ટિકટોક સ્ટાર કીર્તિ પટેલ અને કોમલ પંચાલના ઝગડામાં ડ્રગ્સનું નામ ઉછળતાં જ માફિયાઓએ સમાધાન કરાવ્યું

 

Ahmedabad News: બે ટિકટોક સ્ટાર થોડા દિવસો પહેલા અમદાવાદની કર્ણાવતી ક્લબ નજીક જાહેરમાં બાખડી પડી હતી જે બાદ એકે બીજી સામે પોલીસ ફરિયાદ કરાવી. જોકે પછી આ ઝગડો પણ ડિજિટલ બન્યો અને બંનેએ વીડિયો પોસ્ટ કરીને એકબીજા પર ડ્રગ્સનું કીચડ ઉછાળ્યું હતું. જોકે ત્યાર પછી ડ્રગ્સ માફિયાઓએ બંને વચ્ચે સમાધાન કરાવ્યાનું ચર્ચાએ છે.

બે ટીકટોક સ્ટારના ઝગડામાં ડ્રગ્સનું નામ ઉછતાં જ માફિયાઓ સક્રિય થયા અને બધું ભીનું સંકેલાઈ ગયું તેવી ચર્ચાએ જોર પકડી.

હાઈલાઈટ્સ:

  • બે યુવતીઓના આ ઝગડામાં ડ્રગ્સનું નામ આવતાં જ ડ્રગ્સ માફિયાઓ સક્રિય થઈ ગયા હતા.
  • પોતે ખુલ્લા પડી જીવાની બીકે ડ્રગ્સ માફિયાઓએ બંને યુવતીઓ વચ્ચે સમાધાન કરાવ્યું છે.
  • પોલીસની કાર્યવાહી શંકાના ઘેરમાં, ફરિયાદના 10 દિવસ પછી પણ કીર્તિ મળી નથી જ્યારે તેના વીડિયો રોજ આવે છે.
અમદાવાદઃ ટિકટોક સ્ટાર તરીકે ઓળખાતી અને સોશિયલ મીડિયામાં ધર્મ, જાતી સહિતના મામલે વિવાદાસ્પદ ટિપ્પણીઓ કરીને ચર્ચામાં રહેતીસુરતની કીર્તિ પટેલ અને અમદાવાદના રાણીપ વિસ્તારમાં રહેતી તેમજ બ્યુટી પાર્લરલ ચલાવતી ટિકટોક ગર્લ કોમલ પંચાલ વચ્ચે થોડા દિવસ પહેલા કર્ણાવતી ક્લબ પાસેના એક ટી સ્ટોલ પર મારામારી થઈ ગઈ હતી. જેમાં અમદાવાદની ટિકટોક ગર્લે સુરત ટિકટોક સ્ટાર કીર્તિ વિરુદ્ધ પોલીસ ફિયાદ નોંધાવી હતી. કોમલે તેના પર જીવલેણ હુમલો કર્યાની ફરિયાદ સેટેલાઈટ પોલીસ સ્ટેશનમાં નોંધાવી હતી. ફરિયાદ બાદ બંન્ને વચ્ચે શાબ્દિક યુદ્ધ પણ છેડાયું હતું અને તેમણે વીડિયો બનાવીને એકબીજાના પર ડ્રગ્સ લેતા હોવાના ગંભીર આક્ષેપો પણ કર્યા હતા. આમ મારપીટથી શરૂ થયેલી આ બબાલનો રેલો ડ્રગ્સ સુધી પહોંચતા અંતે ડ્રગ્સ માફિયાઓ પોતાનું નામ બહાર આવવાની બીકે બંન્ને યુવતીઓ વચ્ચે સમાધાન કરાવવા મેદાને ઉતર્યા હતા.
 
તાજેતરમાં જ કીર્તિ પટેલે સોશિયલ મીડિયામાં કોમલ પંચાલ સાથેની કેટલીક તસવીરો અને વીડિયો પોસ્ટ કર્યા છે જેમાં એકબીજાના પર આરોપો મુકનાર આ બંન્ને યુવતી સાથે બેસીને તેમની વચ્ચે સમાધાન થઈ ગયું હોવાનું કહી રહી છે. કીર્તિ પટેલે શેર કરેલા આ વીડિયોમાં બંને સાથે કેટલાક માથાભારે અને ગુનાહિત પ્રવૃત્તિઓમાં સંડોવાયેલા હોય તેવા વ્યક્તિઓ પણ જોવા મળી રહ્યાં છે. જેથી એવું લાગી રહ્યું છે કે પોતાના નામ બહાર ન આવે માટે ડ્રગ્સ માફિયાઓએ બંન્ને યુવતી વચ્ચે સમાધાન કરીને ભીનું સંકેલી લીધું છે.

આ સમગ્ર મામલે પોલીસની કાર્યવાહી પણ શંકાના ઘેરામાં છે. કારણ કે એક તરફ ફિયાદી અને આરોપી બંને એકબીજા સાથે બેસીને ફોટો પડાવે છે તેમજ વીડિયો રજૂ કરી રહ્યા છે જ્યારે ફરિયાદના 10 દિવસ થઈ ગયા છતાં પણ પોલીસે કાર્તિની ધરપકડ કરી નથી અને પોલીસ ચોપડે તે ફરાર જ છે. કોમલ પંચાલે કીર્તિ પટેલ વિરુદ્ધ સેટેલાઈટ પોલીસ સ્ટેશનમાં 25 ફેબ્રુઆરીએ ફરિયાદ દાખલ કરી હતી. ફરિયાદ બાદ પોલીસે કીર્તિ પટેલની ધરપકડ કરવાને બદલે જાણે પહેલાથી જ ખબર હોય તેમ આંખ આડા કાન કરી જોતી રહી. સામે કીર્તિ પણ ફરિયાદ બાદ એકપછી એક એમ 100 જેટલા વીડિયો પોસ્ટ કરીને પોલીસને ચેલેન્જ આપતી હતી. પરંતુ આ વીડિયોના લોકેશન ટ્રેસ કરીને કીર્તિની ધરપકડ કરવાને બદલે પોલીસ તમાસો જોતી રહી. સુત્રો દ્રારા મળતી માહિતી મુજબ આ બબાલમાં ગુજરાતના ડ્રગ્સ માફિયા, જમીન માફિયા અને ગુનાહિત પ્રવૃત્તિ આચનાર શખસો વચ્ચે પડ્યા હોવાથી પોલીસે તપાસ ના કરી ભીનું સંકેલી લીધું હોવાનું જાણ્યા મળ્યું છે.

મહત્વનું છે કે શરૂઆતમાં ટિકટોક જેવા પ્લેટફોમ પર પોતાના મનોરંજનક વીડિયો બનાવીને લોક ચાહના મેળવનાર કીર્તિ પટેલ પાછળથી નેગેટિવ પબ્લિસિટીના ચક્કરમાં ફેન ફોલોવિંગ વધારવા માટે અને પોતાને કોઈ લેડી ડોન હોય તેમ દર્શાવવા માટે સોશિયલ મીડિયામાં ધર્મ, સમાજના નામે ગાળો બોલીને રાતો રાત ચર્ચામાં આવી ગઈ હતી. એટલું જ નહીં તેણે તમામ સરહદો વટાવીને સોશિયલ મીડિયામાં જાહેરમાં ગંદી ગાળો બોલવા સહિતના વીડિયો બનાવ્યા હતા. આ ઉપરાંત માફિયાઓ સાથે પોતાની રોયલ લાઈફના વીડિયો શેર કરીને યુવાનોને ગુનાહિત પ્રવુતિઓ તરફ લઈ જઈ રહી હોવાનું સમાજના એક વર્ગનું માનવું છે.

Source link