ગ્લોઇંગ સ્કિન માટે કેટલા સમય પછી ફેસિયલ કરાવવું જોઇએ? જાણો ડર્મેટોલોજીસ્ટ શું કહે છે?

Dermatologist’s Tips on Facial: એ વાતમાં તો કોઇ શંકા નથી કે સ્કિનને દર થોડાં દિવસે ડીપ ક્લીન કરાવવાની જરૂર રહે છે. આ સાથે જ નરિશ્મેન્ટ પણ મહત્વનું હોય છે. આ બંને જરૂરિયાતોને ફેસિયલથી પૂરી કરી શકાય છે.

આ જ કારણોસર સ્કિન એક્સપર્ટ પણ ફેસિયલ કરાવવાની વાતને મહત્વ આપે છે. સામાન્ય રીતે મહિલાઓ મહિનામાં અથવા બે મહિનામાં એકવાર ફેસિયલ કરાવે છે. હકીકતમાં દર 15 દિવસે ફેસિયલ કરાવવાથી સ્કિનને ફાયદો મળે છે.

15 દિવસમાં એકવાર ફેસિયલ કરાવવાથી સ્કિનને ક્લીન રાખવામાં મદદ મળે છે. આનાથી પોર્સ ક્લીન થવાની સાથે ડેડ સ્કિન દૂર થાય છે. આ ઉપરાંત જો તમને બ્લેકહેડ્સથી લઇને વ્હાઇટ હેડ્સની સમસ્યા છે તો તે પણ દૂર થાય છે. મહિનામાં બે વખત સ્કિનને ડેમેજ કરતી આ ખરાબીઓને દૂર કરવામાં આવે તો ત્વચા હેલ્ધી અને ગ્લોઇંગ બને છે.

(તસવીરોઃ પિક્સાબે.કોમ, ફ્રિપિક.કોમ)

રેગ્યુલર નહીં મેડિકલ ફેસિયલ કરાવો, મળશે શાનદાર રિઝલ્ટ; ડર્મેટોલોજીસ્ટ પાસેથી જાણો માહિતી

​એક્સપર્ટની સલાહ

ડર્મેટોલોજીસ્ટ રશ્મિ શેઠ્ઠી (Dr. Rashmi Shetty, Celebrity Dermatologist) અનુસાર કેટલી વાર ફેસિયલ કરાવવું જોઇએ તેને લગતા કોઇ ચોક્કસ નિયમો નથી. પરંતુ જો તમારી સ્કિન ડ્રાય છે તો બે વખત ફેસિયલ કરાવવાથી સ્કિન હાઇડ્રેટ રહેશે અને ચહેરાનો ગ્લો જળવાશે. આ સિવાય જો તમને ઓપન કે ક્લોગ પોર્સ, વ્હાઇટહેડ્સ અને બ્લેકહેડ્સની સમસ્યા પણ હોય તો 15 દિવસમાં એકવાર ક્લિનઅપ કરાવી શકાય છે. જો કે, સેન્સિટિવ સ્કિનને ડોક્ટરની સલાહ અનુસાર જ ફેસિયલ કરાવવાની એક્સપર્ટ સલાહ આપે છે.

​ફેસિયલથી મળતા ફાયદાઓ

  • ફેસિયલ એવી સ્કિનકેર ટ્રીટમેન્ટ છે જેમાં અલગ અલગ પ્રોડક્ટ્સ અને ટેક્નિકના કોમ્બિનેશનથી એકથી દોઢ કલાકની અંદર વધુમાં વધુ ફાયદો મળે છે.
  • ફેસિયલમાં એક્સફૉલિએશનની મદદથી ડેડ સ્કિન અને ઇમ્પ્યૂરિટી રિમૂવ થાય છે
  • સ્મૂધિંગ માસ્ક અને ક્રીમ્સથી ત્વચાને હાઇડ્રેશન આપવામાં આવે છે
  • આ સાથે જ હેન્ડ મૂવમેન્ટથી મસાજ કરવામાં આવે છે જે એજિંગ સાઇન્સને દૂર કરવાથી લઇને ફેસ શૅપને વધારે સારો બનાવવામાં મદદ કરે છે.

​કેવી રીતે થાય છે ફેસિયલ?

  • પહેલાં ચહરાને ક્લિન્ઝરથી ક્લીન કરવામાં આવે છે
  • સ્ક્રબથી એક્સફૉલિએશન કરવામાં આવે છે
  • ટેનિંગ રિમૂવ કરવા માટે માસ્ક લગાવવામાં આવે છે જે અંદાજિત 10થી 15 મિનિટ માટે રાખવામાં આવે છે
  • ફેસિયલ માટે ખાસ તૈયાર કરવામાં આવેલા ક્રીમ્સથી મસાજ કરવામાં આવે છે
  • મસાજ ટેક્નિકના ઉપયોગથી સ્કિન રિલેક્સ કરવાની સાથે ફેસ ક્યોન્ટ્યોરિંગ પર ફોક્સ કરવામાં આવે છે
  • તેને અંદાજિત 20થી અડધા કલાક સુધી મસાજ કરવામાં આવે છે
  • ચહેરાને સાફ કર્યા બાદ ફેસ પેક લગાવવામાં આવે છે જેનો સમય 15થી 20 મિનિટનો હોય છે
  • આખરે ચહેરાને એકવાર ફરીથી સાફ કર્યા બાદ ફેસ ક્રીમ અને સનસ્ક્રિન લગાવવામાં આવે છે

​ઘરે ફેસિયલ કરવાની રીત

  • જેન્ટલ ફેસ વૉશથી ચહેરો સાફ કરો
  • હોમ-મેડ અથવા માર્કેટમાંથી ખરીદેલા સ્ક્રબથી ચહેરા પર 5 મિનિટ સુધી સ્ક્રબિંગ કરો
  • ફેસ સ્ટીમ લો જેથી જે પણ પ્રોડક્ટ્સ અપ્લાય કરો તે સારી રીતે એબ્ઝોર્બ થઇ શકે
  • રિચ મોઇશ્ચરાઇઝરથી ચહેરા પર 10 મિનિટ સુધી મસાજ કરો
  • આ દરમિયાન સ્ટ્રોકસ કેવી રીતે કરાવાના છે તે માટે ઇન્ટરનેટ વીડિયોઝની મદદ લઇ શકો છે
  • ફેસ ક્લીન કર્યા બાદ ઘરે અથવા માર્કેટમાંથી લાવેલા ફેસ પૅકને 15 મિનિટ લગાવીને રાખો
  • ચહેરાને હળવા ગરમ પાણીથી ક્લીન કરો અને ક્રિમ લગાવો
  • તમે બદામ અથવા એસેન્શિયલ ઓઇલ પણ અપ્લાય કરી શકો છો.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

ત્વચાને બારેમાસ હેલ્ધી અને ગ્લોઇંગ રાખવા માટે ડાયટમાં આ વસ્તુઓ કરો સામેલ, જાણો ન્યૂટ્રિશનિસ્ટની સલાહ

ફેસિયલના ફાયદાઓ વિશે ડર્મેટોલોજીસ્ટ પાસેથી જાણો

Source link