ડાયાબિટીસ+હાર્ટ ફ્રેન્ડલી 10 ઝટપટ બનતી રેસિપી; દિવાળીમાં પરિવાર રહેશે ખુશ,સ્વાસ્થ્ય રહેશે દુરસ્ત

Diwali Special Foods: તહેવારમાં ડાયાબિટીસ અને હૃદયરોગના દર્દીઓએ ફેસ્ટિવલ સ્પેશિયલ વાનગીઓથી દૂર જ રહેવું પડે છે. દિવાળીમાં બનતી માવા-મિઠાઇઓ, ફરસાણમાં વધારે માત્રામાં કાર્બોહાઇડ્રેટ્સ, ફૅટ શુગર વગેરે જોવા મળે છે. તેમ છતાં જો તમે આ પ્રકારનો ખોરાક ખાવા ઇચ્છતા હોવ તો તેમાં તમારાં સ્વાસ્થ્યને નુકસાન કરે તેવી આઇટમને હેલ્ધી વસ્તુઓથી રિપ્લેસ કરી શકો છો. આ પ્રકારે દિવાળીના ફરસાણ-મિઠાઇનો પણ આનંદ માણી શકશો અને સ્વાસ્થ્યને નુકસાન પણ નહીં થાય.

ન્યૂટ્રિકનેક્ટ (NutriKonnect)ના ફાઉન્ડ અને ન્યૂટ્રિશનિસ્ટ, ડાયટિશિયન ડોક્ટર રચના જસાણી (Dr Rachana Jasani, Dietitian, Indian Dietetic Association)એ તેમના બ્લોગમાં ડાયાબિટીસ ફ્રેન્ડલી રેસિપી વિશે માહિતી આપી છે. જેને ઘરે સરળતાથી જ તૈયાર કરીને આ દિવાળીએ તમારી હેલ્થને નુકસાન ના થાય અને અલગ અલગ વાનગીઓનો સ્વાદ પણ મળી રહે તે રીતે એન્જોય કરી શકો છો.

(તસવીરોઃ પિક્સાબે.કોમ, ફ્રિપિક.કોમ)

​ચોખા ચકરીના બદલે જવના ખાખરા

ચોખાના બદલે જવ એક હેલ્ધી ચોઇસ ગણાય છે, જવ ખાવાથી બ્લડશુગર લેવલમાં વધારો નથી થતો. ઉપરાંત ખાખરાને શેકવામાં આવે છે. જો તમે ડાયાબિટીક ડાયટ લઇ રહ્યા હોવ અથવા લૉ ફેટ ડાયટ લેતા હોવ તો આ રેસિપી તમારાં માટે એકદમ પરફેક્ટ છે. આનાથી વજન ઘટાડવામાં મદદ મળશે અને ફિટનેસ પણ જળવાશે.

​મમરાને બદલે જુવારના પોપકોર્ન

કુરમુરા કે મમરા આમ તો લૉ કેલેરી ઇન્ગ્રિડિયન્ટ જ ગણાય છે. તેમ છતાં એવી રેસિપી જેમાં મમરાનો ઉપયોગ થતો હોય તેમાં જુવારના પોપકોર્નનું રિપ્લેસમેન્ટ મિનરલ્સ અને વિટામિન્સ જેવા ન્યૂટ્રિશન્સ આપશે. ખાસ કરીને ડાયાબિટીસના દર્દીઓએ જુવારના શેકેલા પોપકોર્ન ખાવા જોઇએ. આનાથી બ્લડશુગર અને કોલેસ્ટ્રોલ લેવલ નિયંત્રિત રહેશે. ફેસ્ટિવલ સિઝનમાં જુવારના પોપકોર્ન એક ડાયાબિટીસ અને હાર્ટ ફ્રેન્ડલી ફૂડ ગણાય છે.

​પૌંવાના બદલે ઓટ્સનો ચેવડો

પોંવા પણ ચોખામાંથી જ બનતી આઇટમ છે, તેથી જ પૌંવાના બદલે ઓટ્સનો ઉપયોગ કરવાથી તમારે બ્લડશુગર હાઇ થવાની ચિંતા નહીં રહે. ઓટ્સમાં ભરપૂર માત્રામાં દ્રાવ્ય ફાઇબર રહેલું છે જે બ્લડશુગર લેવલને કંટ્રોલમાં રાખશે ઉપરાંત કોલેસ્ટ્રોલ લેવલને ઘટાડશે. ઓટ્સનો ચેવડો પૌંવાના ચેવડાની માફક જ સ્વાદિષ્ટ લાગે છે.

​કચોરીના બદલે મૂસલી અને દહીં ચાટ

દિવાળીના ફરસાણમાં સમોચા, કચોરી જેવા તળેલા ફરસાણ ખાવાથી કાર્ડિયાક બીમારીઓનું જોખમ વધી જાય છે. ખાસ કરીને તેનાથી વધતું કોલેસ્ટ્રોલ હૃદય માટે જોખમી પણ સાબિત થઇ શકે છે. તેથી જ આ દિવાળીએ ફરસાણના ચટકાંને પણ જાળવી શકાય અને હાર્ટની બીમારીઓથી બચી શકાય તે માટે યોગ્ય ઓપ્શન છે મૂસલી એટલે કે, અનાજ અને ફ્રૂટ્સના ફાડા, અને સ્પ્રાઉટવાળી દહીં ચાટ બનાવો. જો તમે માર્કેટમાંથી મૂસલી (muesli, mixture of untoasted dry cereals and fruits) ખરીદવાના હોવ તો તે શુગર ફ્રી છે કે તે ચેક કરવાનું ભૂલતા નહીં. શુગર ફ્રી મૂસલીને સ્પ્રાઉટ સાથે મિક્સ કરીને તેમાંથી બનતી દહીં ચાટને દિવાળી પૂજા બાદ સેલિબ્રેશન દરમિયાન ખાઇ શકો છો.

​પૂરણ પોળીના બદલે મીઠી ભાખરી

સાકર અને તેલથી ભરપૂર પૂરણપોળીના બદલે મીઠી રોટલી કે ભાખરી ખાવો. મીઠી ભાખરીને તૈયાર કરવા માટે આર્ટિફિશિયલ સ્વીટનર એડ કરો. આ સિવાય તેમાં ઇલાયચી અથવા જાયફળનો પાઉડર નાખવાથી તેનો સ્વાદ બેવડાઇ જશે. મીઠી ભાખરીનો લોટ બાંધવા માટે પાણીના બદલે દૂધનો ઉપયોગ કરો.

​ઓટ્સથી બનતા પુદીના પરાઠાં

વેજીટેબલ્સ સાથે ખાવા માટે મેંદાથી બનતી નાન બનાવવાનાબદલે આ વર્ષે ઓટ્સ અને પુદીના પરાઠાં તૈયાર કરો. જેને ડાયાબિટીસના દર્દીઓ છૂટથી ખાઇ શકે છે. ઉપરાંત તેમાં રહેલું ફાઇબર કોલેસ્ટ્રોલ લેવલને ઘટાડશે, જેથી હૃદયરોગ જેવી બીમારીઓ પણ નહીં થાય. આ ઓટ્સ પરાઠાંને તમે સબ્જી, દાળ કે વેજીટેબલ રાયતા સાથે ખાઇ શકો છો.

​મલાઇ કુલ્ફીના બદલે ફ્લેવર્ડ યોગર્ટ

મલાઇમાં સેચ્યુરેટેડ ફેટની માત્રા વધારે હોય છે, તેથી હૃદયરોગના દર્દીઓને તે ખાવાની સખત મનાઇ હોય છે. આ વર્ષે સ્વીટ ખાવાની ઇચ્છાને દહીંથી કમ્પલિટ કરો. દહીંમાં ભરપૂર માત્રામાં પ્રોટીન, કેલ્શિયમ, કેલ્શિયમ, ફોસ્ફોરસ, વિટામિન ડી રહેલું હોય છે. ફ્લેવર્ડ યોગર્ટમાં તમે હેલ્ધી નટ્સ નાખીને ખાઇ શકો છો. તે કુલ્ફી ખાવાની ઇચ્છાને પુરી કરશે.

ફ્લેવર્ડ યોગર્ટની રેસિપી

સામગ્રી

  • દહીં, ગાયનું દૂધ – 250 ગરામ
  • પીસેલી અખરોટ – 2 ચમચી
  • પીસેલી બદામ – 2 ચમચી
  • ઝીણાં કાપેલા ફ્રૂટ્સ – અડધો કપ
  • સ્ટીવિયા પાઉડર (Stevia powder) – અડધી ચમચી
  • ઇલાયચી પાઉડર – સ્વાદ અનુસાર
  • કેસર – જરૂરિયાત અનુસાર

​કેવી રીતે કરશો તૈયાર

  • સૌથી પહેલાં દહીંને એક જાડા કપડાં અથવા મલમલમાં નાખીને 15 મિનિટ સુધી રાખો. આનાથી તેમાં રહેલું પાણી દૂર થઇ શકે.
  • હવે આ દહીંને એક બાઉલમાં નાખીને સ્મૂધ પેસ્ટ બનાવો
  • તેમાં સ્ટીવિયા પાઉડરને મિક્સ કરો
  • હવે બે ગ્લાસ લો તેમાં 2 ચમચી દહીં નાખીને પીસેલા ડ્રાય ફ્રૂટ્સ અને ફળોના ટૂકડાં નાખો.
  • તેના ઉપર દહીંનું બીજું લેયર નાખો અને ફરીથી ડ્રાય ફ્રૂટ્સ અને ફળ નાખો
  • થોડીવાર તેને ફ્રીજમાં રાખો અને ત્યારબાદ સર્વ કરો.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

Source link