ગેંગરેપની ફરિયાદ નોંધાવ્યા બાદ યુવતીએ જીવન ટૂંકાવ્યું, પોલીસ તપાસમાં મોટો ધડાકો

 

વડોદરા: ડભોઈ તાલુકાવના લિંગસ્થળી ગામે 3 મહિના પહેલા બે હવસખોરોનો ભોગ બનેલી યુવતીએ મુંબઈમાં રેપની ફરિયાદ નોંધાવી હતી. જે ફરિયાદ ડભોઈ પોલીસ સ્ટેશનમાં ટ્રાન્સફર થતાં પોલીસની તપાસમાં યુવતી પર સામુહિક બળાત્કાર નહીં પરંતુ છેલ્લા દોઢ વર્ષથી જે યુવાનની સાથે પ્રેમસંબંધ હતો તે યુવાનની સાથેના શારીરિક સંબંધથી તેને ગર્ભધારણ થયો હોવાનું સામે આવ્યું છે. સમાજમાં આબરૂ જશે તે બીકથી 21 વર્ષીય યુવતીએ ફરિયાદ નોંધાવ્યા બાદ જીવનનો અંત આણ્યો હતો.

મૃતક મુંબઈમાં નોકરાણીનું કામ કરતી હતી અને જાન્યુઆરીમાં પોતાના વતન આવી હતી. તે જ મહિનામાં તે મુંબઈ પાછી આવી હતી. આ દરમિયાન તેના પીરિયડ્સ મિસ થતાં હોસ્પિટલમાં લઈ જવામાં આવી હતી, જ્યાં તપાસ કરતા તે ગર્ભવતી હોવાનું સામે આવ્યું હતું.

ત્યારબાદ યુવતીએ થાણેના ચારકોપ પોલીસ સ્ટેશનમાં ફરિયાદ નોંધાવી હતી કે વતનની મુલાકાત દરમિયાન બે વ્યક્તિઓ દ્વારા તેના પર રેપ કરવામાં આવ્યો હતો. પોલીસ ફરિયાદમાં તેણીએ દાવો કર્યો હતો કે તે તેના ઘરેથી પરત ફરી રહી હતી અને લેવા માટે મામાને બોલાવ્યા હતા. જો કે તેમને આવવામાં મોડું થતાં તેણીએ ઓટો-રિક્ષામાં લિફ્ટ લીધી જેમાં ડ્રાઇવર સિવાય પેસેન્જર સીટ પર એક વ્યક્તિ બેઠો હતો.

યુવતીએ એવું પણ જણાવ્યું કે, શોર્ટ કટનો ઉપયોગ કરી રહ્યો હોવાનો દાવો કરીને રિક્ષાચાલક તેને એકાંત સ્થળે લઈ ગયો હતો. ડ્રાઈવર અને અન્ય વ્યક્તિએ તેના પર કથિક રીતે બળાત્કાર કર્યો હતો. યુવતીએ કહ્યું કે તે પીડામાં હતી અને તેણે આ ઘટના કોઈને જણાવી નથી. તે જાન્યુઆરીમાં જ મુંબઈ પરત ફરી હતી.

ડભોઈ પોલીસ સ્ટેશને ગુરુવારે ચારકોપ પોલીસ સ્ટેશનમાંથી ટ્રાન્સફર કરાયેલા કેસના આધારે ગુનો નોંધ્યો હતો. મહિલાનું નિવેદન પણ નોંધવામાં આવ્યું હતું અને તેણીને શુક્રવારે ફરીથી પોલીસ સ્ટેશનની મુલાકાત લેવા માટે કહેવામાં આવ્યું હતું. જોકે શુક્રવારે તેણીએ આપઘાત કરી લીધો હતો.

એક સીનિયર પોલીસ અધિકારીએ જણાવ્યું કે તપાસમાં જાણવા મળ્યું છે કે આણંદના એક યુવક સાથે યુવતીનું અફેર હતું જેને તેણી સોશિયલ મીડિયા પર મળી હતી. યુવતીએ યુવકને જણાવ્યું હતું કે, શારીરિક સંબંધોના કારણે તે ગર્ભવતી થઈ છે અને આ અંગે યુવકે ચેટ મેસેજ પણ કર્યા હતા.

આણંદના યુવકે જ્યાં શારીરિક સંબંધ હોવાનો દાવો કર્યો હતો તે જગ્યાએ બંનેની મુલાકાત થઈ હોવાનું પણ અન્ય પુરાવાઓ પરથી જાણવા મળ્યું હતું. પોલીસ કોઈ નિષ્કર્ષ પર પહોંચતા પહેલા વધુ પુરાવા એકત્ર કરવા માટે તપાસ કરી રહી છે.

Source link