ચીનમાં કોરોનાનું તાંડવ, લોકોએ લાશોના ઢગની તસવીરો કરી શૅર; મૃત્યુઆંક 323,000એ પહોંચવાની આશંકા

Omicron BF.7 variant, Covid 4th Wave: કોરોના વાયરસ મહામારી (Coronavirus pandemic)નો પ્રકોપ એકવાર ફરીથી વધવા લાગ્યો છે. ચીનથી શરૂ થયેલો આ ઘાતક વાયરસ હવે આ દેશ માટે કાળ બની રહ્યો છે. જ્યારે આખા વિશ્વમાં કોરોનાના કેસ ઘટી રહ્યા છે, તે સમયે ચીનમાં તેના કેસ વધી રહ્યા છે. જેને ધ્યાનમાં રાખીને અનેક શહેરોમાં લોકડાઉન જાહેર કરી દેવામાં આવ્યું હતું. જ્યારે હવે અહીં લોકડાઉન હટાવવામાં આવ્યું તો ફરીથી તેના કેસ વધવા લાગ્યા છે અને લાખોની સંખ્યામાં લોકો જીવ ગુમાવી રહ્યા છે.

ચીનમાં નવા કેસની રફ્તારને જોતા કોરોનાની ચોથી લહેરની આશંકા (Covid 4th wave) પણ વ્યક્ત કરી રહ્યા છે. અમેરિકાના ઇન્સ્ટિટ્યૂટ ઓફ હેલ્થ મેટ્રિક્સ એન્ડ ઇવેલ્યૂએશન (IHME) અનુસાર, ચીનના અનેક શહેરોમાં લોકડાઉન હટાવવાના કારણે તેના કેસ ઝડપથી વધી રહ્યા છે. આશંકા છે કે દેશમાં લગભગ એક તૃતીયાંશ વસતી સંક્રમિત થઇ શકે છે અને દેશમાં એપ્રિલ 2023 સુધી 322,000થી વધુ મોત થઇ શકે છે.

ચીનમાં નવા કેસોની પાછળ Omicron BF.7 variantને જવાબદાર ગણવામાં આવે છે. આ વેરિએન્ટની ઓળખ હાલમાં જ બીજિંગમાં કરવામાં આવી હતી. આ નવા વેરિએન્ટ્સ અનેક દેશોમાં ફેલાઇ ચૂક્યા છે, જો કે તેના લક્ષણો હેલ્થ એક્સપર્ટ્સ અનુસાર, તેટલા ગંભીર નથી.

(તસવીરોઃ પિક્સાબે.કોમ, ફ્રિપિક.કોમ)

90 દિવસમાં કોરાનાની ચોથી લહેર? વૈશ્વિક મૃત્યુઆંક ફરીથી લાખોમાં પહોંચવાની તાકીદ; 10 નવા લક્ષણો

​ચીનમાં લોકોએ લાશોના ઢગની તસવીરો શૅર કરી

છેલ્લાં કેટલાંક સમયથી ચીનમાં કોવિડના કેસમાં સતત વધારો થઇ રહ્યો છે, જેને લગતા ઢગલો વીડિયો અને તસવીરો લોકો સોશિયલ મીડિયા પર શૅર કરી રહ્યા છે. હાલમાં જ વાયરલ થયેલા એક વીડિયોમાં લાશોના ઢગ જોવા મળી રહ્યા છે. આ વીડિયો એવા સમયે સામે આવ્યો છે જ્યારે ચીને કોવિડને કારણે થતાં મૃત્યુઆંકના રિપોર્ટ લોકો સમક્ષ જાહેર કરવાનું બંધ કરી દીધું હતું. ચીનમાં છેલ્લે ડિસેમ્બર 4ના રોજ કોરોના ફેટાલિટિઝ ડેટા (Covid fatalities) જાહેર કરવામાં આવ્યા હતા.

ચીનમાં ભયાવહ તબાહી લાવશે કોરોના

​Omicron BF.7 વેરિએન્ટ શું છે?

Omicron-BF-7-

કોરોનાની શરૂઆતથી અત્યાર સુધી ઘણાં વેરિએન્ટ્સ આવ્યા છે જેમાં ઓમિક્રોન સૌથી પ્રમુખ રહ્યો છે. તેના નવા સબવેરિએન્ટ્સ પણ છે જેમાંથી એક BF.7 છે જેને BA.5.2.1.7 તરીકે ઓળખવામાં આવે છે. આ ઓમિક્રોન વેરિએન્ટ BA.5નો સબવેરિએન્ટ છે.

​Omicron BF.7 કેટલો ઘાતક છે?

Omicron-BF-7-

ચીનમાં વધતા કેસના આધારિત અન્ય વેરિએન્ટ્સની સરખામણીએ આ ઝડપથી ફેલાતો વેરિએન્ટ છે, તેનું ઇન્ક્યૂબેશન પીરિયડ નાનો છે પરંતુ લોકોને વધારે સંક્રમિત કરવાની ક્ષમતા ધરાવે છે.

ivescienceમાં પ્રકાશિત એક રિપોર્ટ અનુસાર, ઓમિક્રોન સબવેરિએન્ટ બીએફ.7 ઝડપથી ફેલાય છે, વળી તેને લઇને સૌથી મોટી ચિંતા એ છે કે, આ વાયરસ કોરોનાની વેક્સિન લગાવી ચૂકેલા લોકોને પણ સંક્રમિત કરી શકે છે.

​કમજોર ઇમ્યૂનિટીવાળા લોકોને જોખમ

ચીનના લોકોમાં હર્ડ ઇમ્યૂનિટી વિકસિત નથી થઇ, જેના કારણે અહીંના લોકોની ઇમ્યૂનિટી હજુ પણ કમજોર છે. આ જ કારણે લોકો ઝડપથી આ વેરિએન્ટના સંકજામાં આવી રહ્યા છે. હેલ્થ એક્સપર્ટ અનુસાર, સંભવ છે કે, કમજોર ઇમ્યૂનિટીવાળા લોકો સરળતાથી સંક્રમિત થઇ શકે છે.

Omicron BF.7 લક્ષણો

Omicron-BF-7-

Omicron BF.7ના લક્ષણોની વાત કરીએ તો તે ઓમિક્રોનના અગાઉના વેરિએન્ટ્સથી સમાનતા ધરાવે છે. તેના લક્ષણો મુખ્યત્વે શ્વસનતંત્રને પ્રભાવિત કરે છે. ખાસ કરીને નબળી ઇમ્યૂન સિસ્ટમવાળા લોકો માટે તે ઘાતક સાબિત થઇ શકે છે. mirror.co.uk અનુસાર, તેના લક્ષણો નીચે મુજબ છે –

  • તાવ
  • ખાંસી
  • ગળામાં ખરાશ
  • શરદી
  • થાક
  • ઉલટી અને ઉબકાં જેવા ગેસ્ટ્રોઇન્ટેસ્ટાઇનલ લક્ષણ

અન્ય ક્યા દેશોમાં જોખમ?

ચીન ઉપરાંત BF.7 ભારત, અમેરિકા, યૂકે અને અન્ય યુરોપિયન દેશો જેમ કે બેલ્જિયમ, જર્મની, સહિત વિશ્વના અન્ય દેશોમાં ફેલાઇ ચૂક્યો છે. આ વાયરસ ફ્રાન્સ અને ડેનમાર્કમાં પણ ફેલાઇ રહ્યો છે.

નોંધઃ આ લેખ માત્ર સામાન્ય જાણકારી માટે છે તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

IHME દ્વારા નવી લહેરની આશંકા

Source link