે.

​પેટની ચરબી ઘટાડો

મેદસ્વિતા પણ ડાયાબિટીસનું વધુ એક કારણ છે, જો તમારું વજન વધારે હશે તો ડાયાબિટીસના જીવલેણ પરિણામો માટે તમારે તૈયાર રહેવું પડશે. તેથી જ વજન ઘટાડવાનો નિશ્ચય કરો અને ડાયાબિટીસ અને હૃદયરોગ જેવી ક્રોનિક બીમારીઓથી બચો.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

Source link