ચહેરા પર વારંવાર ઉપસી આવતા ખીલ અને તેના ડાઘને દૂર કરવા કાયમી ઇલાજ, ન્યૂટ્રિશનિસ્ટની ટિપ્સ

Acne Free Skin Tips Gujarati: સ્કિનને ક્લિયર રાખવા માટે તમે ચોક્કસથી મોંઘાદાટ સ્ક્રબ, માસ્ક અને ક્રિમનો ઉપયોગ કરતાં જ હશો. જો કે, સ્કિનને હેલ્ધી રાખવા માટે આહાર પર ધ્યાન આપવું પણ એટલું જ જરૂરી છે. ખીલની સમસ્યાને દૂર કરવા માટે કેટલાંક એવા ફૂડ્સનો ડાયટમાં સમાવેશ કરવો જોઇએ જે બ્લડ પ્યુરિફાઇડ કરે અને ત્વચાને બેદાગ રાખે.

એક્ને, ખીલ કે પિમ્પલ આ સમસ્યા પાછળ ઘણીવાર હોર્મોન્સ પણ જવાબદાર હોય છે. ઘણીવાર યોગ્ય સ્કિન કૅર રૂટિન છતાં પણ ત્વચા પર વારંવાર ખીલની સમસ્યા સર્જાતી હોય છે. જેનું એક કારણ છે શરીરમાં વધારે માત્રામાં ટોક્સિન્સ જમા થવા. જે કેટલાંક ચોક્કસ પ્રકારના ખોરાક ઉપરાંત કેટલીક દવાઓ જેમ કે સ્ટિરોઇડ્સ વગેરેના કારણે પણ થતી હોય છે. આ સિવાય નબળી ક્વોલિટીના કોસ્મેટિક પ્રોડક્ટ્સથી પણ ખીલની સમસ્યા થાય છે.

સેલિબ્રિટી ન્યૂટ્રિશનિસ્ટ અંજલિ મુખરજી (Anjali Mukerjee, Nutritionist)એ પોતાના સોશિયલ મીડિયા પેજ પર આ અંગે વિગતવાર માહિતી આપી છે. ન્યૂટ્રિશનિસ્ટના જણાવ્યા અનુસાર, ખોરાકની અસર આપણી ત્વચાને હેલ્ધી અને બેદાગ રાખવામાં મદદરૂપ થઇ શકે છે.

(તસવીરોઃ પિક્સાબે.કોમ, ફ્રિપિક.કોમ)

ખીલ, એક્ને+તેના ડાઘ કાયમી દૂર કરશે રસોડાંની 3 સસ્તી વસ્તુઓ; આયુર્વેદિક વૈદ્યની ટિપ્સ

​હેલ્ધી ફૂડથી ત્વચાને રાખો સ્વસ્થ

ન્યૂટ્રિશનિસ્ટ અનુસાર, એક્નેના મૂળ કારણને સમજવા માટે ડર્મેટોલોજીસ્ટની સલાહ લેવી અનિવાર્ય છે. આ સિવાય તમારાં ડાયટમાં એવા ખોરાકનો સમાવેશ કરવો જોઇએ જે બ્લડ પ્યૂરિફાઇડ કરતા હોય. આનાથી ત્વચા અંદરથી સ્વસ્થ રહેશે અને તે ગ્લોઇંગ બનશે. આ માટે કેવા ખોરાક લેવા જોઇએ અને કેવા ભોજનથી બચવું જોઇએ, તે જાણીએ.

​બ્લડ પ્યૂરિફાઇ માટે હર્બ્સ

પ્રાકૃતિક તત્વોથી તૈયાર કરવામાં આવતા મહામંજિષ્ઠાદી (Mahamanjisthadi Kadha Blood Purifier) ઉકાળાનું સેવન કરવાથી લોહી શુદ્ધ થાય છે. શરીરમાં બ્લડ સર્ક્યુલેશન રેગ્યુલર બનવાથી સ્કિન પર દેખાતા એક્ને, પિગ્મેન્ટેશન કે એજિંગની નિશાનીઓ પણ આપમેળે દૂર થવા લાગે છે.

ત્વચાને હેલ્ધી અને બેદાગ રાખવા માટે ન્યૂટ્રિશનિસ્ટની ટિપ્સ

​જંકફૂડ અને મિઠાઇ

વધારે પડતાં જંકફૂડ, તીખા-તળેલા ખોરાક ઉપરાંત ચોકલેટ અને કોલા વગેરેના સેવનથી એક્નેની સમસ્યા વધી શકે છે. આ પ્રકારના ફૂડથી શરીરમાં ટોક્સિન જમા થાય છે, જેના કારણે વારંવાર ખીલ ઉપસી આવે છે.

​આ પ્રકારનો ખોરાક ટાળો

ભોજનમાં પોટેટ ચિપ્સ, પિત્ઝા, ફ્રાઇડ ફૂડ અને વધારે પડતાં ફરસાણથી પણ અંતર જાળવવું જોઇએ. આ પ્રકારના ખોરાકમાં વધારે માત્રામાં ટ્રાન્સફૅટ્સ રહેલા હોય છે, જે ખીલની સમસ્યામાં વધારો કરે છે.

​ફાઇબર ફૂડ્સ

ભોજનથી તમારાં શરીરમાં ફાઇબર ઇન-ટેક વધારવા પર ભાર આપો. આ માટે તાજા ફળો, સિઝનલ શાકભાજી અને હેલ્ધી ફૅટવાળો ખોરાક લો. આનાથી ત્વચાને અંદરથી પોષણ મળશે, ફાઇબરથી સ્કિન પર એજિંગની નિશાનીઓ દૂર થશે.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

શરીરના આ અંગો પર મસ્સા દેખાય તો સચેત થઇ જાવ, કેન્સર જેવી જીવલેણ બીમારીનું છે જોખમ; ડોક્ટરની સલાહ

ચહેરાની ત્વચા હાથ-પગ કે ગળાના ભાગ કરતાં વધારે ડાર્ક દેખાઇ રહી છે? ડોક્ટર પાસેથી જાણો જવાબ અને ઇલાજ



Source link