ગોમતીપુરમાં 4 શખ્સો રૂપિયાની માગણી કરી રહ્યા હતા, વચ્ચે પડેલા યુવકની હત્યા કરી નાખી

 

ગોમતીપુરઃ શનિવારે ચાર શખ્સોએ જાહેર રોડ પર એક અજાણ્યા યુવકને ઊભો રાખ્યો હતો. બાદમાં આ ચારેય શખ્સોએ અજાણ્યા યુવક પાસે રૂપિયાની માંગણી કરી હતી. યુવકે રુપિયા આપાવનો ઈનકાર કર્યો તો ચારેય શખ્સોએ તેને માર માર્યો હતો. આ દરમિયાન ત્યાંથી પસાર થઈ રહેલા અમિત બાબુભાઈ રાઠોડ નામનો એક યુવક તેને છોડાવવા માટે વચ્ચે પડ્યો હતો. આ જોઈને ચારેય શખ્સો ઉશ્કેરાયા હતા અને અમિત રાઠોડને ચપ્પાના ઘા મારીને મોતને ઘાટ ઉતારી (Murder in gomtipur) દીધો હતો. ઘટનાની જાણ થતા આસપાસના લોકો દોડી આવ્યા હતા. બાદમાં ઘટાનાની જાણ પોલીસને કરવામાં આવી હતી. જાણ થતા પોલીસ ઘટના સ્થળે દોડી આવી હતી અને અમિત રાઠોડના મૃતદેહને પોસ્ટમોર્ટમ માટે હોસ્પિટલ ખસેડી હતી. પોલીસે (Ahmedabad news)આ મામલે ગુનો નોંધીને આગળની કાર્યવાહી હાથ ધરી હતી. જો કે, પોલીસે ચારેય આરોપીઓને ઝડપી પાડ્યા હતા. પોલીસ તપાસમાં સામે આવ્યું કે ચારેય આરોપીઓ ડ્રગ્સના બંધાણી હતા.

પોલીસના જણાવ્યા મુજબ, મૃતક અમિત બાબુભાઈ રાઠોડ સુખરામનગર વિસ્તારમાં પરિવાર સાથે રહેતો હતો. મૃતક અમિત કડિયાકામ કરીને પરિવારનું ગુજરાન ચલાવતો હતો. મૃતક અમિત શનિવારે કે.એસ. વિદ્યાલય પાસેથી પસાર થઈ રહ્યો હતો. એ સમયે ચાર અસમાજીક તત્વો એક યુવકને રોકીને તેની પાસે રુપિયાની માંગણી કરી રહ્યા હતા. યુવક પૈસા આપવા માટે ઈનકાર કરતા તેઓએ તેને માર માર્યો હતો. આ જોઈને અમિત રાઠોડ વચ્ચે પડ્યો હતો. અમિત રાઠોડ વચ્ચે પડતા ઉશ્કેરાયેલા શખ્સોએ અમિત પર ચપ્પાથી જીવલેણ હુમલો કર્યો હતો. બાદમાં અમિત લોહીલુહાણ હાલતમાં પડી ગયો હતો.

આ જોઈને આસપાસના લોકો દોડી આવ્યા હતા. જે બાદ ચારેય અસામાજીક તત્વો ત્યાંથી નાસી છૂટ્યા હતા. જો કે, અમિતને ગંભીર ઈજાઓ થતા તેનું મોત નીપજ્યુ હતુ. સ્થાનિક લોકોએ ઘટનાની જાણ પોલીસને કરી હતી. જે બાદ પોલીસ ઘટના સ્થળે દોડી આવી હતી અને અમિતના મૃતદેહને પોસ્ટમોર્ટમ માટે હોસ્પિટલ ખસેડી હતી. બાદમાં પોલીસે ચારેય આરોપીઓ વિરુદ્ધ ગુનો નોંધીને તેઓને ઝડપી પાડ્યા હતા. પોલીસે આ મામલે ગુનો નોંધીને આગળની કાર્યવાહી હાથ ધરી છે. પોલીસ તપાસમાં જાણવા મળ્યું કે, ચારેય આરોપીઓને નશાની આદત હતી અને પૈસા મેળવવાની લ્હાયમાં આ કૃત્યને અંજામ આપ્યો હતો.

Source link